སྒྲིག་པ་པོའི་གཏམ། ཀྲུང་གུང་ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་དང་། ཀྲུང་གུང་ཀྲུང་དབྱང་ཚད་ལྡན་ཡིག་ཆ་ཞིབ་འཇུག་ཁང་གིས་རྩོམ་སྒྲིག་བྱས་པའི《ཞིས་ཅིན་ཕིང་གི་ཏང་གི་སྒྲིག་ཁྲིམས་དང་སྒྲིག་སྲོལ་དམ་ཞིང་དྲང་པོ་དགོས་པའི་སྐོར་གྱི་རྣམ་བཤད་གནད་བསྡུས》ཉེ་ཆར་དཔེ་སྐྲུན་འགྲེམས་སྤེལ་བྱས། སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་ཏང་གི་སྒྲིག་ཁྲིམས་དང་སྒྲིག་སྲོལ་དམ་ཞིང་དྲང་པོ་དགོས་པའི་སྐོར་གྱི་གལ་ཆེའི་རྣམ་བཤད་སློབ་སྦྱོང་གཏིང་ཟབ་བྱ་ཆེད། འདི་ག་དྲ་བས་གསུང་རྩོམ་ནང་གི་ནང་དོན་བདམས་བཀོད་བྱས་ནས་དྲ་ཐོག་ཏུ་སྤེལ་ཡོད་པས་ཁྱེད་རྣམས་ཀྱིས་དོ་སྣང་གནང་རོགས་ཞུའོ།
གོང་རིམ་སྒྲིག་ཨུད་ནས་འོག་རིམ་ཏང་ཨུད་དང་སྒྲིག་ཨུད་ལ་ལྟ་སྐུལ་བྱེད་ཤུགས་ཆེ་རུ་གཏོང་དགོས། འོག་རིམ་སྒྲིག་ཨུད་ནས་གོང་རིམ་སྒྲིག་ཨུད་ལ་གནད་དོན་གྱི་ཁུངས་སྣེ་དང་གྱོད་དོན་ཞིབ་བཤེར་གྱི་གནས་ཚུལ་སྙན་གསེང་མ་ཞུས་ཚེ། ངེས་པར་དུ་འགན་འཁྲི་རྩད་གཅོད་ནན་པོ་བྱས་ནས་སྒྲིག་ཨུད་ཀྱི་འགན་འཁྲི་གཉིས་ཁུར་གྱི་འགོ་ཁྲིད་ལམ་ལུགས་དོན་ཐོག་ཏུ་སྨིན་པ་བྱེད་དགོས།《ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་བཅོ་བརྒྱད་པའི་ཚོགས་འདུ་རྒྱས་འཛོམས་ཐེངས་ལྔ་པའི་ཐོག་གི་གསུང་བཤད》（2015ལོའི་ཟླ་1ཚེས་13ཉིན）ཀྲུང་དབྱང་རིམ་པ་དང་པོའི་ཏང་དང་རྒྱལ་ཁབ་ལས་ཁུངས་སུ་མངགས་གཏོང་བཅའ་སྡོད་བྱེད་པའི་སྒྲིག་བཤེར་ཚན་པ་ཁྱོན་ཡོངས་ནས་ཁྱབ་ཐུབ་པ་བྱ་དགོས། ཏང་ནང་ཁུལ་གྱི་ལྟ་སྐུལ་བྱེད་ཐད་ཁུག་ཀྱོག་མེད་པ་དང་སྟོང་ཆ་མེད་པ་བྱེད་དགོས། མངགས་གཏོང་བཅའ་སྡོད་ཚན་པ་ཚང་མས་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་ལས་དོན་གཙོ་བོར་ཕྱོགས་གཅིག་ཏུ་སྒྲིལ་ནས། ལྟ་སྐུལ་དང་སྒྲིག་སྲུང་། འགན་འཁྲི་རྩད་གཅོད་བཅས་ལ་ཤུགས་སྣོན་བརྒྱབ་སྟེ། མིག་ཟུང་ཆེ་ཙམ་གདང་ནས་གནད་དོན་རྙེད་ཐུབ་པ་དགོས། སྒྲིག་བཤེར་ཚོ་ཆུང་གི་འགན་ཁུར་བས་བློ་གཅིག་སེམས་གཅིག་ངང་ལྟ་སྐུལ་གྱི་འགན་འཁྲི་ལག་བསྟར་བྱེད་དགོས་པ་ལས། ཞོར་དུ་ལས་དོན་གཞན་དག་ལ་དོ་དམ་བྱེད་མི་ཆོག