ཆབ་མདོ་གྲོང་ཁྱེར་རི་བོ་ཆེ་རྫོང་བཀྲ་བསྟན་མི་རིགས་རིག་གནས་ལག་ཤེས་བཟོ་ལས་ཚད་ཡོད་འགན་འཁྲི་ཀུང་སི་ནི་2014ལོར་བཙུགས་པ་དང་། ཀུང་སི་འདི་ཉིད་རི་བོ་ཆེ་རྫོང་ཐོན་ལས་གླིང་དུ་གནས་ཡོད་པ་དང་མིག་སྔར་ཀུང་སིའི་གཏན་འཇགས་རྒྱུ་ནོར་ཁྲི་སུམ་བརྒྱ་ལྷག་ཙམ་ཟིན་གྱི་ཡོད་པ་རེད། ཀུང་སི་བཙུགས་པ་ནས་བཟུང་སྔ་རྗེས་སུ་རིན་པ་མི་དགོས་པར་ས་གནས་དེ་གའི་ཞིང་འབྲོག་པ་ན་གཞོན་200ལྷག་ལ་ལག་ཤེས་བསླབ་པར་ཤང་དང་གྲོང་རྡལ་4ཡི་མི་ཚུད་ཡོད་ཅིང་། དེའི་ཁྲོད་ཀྱི་མི་70ནི་ཁྱིམ་ཚང་དབུལ་པོ་ནས་ཡིན། ད་ལྟ་དགེ་ཕྲུག་མང་ཆེ་བ་ཀུང་སི་ནས་སྦྱངས་པའི་ལག་ཤེས་ལ་བརྟེན་ནས་དབུལ་སྒྲོལ་ཕྱུག་འགྱུར་གྱི་ལམ་བུའི་ཐོག་སྐྱོད་བཞིན་ཡོད། གོང་གི་པར་རིས་ནི་ཆབ་མདོ་གྲོང་ཁྱེར་རི་བོ་ཆེ་རྫོང་བཀྲ་བསྟན་མི་རིགས་རིག་གནས་ལག་ཤེས་བཟོ་ལས་ཚད་ཡོད་འགན་འཁྲི་ཀུང་སིའི་དགེ་རྒན་གྱིས་དགེ་ཕྲུག་ལ་ཐང་ག་བཞེངས་སྟངས་སློབ་བཞིན་པ་རེད།
