རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཚེས་བརྒྱད་ཉིན་གྱི་ཕྱི་དྲོར་ཀྲུང་ནན་ཧེ་ཙི་ཀོང་ཀི་ནས་འཇར་མན་རྒྱལ་ཁབ་ཀྱི་ཕྱི་འབྲེལ་པུའུ་ཀྲང་ཧྲི་ཐེ་དབྱིན་མེད་ཨར་ལ་མཇལ་འཕྲད་གནང་།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཚེས་བརྒྱད་ཉིན་གྱི་ཕྱི་དྲོར་ཀྲུང་ནན་ཧེ་ཙི་ཀོང་ཀི་ནས་འཇར་མན་རྒྱལ་ཁབ་ཀྱི་ཕྱི་འབྲེལ་པུའུ་ཀྲང་ཧྲི་ཐེ་དབྱིན་མེད་ཨར་ལ་མཇལ་འཕྲད་གནང་།
ལི་ཁེ་ཆང་གིས་གསུངས་རྒྱུར། ཀྲུང་གོ་ཕྱོགས་ཀྱིས་ཀྲུང་གོ་དང་འཇར་མན་བར་གྱི་འབྲེལ་བ་འཕེལ་རྒྱས་སུ་འགྲོ་བར་ཧ་ཅང་མཐོང་ཆེན་བྱེད་ཀྱིན་ཡོད་པར་མ་ཟད་འཇར་མན་ཕྱོགས་དང་མཉམ་དུ་བརྗེ་རེས་དང་མཉམ་ལས་ཇེ་མང་དུ་གཏོང་འདོད་ཡོད། ཀྲུང་གོ་དང་འཇར་མན་གྱི་སྐོར་ཐེངས་བཞི་བའི་སྲིད་གཞུང་བར་གྱི་གྲོས་མོལ་དེ་ད་ལོར་ཀྲུང་གོ་ན་འཚོགས་བཞིན་ཡོད་པས། ཕྱོགས་གཉིས་ཀྱིས་མྱུར་བགྲོད་ལྕགས་ལམ་སོགས་ཁྱབ་ཁོངས་ཀྱི་ཕྱོགས་གསུམ་པའི་ཚོང་རའི་མཉམ་ལས་ཐད་ནས་གྲུབ་འབྲས་བཟང་བོ་ལེན་པར་སྐུལ་འདེད་གཏོང་དགོས་པ་དང་། ཀྲུང་གོ་དང་འཇར་མན་རྒྱལ་ཁབ་གཉིས་ཀྱི་དཔལ་འབྱོར་འཕར་སྣོན་ལ་སྣེ་ཁྲིད་བྱས་ནས། ས་གནས་དང་འཛམ་གླིང་གི་བརྟན་འཇགས་དང་འཕེལ་རྒྱས། དར་རྒྱས་བཅས་ཀྱི་ཐད་ལ་ནུས་ཤུགས་གང་ཡོད་འདོན་དགོས་ཟེར།
ཧྲི་ཐེ་དབྱིན་མེད་ཨར་གྱིས་བཤད་རྒྱུར། འཛམ་གླིང་གི་དཔལ་འབྱོར་གནས་བབ་སྔར་བཞིན་རྙོག་འཛིང་དང་ཛ་དྲག་ཆེ་བ་དང་ཡོ་རོབ་གླིང་གི་འཕེལ་རྒྱས་དེ་དཀའ་ཁག་གང་མང་དང་འཕྲད་ཡོད། འཇར་མན་ཕྱོགས་ཀྱིས་ཀྲུང་གོ་ཕྱོགས་དང་མཉམ་དུ་འབྲེལ་འདྲིས་གང་ལེགས་བྱེད་པ་དང་མཉམ་ལས་བསྐྱེད་དེ་བརྟན་འཇགས་དང་འཕར་སྣོན་ལ་མཉམ་དུ་སྐུལ་འདེད་གཏོང་འདོད་ཡོད་ཟེར།
