རྩོམ་ཡིག་འགྲན་སྡུར་གྱི་བརྗོད་བྱ་ནི་སློབ་གྲོགས་རང་རང་གི་དུས་རྒྱུན་འཚོ་བའི་ཁྲོད་ཀྱི་མཐོང་ཐོས་རེག་གསུམ་ཅི་རིགས་བྲི་ཆོག་ལ། རྩོམ་གྱི་ཁ་བྱང་རང་རང་གི་བརྗོད་བྱ་ལྟར་གང་ལ་དེ་འཚམ་གྱིས་བཏགས་ཆོག
རྩོམ་ཡིག་འགྲན་སྡུར་འདིའི་ནང་དུ་ཞུགས་མཁན་གྱིས་ངེས་དགོས་པའི་དོན་ཚན་འགའ་གཤམ་གསལ་ཏེ།
དང་པོ། རྩོམ་ཡིག་བསྡུ་བའི་དུས་ཚོད་ནི2017ལོའི་ཟླ8པའི་ཚེས1ཉིན་ནས2018ལོའི2པའི་ཚེས1ཉིན་བར་ཡིན་ལ།དེའི་རིང་ལ་འབྱོར་བའི་རྩོམ་ཡིག་རྣམས་ལས་རྩེ་གྲས་དག<<མཚོ་སྔོན་བོད་ཡིག་གསར་འགྱུར>>སྟེང་དུ་དགོད་རྒྱུ་ཡིན།
གཉིས་པ། རྩོམ་ལུས་ངེས་པར་ཇི་བཞིན་བརྗོད་པ་ཡིན་དགོས་ལ།བརྗོད་བྱ་དང་རྗོད་བྱེད་གང་ཐད་ནས་འབུར་དུ་ཐོན་ཞིང་དུས་རབས་ཀྱི་དབྱངས་འགྲོས་དང་མཐུན་དགོས།
གསུམ་པ། གཞན་རྩོམ་རྐུ་བཤུ་གཏན་ནས་བྱ་མི་ཆོག
བཞི་པ། 2018ལོའི་ཟླ2པར་ཆེད་མཁས་པ་གདན་འདྲེན་ཞུས་ནས་གཟབ་ནན་སྒོས་དཔྱད་འདེམ་བྱ་རྒྱུ་ཡིན། འདིར་བྱ་དགའི་རིམ་པ་ལ་ཨང་དང་པོ་གཅིག་དང་བྱ་དགའི་སྒོར་མོ་དམངས་སྒོར2000ཡོད། ཨང་གཉིས་པ་གཉིས་དང་སོ་སོར་དམངས་སྒོར1500རེ་ཡོད། ཨང་གསུམ་པ་གསུམ་སྟེ་སོ་སོར་དམངས་སྒོར1000རེ་ཡོད། གཞན་ཡང་རྟིང་སྐུལ་བྱ་དགའ་ལྔ་སྟེ་སོ་སོར་དམངས་སྒོར500བཅས་ཡོད་ལ་བྱ་དགའི་དཔང་ཡིག་གནང་རྒྱུ་ཡིན།
ལྔ་པ། འགྲན་ཞུགས་རྩོམ་ཡིག་རྣམས་གློག་རྡུལ་ཡིག་ཟམ( ཡིག་ཟམchisanghua@163.com )བརྒྱུད་ནས་བསྐུར་རྒྱུ་དང་། རྩོམ་ཡིག་གི་མགོར་གསལ་བཤད་ཀྱི་ཚུལ་དུ“འགྲན་ཞུགས་བརྩམས་ཆོས”ཞེས་བྲི་དགོས་པར་མ་ཟད། རྩོམ་ཡིག་གི་མཇུག་ཏུ་འབྲེལ་གཏུག་ས་གནས་དང་རུས་མིང་། ཁ་པར་ཨང་གྲངས། སྦྲག་སྲིད་ཨང་གྲངས་སོགས་བོད་རྒྱ་སྦྲགས་མས་གསལ་བོར་བྲི་དགོས་པ་བཅས་ཐུགས་ལ་འཇགས་པར་འཚལ།
འབྲེལ་གཏུག་པ།
ཚེ་རིང་བཀྲ་ཤིས།
གཞུང་ལས་ཁང་གི་ཁ་པར།
0971-8457657
ལག་འཁྱེར་ཁ་པར།
18297176834
《མཚོ་སྔོན་བོད་ཡིག་གསར་འགྱུར》ཁང་ནས།