འདི་ནི་ཟླ5པའི་ཚེས19ཉིན་གློག་འདོན་ས་ཚིགས་ཀྱི་ལས་བཟོ་མི་སྣས་ཀོང་ཧྥུའི་སྒྲིག་སྦྱོར་ལ་ལྟ་ཞིབ་བྱེད་བཞིན་པའི་ཚུལ།
ལྷོ་ཁ་ནི་ཡར་ཀླུང་གཙང་པོའི་དབུས་རྒྱུད་ཀྱི་ཡར་ཀླུང་གྲོག་རོང་གི་བདེ་ཐང་ས་ཁུལ་ཏུ་གནས་ཡོད་པས། ཉི་ནུས་ཀྱི་ཐོན་ཁུངས་ཕུན་སུམ་ཚོགས་པ་དང་།དེ་ནི་བོད་ལྗོངས་ཀྱི་གཙང་སྦྲའི་ནུས་ཁུངས་གསར་འབྱེད་ཀྱི་ས་ཁོངས་གཙོ་གྲས་ཞིག་ཡིན།མིག་སྔར།ལྷོ་ཁ་གྲོང་ཁྱེར་གྱིས་ཀོང་ཧྥུ་གློག་འདོན་ས་ཚིགས7བཙུགས་ཡོད་པ་དང་། བསྡོམས་པས་མ་དངུལ་སྒོར་དུང་ཕྱུར16.8ཙམ་བཏང་ལ།2015ལོའི་གློག་འདོན་ཚད་བསྡོམས་པས་ཏུའུ་དུང་ཕྱུར1.39ལ་བསླེབས།
ཀོང་ཧྥུ་གློག་འདོན་ས་ཚིགས་འཛུགས་སྐྲུན་གྱིས་གློག་དྲ་གཙོ་བོའི་གློག་ཤུགས་ལ་ཁ་གསབ་ནུས་ལྡན་ཐོན་ཡོད་ཅིང་།དེའི་རྫོང་དང་ཤང་གྲོང་གི་གློག་ཤུགས་མི་འདང་བའི་གནད་དོན་ཞི་ལྷོད་དུ་བཏང་བ་མ་ཟད།ས་གནས་མང་ཚོགས་ཀྱི་ལས་ཞུགས་ཡོང་སྒོ་འཕར་སྣོན་ལའང་གོ་སྐབས་བསྐྲུན་ཡོད། །
