ཟླ་3ཚེས་9ཉིན་ལ་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་ཚང་འཛོམས་གྲོས་ཚོགས་ཐེངས་གཉིས་པ་བསྐོང་འཚོག་བྱས་པ་རེད། པར་འདི་ནི་རང་ལྗོངས་ཀྱི་རྒྱལ་ཡོངས་དམངས་ཆེན་གྱི་འཐུས་མི་ཚོ་མི་དམངས་ཚོགས་ཆེན་འདུ་ཁང་ནང་བསྐྱོད་བཞིན་པའི་རྣམ་པ་ཡིན། གསར་འགོད་པ། ཡའོ་ཧའེ་ཆོན་གྱིས་པར་བླངས།
ཟླ་3ཚེས་9ཉིན་ལ་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་ཐོག་བོད་ལྗོངས་ཀྱི་འཐུས་མི་ཚོས་སྔོན་རྩིས་སྙན་ཞུར་ཞིབ་དཔྱད་བྱེད་བཞིན་ཡོད་པ། པར་འདི་ནི་རང་ལྗོངས་ཀྱི་རྒྱལ་ཡོངས་དམངས་ཆེན་གྱི་འཐུས་མི་དྲག་ཆས་ཉེན་རྟོག་བོད་ལྗོངས་སྤྱི་ཁྱབ་རུ་ཁག་གི་དམག་སྤྱི་སུང་པའོ་ཧྲན་གྱིས་སྔར་ལས་ལྷག་པའི་སྒོ་ནས་དྲག་ཆས་ཉེན་རྟོག་དཔུང་ཁག་གི་སྤྱི་ཚོགས་བརྟན་བརླིང་ལ་སྲུང་སྐྱོབ་བྱེད་པའི་བྱང་ཚད་དང་ནུས་པ་མཐོར་འདེགས་གཏོང་དགོས་པའི་ཐད་ཀྱི་བསམ་འཆར་དང་གྲོས་གཞི་བཏོན་བཞིན་པའི་རྣམ་པ། གསར་འགོད་པ། ཡའོ་ཧའེ་ཆོན་གྱིས་པར་བླངས།
ཟླ་3ཚེས་9ཉིན་ལ་བོད་ལྗོངས་བརྙན་འཕྲིན་ལས་ཁུངས་ཀྱི་གསར་འགོད་པ་བསོད་ནམས་བཀྲ་ཤིས་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་བོད་ལྗོངས་འཐུས་ཚོགས་ཀྱི་ཚང་འཛོམས་གྲོས་ཚོགས་བསྐོང་ཚོགས་བྱེད་ཡུལ་དུ་བརྙན་ལེན་བྱེད་བཞིན་ཡོད་པ་རེད། གསར་འགོད་པ། ཡའོ་ཧའེ་ཆོན་གྱིས་པར་བླངས།
རྒྱལ་ཡོངས་སྲིད་གྲོས་ཀྱི་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་ཚོགས་ཆུང་ཚོགས་འདུ་དེ་ཟླ་3ཚེས་9ཉིན་གྱི་སྔ་དྲོར་བསྐོང་འཚོག་བྱས་ཤིང་། འཆར་འགོད་སྙན་སེང་དང་སྔོན་རྩིས་སྙན་སེང་བཅས་ལ་གྲོས་བསྡུར་བྱས་པ་རེད། པར་འདི་ནི་རང་ལྗོངས་ཀྱི་རྒྱལ་ཡོངས་སྲིད་གྲོས་ཀྱི་ཨུ་ཡོན་རྣམ་རྒྱལ་ལྷ་མཚོས་ཚོགས་འདུའི་ཐོག་གྲོས་བསྡུར་བྱས་པའི་ནང་དོན་དག་ནན་ཏན་གྱིས་ཟིན་བྲིས་བཀོད་བཞིན་པའི་རྣམ་པ་རེད། གསར་འགོད་པ། སྐལ་བཟང་འཇིགས་མེད་ཀྱིས་པར་བླངས།
རྒྱལ་ཡོངས་སྲིད་གྲོས་ཀྱི་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་ཚོགས་ཆུང་ཚོགས་འདུ་དེ་ཟླ་3ཚེས་9ཉིན་གྱི་སྔ་དྲོར་བསྐོང་འཚོག་བྱས་ཤིང་། རང་ལྗོངས་ཀྱི་རྒྱལ་ཡོངས་སྲིད་གྲོས་ཀྱི་ཨུ་ཡོན་ས་ལུང་ཕུན་ལགས་ཀྱིས་ཚོགས་འདུའི་ཐོག་ནན་ཏན་གྱིས་གྲོས་བསྡུར་ལ་གསན་བཞིན་ཡོད་པ་རེད། གསར་འགོད་པ། སྐལ་བཟང་འཇིགས་མེད་ཀྱིས་པར་བླངས།
རྒྱལ་ཡོངས་སྲིད་གྲོས་ཀྱི་སྐབས་བཅུ་གཉིས་པའི་ཚོགས་འདུ་ཐེངས་བཞི་པའི་ཁག་བགོས་ཚོ་འབྲེལ་གྱི་ཚོགས་འདུ་དེ་ཟླ་3ཚེས་8ཉིན་གྱི་སྔ་དྲོར་བསྐོང་འཚོག་བྱས་ཡོད་པ་རེད། ཚོགས་འདུའི་བར་གསེང་དུ་རང་ལྗོངས་ཀྱི་རྒྱལ་ཡོངས་སྲིད་གྲོས་ཀྱི་ཨུ་ཡོན་ཚོས་གྲོས་གཞིའི་ཐོག་མིང་བྱང་མཉམ་དུ་བཀོད་བཞིན་ཡོད་པ་རེད། གསར་འགོད་པ། སྐལ་བཟང་འཇིགས་མེད་ཀྱིས་པར་བླངས།
