ལྷོ་ཁ་གྲོང་ཁྱེར་དུ་རྨོད་གཉའ་གཅོག་པའི་མཛད་སྒོ་འཚོགས་པ།

འདི་ནི་ཟླ་3ཚེས་16ཉིན་ལྷོ་ཁ་གྲོང་ཁྱེར་སྣེ་གདོང་ཆུས་ཁེ་གསུམ་སྡེ་ཁུལ་གྱི་གྲོང་མིས་རྨོད་གཉའ་གཅོག་པའི་མཛད་སྒོར་ཞུགས་བཞིན་པ།

འདི་ནི་སྣེ་གདོང་ཆུས་ཀྱི་རྨོད་གཉའ་གཅོག་པའི་མཛད་སྒོ་ཡིན་པ།

            ལོ་60ཡི་གོང་བོད་ཀྱིས་ཐོག་མར་ཁེ་གསུམ་དུ་དམངས་གཙོའི་བཅོས་སྒྱུར་བྱས་རྗེས་ཡར་ལངས་བཅིངས་འགྲོལ་ཐོབ་པའི་ཞིང་བྲན་ཚོར་རང་ཉིད་ལ་དབང་བའི་ཞིང་ཁ་དང་ཐོན་སྐྱེད་ཡོ་ཆས་ཐོག་མར་རག་ཡོད། ད་ཆ་ཁེ་གསུམ་སྡེ་ཁུལ་གྱི་ཞིང་ལས་ཐོན་སྐྱེད་སྤྱིར་ན་འཕྲུལ་ཆས་ཅན་ལ་གྱུར་བ་དང་2018ལོར་སྡེ་ཁུལ་ཡོངས་ལ་དཔལ་འབྱོར་ཡོང་འབབ་བསྡོམས་སྒོར་ཁྲི་3427.47བྱུང་བ་དང་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་19735ཟིན་ཡོད། 

            ཉེ་བའི་ལོ་ཤས་རིང་བོད་ཀྱི་ཞིང་འབྲོག་ལས་ཐོན་སྐྱེད་འཕེལ་རྒྱས་མྱུར་པོ་བྱུང་བ་དང་ལྷག་པར་དུ་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་བོད་ཀྱི་ཞིང་ལས་ལ་ལོ་བསྟུད་མར་ལོ་ལེགས་བྱུང་སྟེ་ནས་ཀྱི་ཐོན་འབབ་ཏུན་ཁྲི་70ལྷག་ཟིན་པ་དང་བོད་ཀྱི་གྲོང་གསེབ་ཀྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་ཁྲི་ལྷག་ཟིན་པ་རེད། 

རྩོམ་སྒྲིག་པ། སངས་སྐྱབས།