སྤྱི་ཟླ་8པ་ཤར་ཚུན། བོད་ལྗོངས་ཀྱི་ས་ཕྱོགས་གང་སར་མི་རིགས་ཀྱི་སྲོལ་རྒྱུན་དུས་ཆེན་གཅིག་མཇུག་གཉིས་མཐུད་ངང་གཏོང་འགོ་ཚུགས་པ་དང་། ལྷག་པར་དུ་ཞོ་སྟོན་སླེབས་ལ་ཉེ་བའི་མཚམས་འདིར་བོད་དུ་ཡོང་མཁན་ཡུལ་སྐོར་བ་རིམ་བཞིན་ཇེ་མང་དུ་སོང་ནས་ཡུལ་སྐོར་གྱི་ཚ་རླབས་འཕྱུར་བཞིན་ཡོད།
ལྗོངས་ཡུལ་སྐོར་འཕེལ་རྒྱས་ཨུ་ཡོན་ལྷན་ཁང་གི་བསྡོམས་རྩིས་གྲངས་གཞིའི་ཐོག་ནས་མངོན་པར་གཞིགས་ན། ད་ལོའི་ལོ་སྟོད་དུ་རིམ་རྩིས་བྱས་ན་བོད་ལྗོངས་ཀྱིས་རྒྱལ་ཁབ་ཕྱི་ནང་གི་ཡུལ་སྐོར་བ་ཁྲི་ཚོ་1115.61ལ་སྣེ་ལེན་ཞུས་པ་དེ། ན་ནིང་གི་དུས་མཚུངས་པ་དང་བསྡུར་ན་མི་ཐེངས་ཁྲི་ཚོ་300ཡིས་མང་བ་ཡོད་པ་དང་བརྒྱ་ཆ26.6འཕར་ཡོད། ཡུལ་སྐོར་གྱི་སྤྱིའི་ཡོང་འབབ་སྒོར་དུང་ཕྱུར་124.68ཟིན་པ་དེ་དུས་མཚུངས་པ་དང་བསྡུར་ན་བརྒྱ་ཆ་34.7འཕར་ཡོད།།
བཀོད་ལེགས་མཚར་དུ་མངར་བའི་ཕོ་བྲང་བརྗིད་ཉམས་ལ། མིག་ལྡན་སྐྱེ་འགྲོའི་ཡིད་དབང་མ་འགུག་ག་ལ་སྲིད།
ལོ་ངོ་སྟོང་གི་ལོ་རྒྱུས་འདས་ཟིན་ཡང་། ཕོ་བྲང་བརྗིད་ཉམས་སྔར་བཞིན་འགྱིང་ངེར་གནས།
