བསྟན་པའི་དཔལ་གྱུར་བླ་མའི་ཞབས་པད་བརྟན། །
བསྟན་འཛིན་སྐྱེས་བུས་ས་སྟེང་ཡོངས་ལ་ཁྱབ། །
བསྟན་པའི་སྦྱིན་བདག་མངའ་ཐང་དར་བ་ཡིས། །
བསྟན་པ་ཡུནརིང་གནས་བའི་བཀྲ་ཤིས་ཤོག །
རྗེ་བཙུན་བྱམས་པ་ལ་མཆོད་པར་བརྗོད་པ།།
འགྲོ་བའི་ཉོན་མོངས་དུག་གསུམ་རྨེག་མེད་འཇོམས།།
འགྲོ་དྲུག་སེམས་ཅན་བྱམས་པའི་དཔལ་གྱིས་སྐྱོང་།།
འགྲོ་རྣམས་བྱམས་ཀྱིས་སངས་རྒྱས་ས་ལ་འགོད།།
འགྲོ་ལ་བརྩེ་བའི་རྗེ་བཙུན་བྱམས་པར་འདུད།།
བདུད་བཞིའི་དམག་ཚོགས་རང་སར་ཞི་མཛད་པས།།
འགྲོ་བའི་ལས་རྣམས་ལྷུན་གྱིས་འགྲུབ་པར་ཤོག།
མེ་ཏོག་མཆོད་པ་ལ་བསྔགས་པ་བརྗོད་པ།
དྲི་བྲལ་དཔལ་ལས་གྲུབ་པའི་མཆོད་པའི་རྫས།
ཕུལ་བྱུང་མེ་ཏོག་མཆོད་པའི་དགེ་ཚོགས་འདིས།
སྐྱེ་དགུའི་ལས་དོན་མཐའ་དག་ལྷུན་འགྲུབ་ངང་།
རང་སའི་བདེ་བའི་དཔལ་ལ་རོལ་བར་སྨོན།
