ཀྲུང་དབྱང་རླུང་འཕྲིན་ཁང་ནས་གནས་ཚུལ་སྤེལ་གསལ། རང་རྒྱལ་གྱི་ཤུགས་ཚད་ཕྲ་མོ་དང་ལྕི་བའི་ཚན་རིག་ཚོད་ལྟའི་སྲུང་སྐར་ཏེ། ལག་ལེན་བཅུ་པ་རྟགས་ཅན་གྱིས་ཉིན་བཅུ་གཉིས་རིང་བར་སྣང་ལ་་འཕུར་སྐྱོད་བྱ་རྒྱུ་ལེགས་གྲུབ་བྱུང་རྗེས་དེའི་ཕྱིར་ལོག་གྲུ་ཁང་སྤྱི་ཚེས་༡༨ཉིན་གྱི་ཆུ་ཚོད་༡༦དང་སྐར་མ་༣༠ཐོག་གནད་ལ་འཕིགས་པའི་ངང་ནང་སོག་སི་ཙེ་ཝང་ཆིའི་སྐམ་སའི་ཁུལ་དུ་བབ་ཡོད་པ་རེད། ཕྱིར་ལོག་གྲུ་ཁང་སར་འབབ་ཚུལ་རྒྱུན་ལྡན་ཡིན་པ་དང་ཕྱི་ངོས་ལ་སྐྱོན་མེད་པ། འཚོལ་བསྡུའི་ལས་འགན་བདེ་བླག་ངང་ལེགས་གྲུབ་བྱུང་ཡོད་པ་རེད།
དེ་ནི་རང་རྒྱལ་གྱིས་བདེ་བླགས་ངང་འཕེན་གཏོང་བྱས་རྗེས་ཕྱིར་བསྡུས་པའི་ཕྱིར་ལོག་སྲུང་སྐར་ཨང་༢༤པ་དེ་ཡིན་ལ། ནང་སོག་གི་རྩྭ་ཐང་སྟེང་ཕྱིར་ལོག་བྱས་པའི་སྲུང་སྐར་ཨང་དང་པོ་ཡང་རེད། སྲུང་སྐར་ཚུར་བསྡུའི་ལས་འགན་བདེ་བླགས་ངང་གྲུབས་པ་དེའི་ཐོག་ནས་རང་རྒྱལ་གྱི་ཕྱིར་ལོག་སྲུང་སྐར་ཚོད་འཛིན་དང་ཚུར་བསྡུའི་ལག་རྩལ་ར་སྤྲོད་སྔར་ལས་ལྷག་པ་བྱུང་བ་དང་། དེའི་ཐོག་ནས་རང་རྒྱལ་གྱི་བར་སྣང་ཚན་རིག་ཞིབ་འཇུག་དང་ཉེར་སྤྱོད་ཁྱབ་ཁོངས་ཐད་གོམ་པ་བརྟན་པོ་ཞིག་སྤོས་པ་མཚོན་གྱི་ཡོད་པ་རེད།
