སྤྱི་གླིང་ནང་ལུས་སྦྱོང་བྱེད་པའི་ཚ་རླབས་འཕྱུར།

འདི་ནི་ལྷ་སའི་གྲོང་མིས་རྫོང་རྒྱབ་ཀླུ་ཁང་སྤྱི་གླིང་ནང་ལུས་སྦྱོང་བྱེད་བཞིན་པའི་གནས་ཚུལ་ཡིན་པ།

གསར་འགོད་པས་ཤེས་རྟོགས་བྱས་པར། འདི་ལོ་བོད་ཀྱིས་གྲོང་ཁྱེར་གྱི་སྡེ་ཁུལ་དུ“དུས་ཚོད་སྐར་མ་15ཡི་ལུས་སྦྱོང་བྱ་ཡུལ”བཙུགས་ཏེ་ཆ་རྐྱེན་ཡོད་པའི་གྲོང་ཁུལ་རྙིང་པར་གྲོང་ཁྱེར་སྡེ་ཁུལ་གྱི་ལུས་རྩལ་སྒྲིག་ཆས་སྒྲིག་སྦྱོར་བྱ་རྒྱུ་དང་གསར་དུ་བསྐྲུན་པའི་སྡེ་ཁུལ་དུ་ལུས་རྩལ་སྒྲིག་ཆས་ཁྱབ་ཚད་100%ཟིན་རྒྱུ་ཡིན་པ་རེད། དམངས་ཡོངས་ཀྱི་ལུས་སྦྱོང་འཕེལ་རྒྱས་ཀྱི་འཆར་འགོད་གཞིར་བཟུང་། བོད་ཀྱིས་2020ལོར་སླེབས་སྐབས་གྲོང་ཁྱེར་དང་གྲོང་གསེབ་ཀྱི་གྲོང་མིའི་གཟུགས་གཞིའི་ཚད་ལོན་ཚད་80%ཡན་ཟིན་པ་དང་། མི་རེའི་ཆ་སྙོམས་ལུས་རྩལ་རྩེད་ས་སྨི་གྲུ་བཞི་མ་1.8ཟིན་པ། མི་700རེར་སྤྱི་ཚོགས་ཀྱི་ལུས་རྩལ་ཁྲིད་སྟོན་པ་གཅིག་ཡོད་པ། རྒྱུན་དུ་ལུས་སྦྱོང་ནང་ཞུགས་མཁན་མི་གྲངས་བོད་ཡོངས་ཀྱི་སྤྱིའི་མི་འབོར་གྱི་30%ཡན་ཟིན་པ་བཅས་བྱ་རྒྱུ་རེད།