མི་དམངས་དྲ་བའི་འཕྲིན། དགུན་དུས་ཤར་བ་ནས་བཟུང་། ཤྭ་བ་དང་། གནའ་བ་སོགས་པའི་རི་དྭགས་དང་འདབ་ཆགས་ཀྱི་རིགས་ཁ་ཤས་བོད་ལྗོངས་ལྷོ་ཁ་གྲོང་ཁྱེར་ཡར་ཀླུང་གཙང་པོའི་ལྷོ་ངོགས་སུ་ཡོང་ནས་སྣེ་གདོང་ཆུས་རྩེད་ཐང་གྲོང་རྡལ་རྩེད་ཐང་སྡེ་ཁུལ་གྱི་མིས་བཟོས་ནགས་ཚལ་གྱི་སྐྱེ་ཁམས་སྲུང་སྐྱོང་ཁུལ་དུ་དགུན་དུས་བསྐྱལ་བཞིན་ཡོད་པ་རེད། ངོ་སྤྲོད་བྱས་པར་གཞིགས་ན། ས་གནས་དེ་གའི་མིས་བཟོས་ནགས་ཚལ་གྱི་སྐྱེ་ཁམས་སྲུང་སྐྱོང་ཁུལ་ནི་དུས་རབས་20པའི་ལོ་རབས་50པར་རྒྱ་ཁྱོན་མུའུ་500ཙམ་ལས་མེད་པ་ནས་ད་ཆའི་མུའུ་10200བར་རྒྱ་སྐྱེད་ཡོད་ཅིང་། མུའུ་ཁྲི་ཟིན་པའི་མིས་བཟོས་ནགས་ཚལ་གྱིས་རླུང་འགོག་བྱེ་འཇགས་བྱུང་བ་དང་དུས་མཚུངས། རི་དྭགས་དང་འདབ་ཆགས་ལའང་དགུན་དུས་བསྐྱལ་བའི་ཁྱིམ་གཞིས་མཁོ་འདོན་བྱས་པ་རེད།
