སྨར་ཁམས་ཚྭ་ཁའི་ཚྭ་ཞིང་རྙིང་པ།
གསར་འགོད་པའི་ཆབ་མདོའི་རིག་དངོས་ཅུའུ་ནས་རྒྱུས་ལོན་པ་ལྟར་ན་སྨར་ཁམས་ཚྭ་ཁའི་ཚྭ་ཞིང་ཉམས་གསོའི་ལས་གྲྭའི་ཁག་དང་པོ་དངོས་སུ་མགོ་བཙུགས་ཡོད་ཅིང་། ལས་གྲྭ་འདི་ལ་ཁྱོན་བསྡོམས་མ་དངུལ་སྒོར་བྱེ་བ་གསུམ་བཏང་ནས་ལས་རིམ་གཉིས་སུ་བགོས་ནས་ཉམས་གསོ་བྱ་རྒྱུ་རེད། སྨར་ཁམས་ཀྱི་ཚྭ་ཁའི་ཚྭ་ཞིང་རྙིང་པ་ནི་འཛམ་གླིང་གི་ས་བབས་ཆེས་མཐོ་ཞིང་རང་བྱུང་གི་ཆ་རྐྱེན་ཆེས་ཞན་པའི་ཚྭ་ལས་ཐོན་སྐྱེད་ས་ཆ་ཞིག་ཡིན་ལ་རང་རྒྱལ་གྱི་ལྷོ་ནུབ་ས་ཁུལ་གྱི་ལོ་རྒྱུས་དང་རིག་གནས། རིག་དངོས། ལྟད་མོ། རང་བྱུང་བཅས་ཕྱོགས་མང་པོ་ནས་གོ་གནས་གལ་ཆེན་བཟུང་ཡོད་ཅིང་། ཤུལ་བཞག་རིག་གནས་ཀྱི་རིན་ཐང་ཡང་འགང་ཆེན་ཡོད།
