གུང་གཞོན་སྡེ་ཚོགས་ཀྲུང་དབྱང་དང་རྒྱལ་ཡོངས་གཞོན་ནུ་མཉམ་འབྲེལ་ཚོགས་པས་ཉིན་ཤས་གོང་རྒྱལ་ཁབ་གློག་གི་དྲ་བའི་ཧྲན་ཏུང་ཞིང་ཆེན་གློག་ཤུགས་ཀུང་སིའི་ཉམས་གསོ་ཀུང་སིའི་གློག་གཏོང་ཉམས་གསོ་ལྟེ་གནས་ཀྱི་བཟོ་པ་ཝང་ཅིན་སོགས་མི་༢༧ལ་སྐབས་ཉི་ཤུ་པའི་ཀྲུང་གོའི་གཞོན་ནུའི་ལྔ་བཞིའི་གཟེངས་བསྟོད་སྤྲོད་རྒྱུ་དང་། པེ་ཅིང་གྲོང་ཁྱེར་སྤྱི་བདེ་ཅུད་གྲོང་ཁྱེར་ནུབ་མའི་ཡན་ལག་ཅུད་ཀྱི་ཧྥུ་ཡའུ་སྲང་ལམ་མངག་གཏོང་ཁང་གི་གཞོན་ནུ་འཕྲལ་སྒྲུབ་རུ་ཁག་སོགས་གཞོན་ནུའི་ཚོགས་པ་ལྔ་ལ་ཀྲུང་གོའི་གཞོན་ནུའི་ལྔ་བཞིའི་གཟེངས་བསྟོད་མཉམ་སྡེབ་སྤྲོད་རྒྱུའི་གཏན་འབེབས་བྱས་ཡོད།
སྐབས་ཉི་ཤུ་པའི་ཀྲུང་གོའི་གཞོན་ནུའི་ལྔ་བཞིའི་གཟེངས་བསྟོད་ཐོབ་པའི་ནང་། རྒྱལ་ཁབ་གློག་གི་དྲ་བའི་ཧྲན་ཏུང་ཞིང་ཆེན་གློག་ཤུགས་ཀུང་སི་ཉམས་གསོ་ཀུང་སིའི་གློག་གཏོང་ ཉམས་གསོ་ལྟེ་གནས་ཀྱི་བཟོ་པ་ཝང་ཅིན་དང་། མཚོ་སྔོན་གདོང་ལེན་ཛ་དྲག་མྱུར་སྐྱོབ་ལྟེ་གནས་ཀྱི་ཀྲུའུ་རེན་ཝང་ཐའོ། ནང་སོག་རང་སྐྱོང་ལྗོངས་བྱང་ཕྱོགས་ལྗི་བའི་བཟོ་ལས་ཚོགས་པ་ཚད་ཡོད་ཀུང་སིའི་རང་འགུལ་ཚོད་འཛིན་སྒྲིག་ཆས་བཟོ་གྲྭའི་འཁོར་ཁང་༦༠༤འི་གྲངས་གཞིའི་ཚོད་འཛིན་རླངས་འཁོར་ཚོགས་པ་གཉིས་པའི་འགོ་འཛིན་ཝང་ཧྲེ་ལེའང་། ཤིན་ཅང་ཡུ་གུར་རང་སྐྱོང་ལྗོངས་ཧོ་ཐན་པག་ལི་མུ་ཉོ་ཚོང་ཚད་ཡོད་འགན་ཁྲི་ཀུང་སིའི་ལས་འཛིན་དཔོན་ཨུ་པུ་ལི་ཨའེ་སག ཨུ་པུ་ལི་ཁ་སི་མུ། སི་ཁྲོན་ཞིང་ཆེན་བྲག་འགོ་རྫོང་སེ་མུ་ཤང་ལྟེ་གནས་འཕྲོད་བསྟེན་ཁང་གི་ཐན་ཞའོ་ཆིང་སོགས་ཚུད་ཡོད་པ་རེད།
