ཟླ5པའི་ཚེས15ཉིན་ནི“2016ལོའི་རྒྱལ་ཡོངས་སྤྱི་བདེ་ལས་ཁུངས་ཀྱིས་དཔལ་འབྱོར་ནག་ཉེས་ལ་རྡུང་རྡེག་དང་འགོག་ཟོན་བྱེད་པའི་དྲིལ་བསྒྲགས་ཉིན་མོ”ཡིན་ལ། ད་ལོའི་བརྗོད་དོན་ནི“ཉེན་ཁ་འགོག་ཟོན། འཕེལ་རྒྱས་སྲུང་སྐྱོབ”ཅེས་པ་དེ་ཡིན། ཉིན་དེར། རང་ལྗོངས་ཀྱི་ས་གནས་སོ་སོས་དྲིལ་བསྒྲགས་བྱ་འགུལ་སྣ་ཚོགས་སྤེལ། ཚེས15ཉིན་གྱི་སྔ་དྲོ། ཉིང་ཁྲི་གྲོང་ཁྱེར་གྱིས་རྩ་འཛུགས་བྱས་ཏེ་ནག་ཉེས་ལ་རྡུང་རྡེག་དང་འགོག་ཟོན་བྱེད་པའི་དྲིལ་བསྒྲགས་བྱ་འགུལ་སྤེལ་བ་དང་། ཉིང་ཁྲི་གྲོང་ཁྱེར་སྤྱི་བདེ་ཅུས་ཀྱིས་ཡུལ་དེའི་འབྲེལ་ཡོད་ལས་ཁུངས་དང་མཉམ་དུ་དྲིལ་བསྒྲགས་ཡིག་ཆ་སྟེར་བ་དང་ཡུལ་དངོས་ནས་སྒྲོག་འགྲེལ་བྱེད་པ་སོགས་རྣམ་པ་བརྒྱུད་དེ། རྒྱ་ཆེ་བའི་གྲོང་ཁྱེར་སྡོད་དམངས་ལ་དཔལ་འབྱོར་ནག་ཉེས་ལ་རྡུང་རྡེག་དང་འགོག་ཟོག་བྱེད་པའི་ཤེས་བྱ་དྲིལ་བསྒྲགས་བྱས་ཏེ། ལས་བྱེད་པ་དང་མང་ཚོགས་ཀྱི་འགོག་ཟོན་འདུ་ཤེས་སྔར་ལས་ཇེ་མཐོར་བཏང་། འདི་ནི་ཉིང་ཁྲི་གྲོང་ཁྱེར་དངུལ་རྩ་མ་ལག་གི་ལས་བྱེད་མི་སྣ་ཟླ་བ་ཕུན་ཚོགས་ཀྱིས་གྲོང་ཁྱེར་སྡོད་དམངས་ལ་འབྲེལ་ཡོད་བཅའ་ཁྲིམས་དང་ཁྲིམས་སྲོལ་སྐོར་བཤད་བཞིན་པ།
