2016ལོའི་ཟླ་5ཚེས་28ཉིན་ཏེ“དྲུག་གཅིག”བྱིས་པའི་དུས་ཆེན་གྱི་སྔ་རོལ་དུ། བོད་ལྗོངས་སྤྱི་བདེ་མཐའ་སྲུང་སྤྱི་ཁྱབ་རུ་ཁག་གིས་དཔོན་དམག་སྒྲིག་འཛུགས་བྱས་ནས་བོད་ལྗོངས་ལྷ་ས་གྲོང་ཁྱེར་བྱིས་པའི་ཕན་བདེ་ཁང་དུ་བསྐྱོད་དེ་ཕན་བདེ་ཁང་གི་བྱིས་པར་འཚམས་འདྲི་བྱས་ནས་དེ་གའི་གྲོགས་པོ་ཆུང་ཆུང་ཚོར་དུས་ཆེན་གྱི་སྨོན་འདུན་ཞུས་པ་དང་ལག་རྟགས་སྤྲད་པ་མ་ཟད། ཁོང་ཚོ་དང་མཉམ་དུ་རྩེད་མོ་རྩེ་བ་དང་ཞབས་བྲོ་འཁྲབ་ནས་དགའ་སྤྲོའི་ངང“དྲུག་གཅིག”བྱིས་པའི་དུས་ཆེན་ལ་བསུ་བ་ཞུས་པ་རེད། ཤེས་རྟོགས་བྱུང་བར་གཞིགས་ན། མཐའ་སྲུང་སྤྱི་ཁྱབ་རུ་ཁག་དང་བྱིས་པའི་ཕན་བདེ་ཁང་ནི་ཡུན་རིང་གི་མཉམ་སྐྲུན་ཚན་པ་ཞིག་ཡིན་ཞིང་། ལོ་ལྟར་དཔྱིད་གསར་དུས་ཆེན་དང“དྲུག་གཅིག”བྱིས་པའི་དུས་ཆེན་སོགས་དུས་ཆེན་ཆེ་གྲས་སྐབས་དཔོན་དམག་སྒྲིག་འཛུགས་བྱས་ནས་ཕན་བདེ་ཁང་དུ་ཕྲུ་གུར་ལྟ་བ་མ་ཟད། ལོ་ལྟར་ཕན་བདེ་ཁང་གི་སྤྱོད་ཡོན་གཉིས་ལྡན་གྱི་སློབ་མ་ཁ་ཤས་བདམས་ཏེ་ནང་སའི་བོད་ལྗོངས་འཛིན་གྲྭར་གཏོང་གི་ཡོད་པ་རེད།
