“ལྔ་གསུམ་ཀླད་ཀོར་ལས་གྲྭ གོར་ལྷའི་སྣུམ་འདྲེན་མདོང་ལམ་འཛུགས་སྐྲུན་གྱི་ལོ་རྒྱུས་པར་རིས་འགྲེམས་སྟོན”གྱི་སྐོར་བཀོད་པ།
འདི་ནི་ད་ཐེངས་ཀྱི་པར་རིས་འགྲེམས་སྟོན་གྱི་པར་རྒྱག་མཁན་ཏའེ་ཅི་མིན་གྱིས་འགྲེམས་སྟོན་ལ་ལྟ་མཁན་ཚོར་པར་རིས་ཀྱི་རྒྱབ་ལྗོངས་གཏམ་རྒྱུད་ངོ་སྤྲོད་བྱེད་བཞིན་པ།
འདི་ནི“ལྔ་གསུམ་ཀླད་ཀོར་ལས་གྲྭ གོར་ལྷའི་སྣུམ་འདྲེན་མདོང་ལམ་འཛུགས་སྐྲུན་གྱི་ལོ་རྒྱུས་པར་རིས་འགྲེམས་སྟོན”བྱ་ཡུལ་ཡིན་པ།
ཁ་གཏད་བོད་སྐྱོར་བྱས་ནས་ལོ་30འཁོར་བར་དྲན་གསོ་གཟབ་རྒྱས་ཞུ་བ་དང་ཁ་གཏད་བོད་སྐྱོར་གྱི་ལས་དོན་ཚོགས་འདུ་ཐེངས་བཞི་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པའི་མཚམས་སུ། ཉེ་ཆར་ཅང་སུའུ་བོད་སྐྱོར་མདུན་ཕྱོགས་བཀོད་འདོམས་པུའུ་དང་། ལྷ་ས་གྲོང་ཨུད་དྲིལ་བསྒྲགས་པུའུ། ཅང་སུའུ་ཞིང་ཆེན་ཧོའེ་ཨན་གྲོང་ཨུད་དྲིལ་བསྒྲགས་པུའུ་བཅས་ཀྱིས་མཉམ་དུ་གཙོ་གཉེར་བྱས་པའི“ལྔ་གསུམ་ཀླད་ཀོར་ལས་གྲྭ གོར་ལྷའི(གོར་མོ་ནས་ལྷ་ས་བར)སྣུམ་འདྲེན་མདོང་ལམ་འཛུགས་སྐྲུན་གྱི་ལོ་རྒྱུས་པར་རིས་འགྲེམས་སྟོན”དེ་བོད་ལྗོངས་འབྲི་གཡག་རྟེན་མཛོད་ཁང་དུ་གཉེར་བ་རེད། ད་ཐེངས་ཀྱི་པར་རིས་འགྲེམས་སྟོན་གྱི་དུས་ཡུན་ཟླ་བ་གཅིག་ཡིན་པ་དེ་ཟིལ་རླབས་དགུང་འཕྱུར་གྱི་ལོ་རྒྱུས་ཀྱི་རི་མོ་ཞིག་དང་འདྲ་བར་ས་བཅད་བཞི་ལ་དབྱེ་ནས་གོར་ལྷའི་སྣུམ་འདྲེན་མདོང་ལམ་འཛུགས་སྐྲུན་གྱི་བརྒྱུད་རིམ་དང་དོན་སྙིང་གལ་ཆེན་ཁྱོན་ཡོངས་ནས་འགྲེམས་སྟོན་བྱས་ཡོད་པ་རེད།
གོར་ལྷའི་སྣུམ་འདྲེན་མདོང་ལམ་གྱི་སྤྱིའི་རིང་ཚད་ལ་སྤྱི་ལེ་1080ཡོད་ཅིང་། རི་ཆེན་9དང་། ཆུ་བོ་108 མི་མེད་ལུང་སྟོང་3བཅས་བརྒྱུད་ཡོད། རང་བྱུང་ཆ་རྐྱེན་ཧ་ཅང་ཞན་པའི་འོག་འཛུགས་སྐྲུན་པས་གྲང་ངར་དང་། གསོ་རླུང་མི་འདང་བ། རླུང་འཚུབ་སོགས་ལ་མི་འཛེམ་པར་དཔའ་མཛངས་རྟུལ་ཕོད་ཀྱིས་ཞུམ་མེད་ཀྱི་སྙིང་སྟོབས་ལ་བརྟེན་ནས་མདུན་སྐྱོད་བྱས། ལོ་བཞི་འབད་འཐབ་བྱས་པ་བརྒྱུད། 