ད་ལོའི་ས་ག་ཟླ་བའི་དུས་སུ་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་ལྷ་སར་ཕེབས་ཡོད། སྤྱི་ཟླ་ལྔ་བའི་ཚེས་ཉེར་གཅིག་ནི་བོད་ལུགས་ས་ག་ཟླ་བའི་ཚེས་བཅོ་ལྔ་ཡིན་ཞིང་། སྟོན་པ་སྐུ་འཁྲུངས་པ་དང་སངས་རྒྱས་པ། མྱ་ངན་ལས་འདས་པ་བཅས་དུས་ཆེན་སུམ་འཛོམས་སུ་ངོས་འཛིན་པ་ཡིན། ཉིན་དེར་པཎ་ཆེན་གྱིས་ལྷ་སའི་བཞུགས་གླིང་རྡོ་རྗེ་ཕོ་བྲང་ནས་མཇལ་བའི་ཚོགས་ལ་ཕྱག་དབང་གནང་ཡོད།
མཚམས་ཁུང་དགོན་གྱི་བཙུན་མ་ཞིག་གིས་ལག་ཏུ་པཎ་ཆེན་གྱི་སྐུ་པར་ཞིག་བཟུང་ཡོད་པ།
མཚམས་ཁུང་དགོན་པའི་བཙུན་མ་ལྷ་ཚེ་ནི་པཎ་ཆེན་གྱི་ཕྱག་དབང་འཐོབ་ཆེད་སྔ་མོ་ནས་བཞུགས་གླིང་རྡོ་རྗེ་ཕོ་བྲང་ལ་སླེབས་ཤིང་། ཆུ་ཚོད་བཞི་ལྷག་ལ་གྲལ་བསྒྲིགས་རྗེས་ཉིན་གུང་ལ་ཉེ་བའི་དུས་སུ་བསམ་འདུན་བཞིན་པཎ་ཆེན་གྱི་མདུན་དུ་སླེབས། ཁོང་གིས་རབ་བྱུང་བ་ཞིག་གི་དད་འདུན་བླ་ན་མེད་པའི་སྒོ་ནས་སྨོན་ལམ་གྱི་ཚིག་ངག་ནས་གྱེར་ཞིང་ཐོད་པ་དལ་བུར་བཞུགས་ཁྲིར་གཏུགས་ལ། པཎ་ཆེན་གྱི་ཕྱག་དབང་ཐོབ་རྗེས་ཁོང་གིས་རུ་ཕྲེང་གི་རྗེས་དེད་ནས་སྐུ་པར་དང་ཕྱག་མདུད་བླངས། ཁོང་གིས་ལག་གཉིས་ཀྱིས་སྐུ་པར་ཚུར་བླངས་རྗེས་ངག་ནས་སླར་ཡང་ཞལ་འདོན་དུམ་བུ་ཞིག་བཏོན། འདི་ལྟར་ལྷ་ཚེས་ལག་ཏུ་སྐུ་པར་བཏེགས་ནས་བཞུགས་གླིང་ནས་ཐོན་དེ་པོ་ཏ་ལའི་མདུན་ཐང་བརྒྱུད་ནས་ཕྱིར་དགོན་པ་ལ་ལོགས། ཁོང་གིས་འདི་ལྟར་སྐུ་པར་བཏེགས་ཤིང་གདོང་ལ་སྤྲོ་སྣང་གི་འཛུམ་མདངས་རྒྱས་ཡོད། ལམ་བར་དུ་པཎ་ཆེན་གྱི་སྐུ་པར་མཐོང་བའི་མི་མང་པོས་ཁོང་ལ་སྐུ་པར་གང་ནས་ཐོབ་པ་ཡིན་ཞེས་སྐད་ཆ་ཡང་ཡང་དྲིས་བྱུང་།
པོ་ཏ་ལའི་མདུན་ཐང་ནས་ལྷ་ཚེས་སྤྲོ་དགའི་ངང་མི་གཞན་ལ་སྐུ་པར་ངོམ་བཞིན་པ།
སྐྱེས་མ་ཐག་པའི་བུས་པ་པང་བའི་བུད་མེད་ཅིག་གྲལ་བསྒྲིགས་ཤིང་། པཎ་ཆེན་གྱིས་ཕྲུ་གུར་མིང་ཞིག་སྩོལ་བའི་རེ་བ་ཡོད་པ།
པཎ་ཆེན་བཞུགས་གླིང་རྡོ་རྗེ་ཕོ་བྲང་དུ་པཎ་ཆེན་གྱི་ཕྱག་དབང་ལ་བསྒུག་པའི་མི་ཚོགས།
