ཐོན་ཁུངས་ཀྱི་ལེགས་ཆ་དཔལ་འབྱོར་གྱི་ལེགས་ཆར་བསྒྱུར་ནས་མང་ཚོགས་འབབ་འཕར་ཕྱུག་འགྱུར་ཡོང་བའི་ཐབས་ལམ་ཡག་པོར་འགྱུར་བར་བྱ་ཆེད། ལྷོ་ཁ་གྲོང་ཁྱེར་སྣེ་གདོང་ཆུས་སྐྱེད་པ་ཤང་སྟར་ཤིང་གྲོང་ཚོས་འབྲེལ་ཡོད་ཚན་པའི་རྒྱབ་སྐྱོར་ཤུགས་ཆེན་འོག གྲོང་ཚོའི་ཞིང་དར་རྡོ་ཧྲུག་བཟོ་གྲྭ་གསར་དུ་བཙུགས་པ་དང་། མིག་སྔར། རྡོ་ཧྲུག་བཟོ་གྲྭའི་ཐོན་རྫས་སྣེ་གདོང་དང་། ཟངས་རི། འཕྱོངས་རྒྱས། གྲ་ནང་སོགས་རྫོང་དང་ཆུས་མང་དག་ཅིག་ལ་བཙོངས་པར་དཔལ་འབྱོར་གྱི་ཕན་འབྲས་ཡག་པོ་ཐོབ་ནས། སྟར་ཤིང་གྲོང་ཚོའི་མི་སེར་ཚོའི་འབབ་འཕར་གྱི་ཡོང་ཁུངས་གཙོ་བོར་གྱུར་ཡོད་པ་རེད། འདི་ནི་རྡོ་ཧྲུག་བཟོ་གྲྭའི་ལས་དོན་མི་སྣས་ལས་ཀ་བྱེད་པའི་གནས་ཚུལ་ཡིན་པ།
རྩོམ་སྒྲིག་པ། སངས་སྐྱབས།
