《ཉིན་རེའི་མེ་ལོང》（Daily Mirror）དུ་བཀོད་པ་ལྟར་ན། ཞི་ལ་ལི་ན་རེ། གལ་སྲིད་མོ་རང་ཙུང་ཐུང་དུ་བདམ་ཐོན་བྱུང་ཚེ། UFO（Unidentified Flying Object）ཡི་གནས་ཚུལ་ངོ་མ་རྩད་གཅོད་བྱ་རྒྱུ་ཡིན་པ་དང་། མོ་རང་གིས་ཕྱི་སྐར་པ་སའི་གོ་ལར་ཐོན་མྱོང་ཡོད་པར་འདོད་པ། གཞན། “ངས་ཕའོ་ཏེ་སི་ཐཱ་ལར(ཞི་ལ་ལིའི་བདམ་རོགས་ཀྲུའུ་ཞི)ཁས་ལེན་བྱས་ཡོད། གནས་ཚུལ་ངོ་མ་ནི་ངེས་པར་དུ་ཁྱབ་བསྒྲགས་བྱེད་དགོས་པ་དང་། ང་ཚོས་ཁུལ ༥༡ （Area 51）ཏུ་ཚན་ཆུང་ཐུན་མོང་མ་ཡིན་པ་ཞིག་མངགས་ཀྱང་ཆོག”བཅས་གསུངས་པ་སྤེལ་འདུག
གལ་སྲིད་ཞི་ལ་ལི་ཟླ ༡༡ པའི་འདེམས་བསྐོའི་ཁྲོད་བདམ་ཐོན་བྱུང་ཚེ། ཨ་རིའི་ལོ་རྒྱུས་སྟེང་གི་བུད་མེད་ཙུང་ཐུང་དང་པོ་དེ་ཡིན་སྲིད་ལ། མོས་བསྟན་དོན། དེ་དུས་ཁུལ ༥༡ ཏུ་ཚན་ཆུང་ཐུན་མོང་མ་ཡིན་པ་ ཞིག་མངགས་རྒྱུ་ཡིན་པ་དང་། ཁུལ ༥༡ ནི་མངའ་སྡེ་ནའེ་ཝ་ཏཱ（Nevada）རུ་གནས་ཡོད་པའི་དམག་དོན་རྟེན་གཞི་ཞིག་དང་། ཨ་རིའི་སྲིད་གཞུང་གི་གསང་དོན་ཆེས་མཐོ་ཤོས་དེ་ཡང་ཡིན་པ། UFO ཡིས་ཨ་རིས་ལྐོག་ཏུ་གནས་དེ་རུ་སྐར་མ་གོ་ལ་གཞན་དག་གི་ཚན་རྩལ་ཞིབ་འཇུག་བགྱི་བཞིན་ཡོད་པར་འདོད་པ་བཅས་བསྟན་པ་རེད།
ཁུལ ༥༡ གི་འདྲ་པར།
དེ་སྔོན་དུ། ཞི་ལ་ལིའི་བདམ་རོགས་ཀྲུའུ་ཞི་ཅོན•ཕའོ་ཏེ་སི་ཐཱ（John Podesta）ཡིས UFO དང་འབྲེལ་བའི་ཡིག་ཆ་ཐམས་ཅད་ཁྱབ་བསྒྲགས་བྱེད་དགོས་པའི་རེ་ཞུ་བྱས་མྱོང་ལ། རྒྱུ་མཚན་ནི་ཨ་རིའི་མི་དམངས་ལ་གནས་ཚུལ་ངོ་མ་དང་ལེན་བྱེད་པའི་ནུས་པ་ཡོད་ཟེར། ན་ནིང་ཁོས Twitter སྟེང་སྐད་གྲགས་ཆེ་བའི་བསྒྲགས་ཡིག་ཅིག་སྤེལ་ཏེ། ༢༠༡༤ ལོར་ལས་འཁྱུར་ངལ་གསོ་མ་བྱས་གོང་དུ UFO ཡི་འབྲེལ་ཡོད་ཡིག་ཆ་ཁྱབ་བསྒྲགས་བྱེད་མ་ཐུབ་པ་ནི་ཆེས་ཡིད་སྐྱོ་བའི་དོན་དག་ཅིག་རེད་ཟེར།
ཕའོ་ཏེ་སི་ཐཱ་ནི་དེ་སྔོན་དུ་ཞི་ལ་ལིའི་ཁྱོ་ག་པེའར•ཁི་ལིན་ཐུན（Bill Clinton）གྱིས་ལས་གནས་འཛིན་པའི་སྐབས་ཀྱི་ཕོ་བྲང་དཀར་པོའི་གཞུང་སྒྲུབ་ཐིན་གྱི་ཀྲུའུ་རིན་ཡིན་པ་དང་། ད་ལྟའི་ཙུང་ཐུང་ཨོ་བྷ་མའི་བློ་འདྲི་ཡུལ་གཙོ་བོ་དེའང་ཡིན།
ན་ནིང་པེའར•ཁི་ལིན་ཐུན་གྱིས་ཅེ་མེས•ཁན་མུར（Jimmy Kimmel）ཡིས་མདོ་འཛིན་བྱེད་པའི་ལེ་ཚན་དུ། གལ་སྲིད་ཕྱི་སྐར་པ་སའི་གོ་ལར་ཐོན་མྱོང་ཡོད་ཚེ། དེ་ནི་ཧ་ལས་པ་ཞིག་མ་རེད། འོན་ཀྱང་གནས་ཚུལ་ནི《རང་བཙན་ཉིན་མོ》རུ་འཁྲབ་སྟོན་བྱས་པ་ནང་བཞིན་ཡིན་པར་རེ་བ། ཁོས་ཀྱང་ཁུལ ༥༡ ལ་བརྟག་དཔྱད་བྱས་མྱོང་ལ། ཡིན་ཡང་དེར་ཕྱི་སྐར་པ་མི་འདུག་ཅེས་ཁ་གསབ་བྱས།
ཞི་ལ་ལིར་མོའི་ཁྱོ་གའི་གཏམ་བརྗོད་ཐད་ཀྱི་སྐད་ཆ་དྲིས་དུས། ཕྱི་སྐར་པ་སའི་གོ་ལར་ཐོན་མྱོང་ཡོད་ཀྱི་རེད། ཡིན་ཡང་ང་ཚོས་གནས་ཚུལ་གསལ་བོ་ཤེས་མེད་ཅེས་གསུངས།