1977ལོའི་ཟླ་10པར་གཞི་རྩའི་ཆ་ནས་བསྐྲུན་ཏེ་ཐོན་སྐྱེད་བྱེད་འགོ་ཚུགས། འཛམ་གླིང་ཡང་རྩེར་གཡུ་འབྲུག་སྔོན་མོ་འཁྱུག་པ་ལྟར་གྱི་སྣུམ་འདྲེན་མདོང་ལམ་དེས་མཚོ་བོད་དང་ཁྲོན་བོད་གཞུང་ལམ་རྗེས་ཀྱི་ངོ་མཚར་ཨང་གསུམ་པ་བཏོད་དེ་ས་ཁོངས་ཀྱི་དཔལ་འབྱོར་འཕེལ་རྒྱས་དང་། མི་རིགས་མཐུན་སྒྲིལ་ཟབ་གཏོང་། ལྷོ་ནུབ་ཀྱི་མཐའ་མཚམས་བརྟན་གཏོང་བཅས་ལ་ལེགས་སྐྱེས་ཆེན་པོ་ཕུལ་ཡོད།
འདི་ལོ་ལོ་75ལ་སླེབས་པའི་ཏའེ་ཅི་མིན་ཡིས་ས་གནས་ས་ཐོག་ཏུ་ཡོང་ནས་འགྲེམས་སྟོན་ལ་ལྟ་མཁན་ཚོར་པར་རིས་ཀྱི་རྒྱབ་ལྗོངས་གཏམ་རྒྱུད་ངོ་སྤྲོད་བྱས། ཁོང་གིས“ཁ་གཏད་བོད་སྐྱོར་བྱས་ནས་ལོ་30འཁོར་བའི་དུས་འདིར། ལྔ་གསུམ་ཀླད་ཀོར་ལས་གྲྭ་འཛུགས་སྐྲུན་གྱི་གྲུབ་འབྲས་དེ་པར་རིས་འགྲེམས་སྟོན་གྱི་རྣམ་པར་བརྟེན་ནས་ཚང་མར་བསྟན་པ་དང་། འཛུགས་སྐྲུན་ནང་ཞུགས་མཁན་དང་ཟིན་ཐོ་འགོད་མཁན་ཡིན་པའི་ངོས་ནས་ངས་ཐུགས་རྗེ་ཆེ་ཞུ་གི་ཡིན། ཅང་སུའུ་བོད་སྐྱོར་མདུན་ཕྱོགས་བཀོད་འདོམས་པུའི་འགོ་ཁྲིད་ཀྱིས་མཐོང་ཆེན་དང་ཐུགས་ཁུར་གནང་བར་བརྟེན། ལྔ་གསུམ་ཀླད་ཀོར་ལས་གྲྭའི་འཛུགས་སྐྲུན་གྲུབ་འབྲས་བརྒྱུད་རིམ་ལྡན་པ་དང་ཆ་ཚང་བར་མངོན་ཐུབ་པ་བྱུང་ཡོད། ངས་འཛུགས་སྐྲུན་ནང་ཞུགས་མཁན་གྱི་ཚབ་ཞུས་ནས་འགྲེམས་སྟོན་ལ་ལེགས་སྐྱེས་འབུལ་མཁན་རྣམས་ལ་གུས་འདུད་དང་ཐུགས་རྗེ་ཆེ་ཞུ་གི་ཡིན”ཞེས་བཤད།
འགྲེམས་ཁུལ་དུ་མི་རྣམས་ཀྱིས་ཡིད་སྨོན་གུས་བཀུར་གྱི་སེམས་པ་བཅངས་ནས་པར་རིས་ལ་བལྟས་པ་མ་ཟད། དུས་རབས་དེའི་དད་སེམས་དང་། སྙིང་སྟོབས། བློ་བརྟན་འགྱུར་མེད་བཅས་ཀྱང་ཚོར་བར་བྱས་ཡོད། “1994ལོར་ཅང་སུའུ་ཡིས་ལྷ་ས་གྲོང་ཁྱེར་ལ་ཁ་གཏད་རོགས་སྐྱོར་གྱི་ལས་ཀའི་ལམ་སྲོལ་བཙུགས་ཚུན། ཏང་ཀྲུང་དབྱང་གི་ཐབས་ཇུས་བཀོད་སྒྲིག་ཁྱོན་ཡོངས་ནས་དོན་འཁྱོལ་དང་། མ་དངུལ་འབོར་ཆེན་གཏོང་བ། བོད་སྐྱོར་རྣམ་གྲངས་མང་པོ་ལག་བསྟར་བཅས་བྱས་ནས། ལྷ་སའི་ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ནུས་ལྡན་བཏང་ཡོད། ཅང་སུའུ་མི་དམངས་དང་བོད་ཀྱི་མི་དམངས་གཅིག་སེམས་གཅིག་ཏུ་སྦྲེལ་ནས་དུས་འགོའི་བོད་སྐྱོར་ལས་བྱེད་པ་དང་ཆེད་ལས་ལག་རྩལ་མི་སྣ་བོད་དུ་ཡོང་བ་ནས་ད་ཆ་ཁྱོན་ཡོངས་ནས་རོགས་སྐྱོར་བྱེད་པའི་བར་མི་སེམས་འགུལ་བའི་གཏམ་རྒྱུད་མང་པོ་ཐོན་ཡོད། ད་ཐེངས་ཀྱི་པར་རིས་འགྲེམས་སྟོན་གྱི་པར་རྒྱག་མཁན་ཏའེ་ཅི་མིན་ནི་ཅང་སུའུ་བ་མང་པོ་ཞིག་བོད་ཀྱི་གནམ་ས་བླ་འོག་ཏུ་འགྱུར་བ་ལྟ་བུའི་འཕེལ་རྒྱས་དང་ཡར་ཐོན་ནང་ཞུགས་མཁན་དང་། དཔང་པོ་བ། ཐོ་འགོད་མཁན་བཅས་ཀྱི་མཚོན་བྱེད་ཅིག་རེད། གོར་ལྷའི་སྣུམ་འདྲེན་མདོང་ལམ་ནི་འཛམ་གླིང་ཡང་རྩེའི་ཀྲུང་གོའི་མི་དམངས་ཀྱི་ངོ་མཚར་གཞན་ཞིག་ཡིན་པ་དང་། ད་ཐེངས་ཀྱི་འགྲེམས་སྟོན་ལས་ལྷ་སའི་ལས་བྱེད་པ་དང་མང་ཚོགས་ཀྱི་རྒྱལ་ཁབ་དང་ཁྱིམ་གཞིས་ཀྱི་བརྩེ་སེམས་ཟབ་ཏུ་དང་འབད་འཐབ་ཀྱི་སྙིང་སྟོབས་ཟབ་ཏུ་འགྲོ་རྒྱུ་མ་ཟད། ཅང་སུའུ་དང་ལྷ་ས་གཉིས་ཀྱི་ལས་བྱེད་པ་དང་མང་ཚོགས་ཀྱི་བརྩེ་སེམས་ཀྱང་ཟབ་ཏུ་འགྲོ་རྒྱུ་རེད”ཅེས་ཅང་སུའུ་བོད་སྐྱོར་མདུན་ཕྱོགས་བཀོད་འདོམས་པུའི་སྤྱི་ཁྱབ་བཀོད་འདོམས་པ་དང་། ལྷ་ས་གྲོང་ཨུད་ཀྱི་ཧྲུའུ་ཅི་གཞོན་པ། རྒྱུན་ལས་ཧྲི་ཀྲང་གཞོན་པ་བཅས་ཡིན་པའི་ཁྲེན་ཅིང་གིས་བརྗོད།
ཧོའེ་ཨན་དང་ལྷ་ས་གཉིས་དབར་བར་ཐག་སྤྱི་ལེ་4000ལྷག་ཙམ་ཆོད་ཀྱང་ཐུན་མོང་གི་འགན་འཁྲིའི་དབང་གིས་ཕན་ཚུན་དམ་པོར་འབྲེལ་ཡོད། ཧོའེ་ཨན་གྲོང་ཨུད་དྲིལ་བསྒྲགས་པུའི་པུའུ་ཀྲང་གཞོན་པ་དབྱང་ཅིང་གིས“ཧོའེ་ཨན་གྱིས་དུས་རབས་གོང་མའི་ལོ་རབས་80པར་ལས་བྱེད་པ་དང་ཤེས་ལྡན་པ་བོད་དུ་བཏང་ཡོད། བློ་མཐུན་ཏའེ་ཅི་མིན་གྱིས་པར་ཆས་སྤྱད་དེ་གོར་ལྷའི་སྣུམ་འདྲེན་མདོང་ལམ་འཛུགས་སྐྲུན་གནས་ཚུལ་ཟིན་ཐོར་བཀོད་ནས་ང་ཚོར་མི་སེམས་འགུལ་བའི་གཏམ་རྒྱུད་ཀྱི་པར་མང་པོ་བཞག་ཡོད། པར་རིས་འགྲེམས་སྟོན་དེ་སྦྲེལ་ཟམ་ཞིག་དང་འདྲ་བར་སྔོན་ཆད་དང་འབྱུང་འགྱུར་སྦྲེལ་མཐུད་བྱས་ཡོད་ལ། ཅང་སུའུ་དང་ལྷ་ས་གཉིས་ཀྱི་མི་དམངས་ཀྱི་སེམས་པ་ཡང་གཅིག་ཏུ་འབྲེལ་ཡོད་པས་མི་རྣམས་ལ་ལོ་རྒྱུས་ཡིད་ལ་བརྟན་པོར་ངེས་པ་དང་། ད་ལྟར་གཅེས་སྤྲས། མ་འོངས་པར་རྒྱང་ལྟ་བཅས་ཐུབ་པར་བྱས་ཡོད”ཅེས་བརྗོད།