གལ་སྲིད་ཚང་མ“ཕྱོགས་གཅིག་ཏུ་འདྲེས་པ”ཡིན་ན་ཉ་ཉུང་མཉམ་བསྲེས་སུ་འགྱུར་འགྲོ་བས། ལྟ་སྐུལ་གྱི་འགན་འཁྲི་དེ་ཇི་ལྟར་བྱས་ནས་ལག་བསྟར་བྱ་དགོས་སམ། ཏང་སྲོལ་སྲིད་གཙང་ཐད་ཀྱི་གནད་དོན་ལ། ཤེས་རྟོགས་ཐུབ་དགོས་པའི་གནད་དོན་མ་ཤེས་པ་ནི་འགན་འཛོལ་བྱུང་བ་ཞིག་ཡིན་པ་དང་། གནད་དོན་ཤེས་རྟོགས་བྱུང་རིགས་སྙན་གསེང་མ་ཞུ་བ་དང་ཐག་གཅོད་མ་བྱས་ན་ལས་འཛོལ་ཤོར་བ་ཞིག་ཡིན་པས། འགན་འཁྲི་རྩད་གཅོད་ནན་པོ་བྱ་དགོས།《ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་བཅོ་བརྒྱད་པའི་ཚོགས་འདུ་རྒྱས་འཛོམས་ཐེངས་ལྔ་པའི་ཐོག་གི་གསུང་བཤད》（2015ལོའི་ཟླ་1ཚེས་13ཉིན）ཏང་ཡོན་ལས་བྱེད་པའི་གོ་གནས་དང་དབང་ཆ་ཇི་ཙམ་གྱིས་ཆེ་བ་ཡོད་ན། དེ་བས་དོ་དམ་དང་ལྟ་སྐུལ་ནན་པོ་བྱེད་དགོས། སྟག་གི་རྐུབ་ལ་རེག་མི་ཉན་ཞེས་པ་ནི་མི་འགྲིག་པ་ཞིག་རེད། མི་བདམས་གསེས་དང་བེད་སྤྱོད་བྱེད་པ་དང་མི་དོ་དམ་བྱེད་ཐད་ཕྱོགས་ཞེན་བྱ་མི་ཉན། མིག་སྔའི་གནད་དོན་ཆེ་ཤོས་གཅིག་ནི་མི་བདམས་གསེས་བྱེད་མཁན་གྱིས་མི་ལ་དོ་དམ་མི་བྱེད་པ་དང་མི་ལ་ལྟ་སྐུལ་མི་བྱེད་པ། ཏང་ཨུད་འགའ་ཤས་ཀྱིས་ལྟ་སྐུལ་ལ་དོ་དམ་མི་བྱེད་པ། ལས་བྱེད་པར་གནས་ཚུལ་ཐོན་མ་ཐག་འགན་འཁྲི་དེ་སྒྲིག་ཨུད་ལ་འཁུར་དུ་འཇུག་གི་ཡོད། འདི་ལྟར་བྱས་ན་འགྲིག་ཐབས་མེད། ཏང་ཨུད་ཀྱིས་ཏང་སྲོལ་སྲིད་གཙང་འཛུགས་སྐྱོང་གི་འགན་འཁྲི་གཙོ་བོ་འཁུར་དགོས། ལས་བྱེད་པ་ཡག་པོ་བདམས་གསེས་བྱེད་དགོས་པ་དང་ལྷག་པར་དུ་ལས་བྱེད་པར་དོ་དམ་ཡག་པོ་བྱེད་དགོས།《ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་བཅོ་བརྒྱད་པའི་ཚོགས་འདུ་རྒྱས་འཛོམས་ཐེངས་ལྔ་པའི་ཐོག་གི་གསུང་བཤད》（2015ལོའི་ཟླ་1ཚེས་13ཉིན）འགོ་ཁྲིད་ལས་བྱེད་པར་ལྟ་སྐུལ་དང་དོ་དམ་བྱེད་ཤུགས་ཆེ་རུ་གཏོང་དགོས། འགོ་ཁྲིད་ལས་བྱེད་པ་འགའ་ཤས་ཀྱིས་དམ་འཛིན་བྱེད་མི་ནུས་པ་དང་དོ་དམ་བྱེད་མི་ནུས་པར། “འགན་འཁྲི་ལས་གཡོལ་བའི་བསམ་བློ”བཅངས་ཏེ་མི་གཞན་ལ་གནོད་འཚེ་གཏོང་དོགས་དང་འདེམས་ཤོག་མི་རག་པར་ཞེད་སྣང་བྱེད་ཀྱི་ཡོད། ལས་བྱེད་པས་དམ་འཛིན་བྱེད་ཕོད་པ་དང་དོ་དམ་བྱེད་ཕོད་པར་ཕན་ཐོགས་ཡོད་པ་དང་། ཏང་ཨུད་ནས་འགན་འཁྲི་གཙོ་བོ་འཁུར་བར་ཕན་ཐོགས་ཡོད་པའི་ལམ་ལུགས་འཛུགས་དགོས། དབང་ཆ་ཡོད་ན་འགན་འཁྲི་ཡོད་པ་དང་འགན་འཁྲི་ཡོད་ན་འོས་འགན་འཁུར་ཐུབ་པ་དགོས། རིམ་ཁག་ཏང་ཨུད་ནས་ལས་བྱེད་པའི་ཉིན་རེའི་དོ་དམ་ལ་ཤུགས་སྣོན་རྒྱག་དགོས་པ་དང་། དུས་ཐོག་ཏུ་དོ་དམ་བྱེད་ཡུལ་ལས་བྱེད་པའི་བསམ་བློ་དང་ལས་ཀ འཚོ་བའི་གནས་སྟངས་ལ་རྒྱུས་ལོན་གྱིས་སྔ་ཙམ་ནས་དམ་འཛིན་བྱེད་པ་དང་ཆུང་ས་ནས་དམ་འཛིན་བྱེད་དགོས་པའི་ཁར། འགོ་ཁྲིད་ལས་བྱེད་པ་ཚོས་རྒྱུན་གཏན་གྱི་རང་གཤིས་ལྟར་མི་ལུགས་མཐུན་བྱེད་དགོས་པ་དང་ལས་གནས་ལྟར་བྱ་བ་བསྒྲུབ་དགོས་པར་སྐུལ་སློང་བྱེད་དགོས། ཀྲུང་དབྱང་སྒྲིག་ཨུད་དང་ཀྲུང་དབྱང་རྩ་འཛུགས་པུའུ་ནས་ས་གནས་དང་གྲོང་ཁྱེར་གྱི་འགན་འཁྲི་གཙོ་བོ་འཁུར་མཁན་ལ་དོ་སྣང་དང་རྒྱུས་མངའ་ཡོང་བར་ཤུགས་སྣོན་བརྒྱབ་སྟེ། ཞིང་ཨུད་ནས་དོ་དམ་དང་ལྟ་སྐུལ་བྱེད་པར་སྐུལ་འདེད་བྱེད་དགོས། སྐོར་གཡེང་ལས་དོན་དེ་ས་གནས་དང་གྲོང་ཁྱེར། རྫོང་རིམ་པ་དང་པོ་བཅས་ལ་ཁྱབ་པ་བྱེད་པ་དང་། འགན་འཁྲི་གཙོ་བོ་འཁུར་མཁན་ལ་དོ་སྣང་ཆེན་པོ་བྱེད་པ་བཅས། ཁོང་ཚོ་འགོ་ཁྲིད་ལས་བྱེད་པ་གཙོ་བོའི་ནང་ཚུད་པའི་ཉིན་དེ་ནས་བཟུང་དོ་དམ་དང་ལྟ་སྐུལ་ནན་པོ་བྱ་ཡུལ་དུ་འགྱུར་བ་བྱ་དགོས།《ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་བཅོ་བརྒྱད་པའི་ཚོགས་འདུ་རྒྱས་འཛོམས་ཐེངས་ལྔ་པའི་ཐོག་གི་གསུང་བཤད》（2015ལོའི་ཟླ་1ཚེས་13ཉིན）ཁྱོན་ཡོངས་ནས་གཟབ་ནན་ངང་ཏང་སྐྱོང་བའི་ལས་འགན་དེ་ལྗིད་པོ་དང་ལམ་ཐག་རིང་བས།རིམ་ཁག་ཏང་རྩ་འཛུགས་གིས་སྔར་ལས་ལྷག་པའི་སྒོ་ནས་རང་འགུལ་ཐོག་ཏང་སྲོལ་སྲིད་གཙང་འཛུགས་སྐྱོང་གི་འགན་འཁྲི་འཁུར་དགོས་པ་དང་། རིམ་ཁག་སྒྲིག་བཤེར་ལྟ་ཞིབ་ལས་ཁུངས་ཀྱིས་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་དེ་ལས་འགན་གྱི་ལྟེ་བར་འཛིན་ནས་དོ་གནད་གཙོ་བོ་བྱེད་དགོས་པ། ལྟ་སྐུལ་དང་སྒྲིག་སྲུང་། འགན་འཁྲི་རྩད་གཅོད་ལ་ཤུགས་སྣོན་བརྒྱབ་དགོས། གནས་བབ་གསར་པའི་འོས་འགན་གྱིས་སྒྲིག་བཤེར་ལྟ་ཞིབ་བྱེད་མཁན་ལས་བྱེད་པའི་དཔུང་ཁག་གི་བསམ་བློ་ཀུན་སྤྱོད་དང་འཇོན་ནུས་སྤུས་ཚད། སྒྲིག་ཁྲིམས་འཆུན་འདོམས་བཅས་ལ་བླང་བྱ་གསར་པ་བཏོན་ཡོད། འགན་ནུས་འགྱུར་ལྡོག་དང་ཐབས་ལམ་འགྱུར་ལྡོག ཀུན་སྤྱོད་འགྱུར་ལྡོག་གཏིང་ཟབ་བྱས་ནས་སྔར་ལས་ལྷག་པའི་སྒོ་ནས་ཏང་གི་སྒྲིག་ཡིག་གིས་སྤྲད་པའི་འགན་འཁྲི་ལག་བསྟར་བྱེད་པ་དང་། སྒྲིག་ཁྲིམས་ཁག་ནན་པོ་དང་དྲང་པོ་བྱེད་པ། ལྟ་སྐུལ་ལ་དོ་དམ་ནན་པོ་བྱེད་དགོས། རྒྱ་ཆེའི་སྒྲིག་བཤེར་ལྟ་ཞིབ་ལས་བྱེད་པས་འགན་འཁྲི་འཁུར་ནུས་པ་དང་ལྟ་ཞིབ་བྱེད་ནུས་པ། ལས་འགན་འཁུར་ནུས་པ་བཅས་ལ་སློབ་གསོ་དང་སྣེ་ཁྲིད་བྱས་ནས། ཏང་ལ་ལྷག་བསམ་རྣམ་དག་དང་སྒྲིག་བཤེར་ལྟ་ཞིབ་བྱ་གཞག་ལ་ལྷག་བསམ་རྣམ་དག་བྱེད་པའི་ཆབ་སྲིད་ཀྱི་དད་འདུན་བརྟན་དུ་གཏང་སྟེ། ལྷག་བསམ་དང་དཀར་གཙང་། འགན་འཁྲི་ཁུར་ནུས་པའི་སྒྲིག་བཤེར་ལྟ་ཞིབ་ཀྱི་དཔུང་ཁག་གཅིག་ཏུ་འགྱུར་ཐུབ་པར་འབད་བརྩོན་བྱ་དགོས། སྒྲིག་བཤེར་ལྟ་ཞིབ་ལས་ཁུངས་ཀྱིས“ཉེ་འགྲམ་དུ་གནད་དོན་བྱུང་བར”སྔོན་འགོག་བྱེད་དགོས་པ་དང་། གྱོད་དོན་ལ་བརྟེན་ནས་ཁེ་ཕན་སྒྲུབ་པ་དང་ལྐོག་འབྲེལ་འགེབས་སྲུང་བྱེད་པ། ནང་ཁུལ་གནས་ཚུལ་ཕྱི་གྱར་བྱེད་པ་སོགས་ཀྱི་གནད་དོན་མངོན་གསལ་དོད་པོ་རྣམས་ཐག་གཅོད་ནན་པོ་བྱས་ནས་ཕྱོགས་ཁག་གཙང་མ་བཟོ་བ་བཅས། ངར་ལྕགས་བརྡུང་བར་ཐོག་མར་རང་ངོས་སྲ་ཞིང་མཁྲེགས་པ་ཞིག་ཡོང་ཐུབ་པ་བྱེད་དགོས། 《ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་སྐབས་བཅོ་བརྒྱད་པའི་ཚོགས་འདུ་རྒྱས་འཛོམས་ཐེངས་ལྔ་པའི་ཐོག་གི་གསུང་བཤད》（2015ལོའི་ཟླ་1ཚེས་13ཉིན)
