འདི་ནི་མཚོ་སྔོན་ཡུལ་ཤུལ་གྱི་འབྲི་གཡག་རྐང་རྩེད་སྤོ་ལོའི་རུ་ཁག་གིས་པར་ཙིར་གྱི་ཧྲེང་པའོ་ལུའོ་ཀའོ་ཆའོ་རྐང་རྩེད་སྤོ་ལོ་རུ་ཁག་དང་འགྲན་བསྡུར་བྱེད་བཞིན་པ།
ཉིན་ཤས་གོང་། ཀུའེ་ཀྲོའུ་ཡི“གྲོང་གསེབ་ཀྱི་རྐང་རྩེད་སྤོ་ལོའི་རིམ་འདས་འགྲན་བསྡུར”གྱིས་ཀྲུང་ཕྱིའི་མཛའ་གྲོགས་འགྲན་བསྡུར་སླར་ཡང་བྱས་ནས། མཚོ་སྔོན་ཡུལ་ཤུལ་གྱི་འབྲི་གཡག་རྐང་རྩེད་སྤོ་ལོའི་རུ་ཁག་གིས་པར་ཙིར་གྱི་ཧྲེང་པའོ་ལུའོ་ཀའོ་ཆའོ་རྐང་རྩེད་སྤོ་ལོ་རུ་ཁག་དང་འགྲན་བསྡུར་བྱས་པ་རེད།
ཀུའེ་ཀྲོའུ་ཞིང་ཆེན་ཀུའེ་ཀྲོའུ་ཤར་ལྷོའི་མེའོ་རིགས་ཏུང་རིགས་རང་སྐྱོང་ཀྲོའུ་རུང་ཅང་རྫོང་གིས“གྲོང་གསེབ་ཀྱི་རྐང་རྩེད་སྤོ་ལོའི་རིམ་འདས་འགྲན་བསྡུར”མུ་མཐུད་ཡག་པོ་གཉེར་བ་དང་ཆབས་ཅིག “རྒྱུད་གཅིག་ལམ་གཅིག་གི་གྲོང་གསེབ་ཀྱི་རྐང་རྩེད་སྤོ་ལོའི་རིམ་འདས་འགྲན་བསྡུར་གྱི་མཛའ་གྲོགས་འགྲན་བསྡུར”སོགས་རྒྱལ་སྒྲོལ་འགྲན་བསྡུར་དེ་བས་མང་བ་འཚོལ་ཞིབ་ཧུར་ཐག་བྱས་ཏེ། “སྤོ་ལོ་མཚམས་སྦྱོར་དུ་བྱེད་པ་དང་རིག་གནས་ལ་བརྟེན་ནས་སྦྲེལ་ཟམ་འཛུགས་པ”སོགས་ཀྱི་རྣམ་པ་བརྒྱུད་རྒྱལ་ཁབ་དང་ས་ཁུལ་དེ་བས་མང་བ་དང་སྦྲེལ་མཐུད་བྱེད་པ་དང་། ཕན་ཚུན་དབར་གྱི་འགྲོ་འོང་དང་སྤེལ་རེས་ལ་སྐུལ་འདེད་བཏང་ནས་གྲོང་གསེབ་ཀྱི“འགྲན་བསྡུར་ཆུང་ངུ”དེ་རྒྱལ་སྤྱིའི་མཛའ་གྲོགས་སྤེལ་རེས་ཀྱི“སྦྲེལ་ཟམ་གསར་པ”ཞིག་ཏུ་འགྱུར་བར་བྱས་ཡོད།
