གསར་གཏོད་ལས་གཏོད་ཀྱི་ཞིང་ཁམས་ཡངས།

        ཟླ་6ཚེས་7ཉིན་ལྗོངས་ཡོངས་ཀྱི་སྐབས་ལྔ་པའི“གྲུབ་འབྲས་ལེགས་ཐོན་བྱ་དགའི”སློབ་ཆེན་སློབ་མའི་ལས་གཏོད་འགྲན་བསྡུར་ཆེན་པོ་རང་སྐྱོང་ལྗོངས་ཀྱི་རྒྱལ་ཕམ་ཐག་གཅོད་ཀྱི་འགྲན་བསྡུར་དེ་ལྷ་སར་བྱས་པ་རེད།

        ཤེས་རྟོགས་བྱུང་བར་གཞིགས་ན། སྐབས་འདིའི“གྲུབ་འབྲས་ལེགས་ཐོན་བྱ་དགའི”འགྲན་བསྡུར་ཆེན་པོ་དུས་ཡུན་ཟླ་བ་གསུམ་ཙམ་སྤེལ་བ་དང་ལྗོངས་ཡོངས་ཀྱི་མཐོ་སློབ་6དང་ས་ཁུལ་དང་གྲོང་ཁྱེར་6གིས་འོས་སྦྱོར་བྱས་པའི་རྣམ་གྲངས་67རང་སྐྱོང་ལྗོངས་ཀྱི་འགྲན་བསྡུར་བསྐྱར་མའི་ནང་ཞུགས་ཡོད། འགྲན་བསྡུར་ཛ་དྲག་བྱས་པ་བརྒྱུད་རྣམ་གྲངས་16རྒྱལ་ཕམ་ཐག་གཅོད་འགྲན་བསྡུར་ནང་ཚུད་ཡོད་ཅིང་།འདི་ནི་འགྲན་བསྡུར་བྱ་ཡུལ་དུ་མཐོ་སློབ་ཁག་གི་སློབ་ཆེན་སློབ་མས་ཕན་ཚུན་ལས་གཏོད་ཐོན་རྫས་ཐད་སྤེལ་རེས་བྱེད་པའི་གནས་ཚུལ་ཡིན་པ།