ལི་ཁེ་ཆང་གིས་ཚེས་10ཉིན་ཤིན་ཅང་འཐུས་མི་ཚོགས་པའི་གྲོས་ཞིབ་ནང་ཞུགས་གནང་ནས་ཤིན་ཅང་གིས་འཕེལ་རྒྱས་མགྱོགས་སུ་གཏོང་བར་སྐུལ་འདེད་གཏོང་བ་དང་སྤྱི་ཚོགས་བརྟན་ལྷིང་ཡོང་བའི་དཔལ་འབྱོར་གྱི་རྨང་གཞི་བརྟན་དུ་གཏོང་དགོས་ཞེས་གསུངས་པ་དང་། ཙུང་ལིས། གནད་དོན་ཐམས་ཅད་ཐག་གཅོད་བྱེད་པའི་འགག་རྩ་ནི་འཕེལ་རྒྱས་ལ་ཐུག་ཡོད། གོང་འཕེལ་འགྲོ་མི་ཐུབ་ན་དམངས་འཚོ་ལེགས་སུ་གཏོང་ཐབས་བྲལ་བ་དང་སྤྱི་ཚོགས་བརྟན་ལྷིང་ཡོང་བར་ཡང་རྨང་གཞི་མེད། དུས་མཚུངས་སྤྱི་ཚོགས་བརྟན་ལྷིང་གིས་གོང་འཕེལ་གཏོང་རྒྱུར་མཐུན་རྐྱེན་བཟང་པོ་སྐྲུན་ཐུབ་ཅེས་གསུངས།
