གཟའ་སྤེན་པའི་ཞོགས་པ་ལྷ་སར་ཆར་པ་སིམ་སིམ་བབས་པས་བོད་རིགས་ཕོ་གཞོན་བློ་བཟང་འཇིགས་མེད་ཞོགས་ཉལ་སྐྱིད་པོ་ཞིག་རྒྱག་འདོད་མོད། འོན་ཀྱང་ཡུལ་སྐོར་བ་ཞིག་གིས་ཞོགས་པ་སྔ་པོ་ནས་ཁོང་གི་གཉིད་དཀྲོག གནས་ཚུལ་དེ་འདྲ་ཁོང་གི་ངོས་ནས་བརྗོད་ན་རྟག་ཏུ་འཕྲད་ཀྱི་ཡོད། ལོ་28ལ་སླེབས་པའི་ཁོང་གིས་ཁྱིམ་ཚང་མགྲོན་ཁང་ཞིག་གཉེར་ནས་ལོ་10ཏག་ཏག་ཕྱིན་ཡོད།
2006ལོར་གཉེར་འགོ་བཙུགས་པའི་སྒྲོལ་མ་ལྷ་ཁང་ཁྱིམ་ཚང་མགྲོན་ཁང་དེ་སྐྱིད་རས་སྲང་ལམ་གཉིས་པར་གནས་ཤིང་། དེར་འགྲུལ་པ་སྡོད་ཁང་13ཡོད། དེ་ག་ནས་སྐར་མ་གཉིས་གསུམ་ཙམ་ཕྱིན་ན་ལྷ་སའི་འཁྲུག་ཆ་དོད་པའི་གཙུག་ལག་ཁང་དང་ཁྲོམ་གཟིགས་སྒང་དུ་སླེབས་ཀྱི་ཡོད། དེ་ནི་ལྷ་སར་འཛུགས་སྔ་ཤོས་ཀྱི་བོད་བཟོའི་ཉམས་འགྱུར་ལྡན་པའི་མགྲོན་ཁང་ཞིག་ཡིན་པ་དང་མགྲོན་ཁང་ཕྱི་ངོས་གྱང་གི་ཚོས་མདོག་ཉེ་འཁོར་དུ་སྐད་གྲགས་ཡོད་པའི་ཟ་ཁང“ཁང་ཆུང་སེར་པོ”དང་འདྲ་པོ་ཡོད། དེ་གར་སླེབས་པའི་ཡུལ་སྐོར་བ་རྣམས་མགྲོན་ཁང་གི་བོད་བཟོའི་མཛེས་རྒྱན་དང་ཉམས་འགྱུར་གྱིས་ཡིད་དབང་རབ་ཏུ་འཕྲོག་གི་ཡོད་པ་རེད།
འདི་ནི་བློ་བཟང་འཇིགས་མེད་ཀྱིས་མགྲོན་ཁང་ནང་ཨ་རིའི་ཡུལ་སྐོར་བ་ཞིག་ལ་སྣེ་ལེན་ཞུ་བའི་གནས་ཚུལ་ཡིན་པ།
འདི་ནི་བློ་བཟང་འཇིགས་མེད་ཁོང་གི་ཁྱིམ་ཚང་མགྲོན་ཁང་གི་ཡན་ལག་མགྲོན་ཁང“ཤམ་བྷ་ལ་ཕོ་བྲང”ནང་ཡོད་པ།
