ཀྲུང་གོའི་བོད་ལྗོངས་དྲ་བ།>རིག་གནས།

ཀརྨ་བྲིས་ལུགས།

2018-12-19 སྣང་མཛོད་ཀྱིས་བསྒྲིགས།

       དུས་རབས་བཅུ་དྲུག་པའི་ནང་དུ་སྤྲུལ་སྐུ་ནམ་མཁའ་བཀྲ་ཤིས་ཀྱིས་རུས་ཚུགས་རྒྱ་གར་ལི་མ་དང་སྨན་ཐང་ལུགས་ཟུང་འབྲེལ་བྱེད་པའི་སྲོལ་རྒྱུན་འཛིན་ཐོག་སི་ཐང་ཡུག་དྲིལ་ཆེན་མོའི་རྒྱ་སྲོལ་ཞིབ་བྲིས་རི་མོའི་ནང་གི་ཕོ་བྲང་དང་བྲག་རི། ཆུ་རྒྱུན། ལྗོན་ཤིང་། མེ་ཏོག་སོགས་ཡུལ་ལྗོངས་ཀྱི་བཀོད་པ་ཕུན་སུམ་ཚོགས་པའི་ལེགས་ཆ་བླངས་ཏེ། ཚོན་མདངས་བྱ་ཐབས་ཐད་རང་མི་རིགས་ཀྱི་ཉམས་འགྱུར་མ་ཉམས་པའི་ཐོག་ནས་སྒར་བྲིས་ཀྱི་སྲོལ་ཐོག་མར་བཏོད་པའི་བྲིས་རྒྱུན་དེ་ཡིན་ལ། དེ་ནི་བོད་ལུགས་ཐུན་མོང་མ་ཡིན་པའི་རི་མོའི་འབྲི་སྲོལ་ཆེན་པོ་ལྔ་ཡོད་པའི་ནང་ནས་སྐད་གྲགས་ཆེ་བའི་བྲིས་རྒྱུན་ཞིག་གོ། །
       དུས་རབས་བཅུ་དྲུག་པའི་ནང་དུ་སྤྲུལ་སྐུ་ནམ་མཁའ་བཀྲ་ཤིས་ཀྱིས་རུས་ཚུགས་རྒྱ་གར་ལི་མ་དང་སྨན་ཐང་ལུགས་ཟུང་འབྲེལ་བྱེད་པའི་སྲོལ་རྒྱུན་འཛིན་ཐོག་སི་ཐང་ཡུག་དྲིལ་ཆེན་མོའི་རྒྱ་སྲོལ་ཞིབ་བྲིས་རི་མོའི་ནང་གི་ཕོ་བྲང་དང་བྲག་རི། ཆུ་རྒྱུན། ལྗོན་ཤིང་། མེ་ཏོག་སོགས་ཡུལ་ལྗོངས་ཀྱི་བཀོད་པ་ཕུན་སུམ་ཚོགས་པའི་ལེགས་ཆ་བླངས་ཏེ། ཚོན་མདངས་བྱ་ཐབས་ཐད་རང་མི་རིགས་ཀྱི་ཉམས་འགྱུར་མ་ཉམས་པའི་ཐོག་ནས་སྒར་བྲིས་ཀྱི་སྲོལ་ཐོག་མར་བཏོད་པའི་བྲིས་རྒྱུན་དེ་ནི་བོད་ལུགས་ཐུན་མོང་མ་ཡིན་པའི་རི་མོའི་འབྲི་སྲོལ་ཆེན་པོ་ལྔ་ཡོད་པའི་ནང་ནས་སྐད་གྲགས་ཆེ་བའི་བྲིས་རྒྱུན་ཞིག་སྟེ། འདིའི་སྲོལ་ཐོག་མར་དར་སྤེལ་མཛད་མཁན་ནི་ཀརྨ་སྐུ་ཕྲེང་བརྒྱད་པ་མི་བསྐྱོད་རྡོ་རྗེའི་སློབ་མ་ཡར་སྟོད་སྤྲུལ་སྐུ་ནམ་མཁའ་བཀྲ་ཤིས་ཡིན་པ《ཀམ་ཚང་ཆོས་འབྱུང》དུ་གསལ་ཞིང་། ཀརྨ་སྐུ་ཕྲེང་བཅུ་བ་ཆོས་དབྱིངས་རྡོ་རྗེ་ཕྱག་རིས་ལ་མཁས་རྩལ་ཆེ་བ་བཅས་ལ་བརྟེན་བཀའ་བརྒྱུད་ཕྱོགས་ཀྱི་དགོན་རྙིང་མང་པོ་ཞིག་ལ་སྒར་བྲིས་ཀྱི་སྲོལ་དར་ཁྱབ་བྱུང་བར་མངོན། ཀརྨ་པ་ཆོས་དབྱིངས་རྡོ་རྗེའི་ཕྱག་བྲིས་ཡིན་ཞེས་མཚན་བྱང་འཁོད་པའི་རྗེ་བཙུན་མི་ལ་རས་པ་དང་། ཚེ་རིང་མཆེད་ལྔའི་ཞལ་ཐང་ཆུང་བ་གཉིས་ལྷོ་བྲག་ཉི་ལྡེ་དགོན་པར་ཡོད་ཚུལ་སྐྱེས་ཆེན་དམ་པ་འགའ་ཞིག་གི་རྣམ་ཐར་ནང་གསལ་ཞིང་། ཡང་གྲུབ་ཐོབ་བརྒྱད་བཅུའི་ཞལ་ཐང་སྒར་བྲིས་བྱས་པ་གནས་ནང་དཔའ་བོ་རིན་པོ་ཆེའི་ཐུགས་དམ་རྟེན་གྱི་གྲས་སུ་ཡོད་པ། ཡང་ལྷོ་བྲག་སྲས་མཁར་དགུ་ཐོག་གི་ལྷ་ཁང་དུ་གྲུབ་ཐོབ་བརྒྱད་བཅུའི་ཞལ་ཐང་སྒར་བྲིས་བྱས་པ་བཅས་ཡོད་ཚུལ་དེའི་དཀར་ཆག་ཏུ་རྒྱས་པར་གསལ་བ་བཅས་སོ། །
འབྲེལ་ཡོད་རྩོམ་ཡིག