ཚེས་7ཉིན། སུའེ་ཏེན་གྱི་ཁ་རོ་ལིན་སི་ཁ་གསོ་རིག་སློབ་གླིང་གིས་2024ལོའི་ནོ་པེར་སྐྱེ་ཁམས་རིག་པའམ་གསོ་རིག་གི་བྱ་དགའ་དེ་ཝེ་ཁེ་ཏུའོ་·ཨན་པུའུ་ལུའོ་དང་ཅ་ལི་·ལུའུ་ཕུའུ་ཁུན་ལ་སྤྲད་པ་རེད། ཁོང་ཚོས་microRNAཤེས་རྟོགས་བྱུང་བ་དང་དེའི་རྒྱུད་འབེབས་བྱས་རྗེས་གཞི་རྒྱུ་སྙོམས་སྒྲིག་ཁྲོད་ཀྱི་ནུས་པར་གཟེངས་བསྟོད་བྱ་རྒྱུ་ཡིན་ཞེས་ཁྱབ་བསྒྲགས་བྱས་པ་རེད།
ངོ་སྤྲོད་བྱས་པར་གཞིགས་ན། microRNAནི་གཞི་རྒྱུ་སྙོམས་སྒྲིག་ཁྲོད་འགག་རྩའི་ནུས་པ་ཐོན་པའི་RNAཡི་ཆ་རྡུལ་ཆུང་གྲས་གསར་པ་ཞིག་རེད། ཁོ་ཚོའི་གསར་གཏོད་རང་བཞིན་གྱི་གསར་རྙེད་དེས་གཞི་རྒྱུ་སྙོམས་སྒྲིག་བྱེད་པའི་གཞུང་ལུགས་གསར་པ་ཞིག་གསལ་སྟོན་བྱས་ཡོད། གཞུང་ལུགས་དེ་ནི་མིའི་རིགས་ཚུད་པའི་ཕྲ་ཕུང་མང་བའི་སྐྱེ་དངོས་ལ་མཚོན་ན་ཧ་ཅང་གལ་ཆེན་ཞིག་རེད།
