སྤྱི་ཟླ་༦ཚེས་༢༠ཉིན། ༼ཀྲུང་ཧྭའི་ཕུགས་འདུན་འགྲུབ།། སྲིད་རྩེའི་དབྱངས་སྙན་འགུགས།།༽ཞེས་པའི་རྒྱལ་ཡོངས་གྲངས་ཉུང་མི་རིགས་ཀྱི་དམངས་གླུ་འགྲན་བསྡུར་གྱི་དབུ་ཚུགས་མཛད་སྒོ་ནི་ཀྲུང་དབྱང་བརྙན་འཕྲིན་ཁང་རྨེ་ཏིས་ཡ་ལྟེ་གནས་ནས་སྤེལ། བྱེད་སྒོ་འདི་ནི་༼འཛམ་གླིང་རིག་གནས་སྣ་མང་རང་བཞིན༽གྱི་རྗེས་དྲན་ཉིན་མོར་རྟེན་འབྲེལ་ཞུ་བ་དང་འཛམ་གླིང་རིག་གནས་སྣ་མང་རང་བཞིན་དར་སྤེལ་དང་ཁྱབ་བསྒྲགས་བྱེད་པའི་ཕྱིར་དང་། རྒྱལ་ཡོངས་གྲངས་ཉུང་མི་རིགས་ཀྱི་སྲོལ་རྒྱུན་རིག་གནས་འགྲེམ་སྟོན་བྱེད་པའི་ཆེད་དུ། ཀྲུང་གོའི་རིག་གནས་ཤུལ་བཞག་སྲུང་སྐྱོབ་ཞིབ་འཇུག་ཁང་གི་མི་རིགས་རིག་གནས་སྒྱུར་རྩལ་འཕེལ་རྒྱས་ཨུ་ལྷན་དང་། ཀྲུང་གོའི་རྒྱལ་སྤྱིའི་སློབ་གསོ་བརྙན་འཕྲིན་ཁང་། ཀྲུང་གོའི་མངོན་མིན་རིག་གནས་ཤུལ་བཞག་སྲུང་སྐྱོབ་མནའ་འབྲེལ་གྱིས་གཙོ་སྒྲུབ་གནང་བ་དང་། དབྱངས་ཅན་མ་རིག་གནས་ཁྱབ་སྤེལ་ཚད་ཡོད་ཀུང་སིས་འགན་སྒྲུབ་གནང་བ་ཞིག་རེད།
གདན་ཞུས་ཆེད་མཁས་པར་དཔང་ཡིག་སྤྲོད་བཞིན་པ།
མཉམ་འབྲེལ་ལས་ཁུངས་ཀྱིས་མཚན་རྟགས་འགོད་བཞིན་པ།
ཐེངས་འདིའི་བྱེད་སྒོ་བདེ་བླག་ངང་སྤེལ་བ་ལ་པེ་ཅིང་སློབ་གྲྭ་ཆེན་མོའི་རྒྱལ་ཁབ་རིག་གནས་ཚོགས་པ་དང་ཀྲུང་གོའི་མི་རིགས་རོལ་ཆས་ཚོགས་པ། ནང་སོག་རང་སྐྱོང་ལྗོངས་རིག་གནས་ཐིང་དང་མཚོ་སྔོན་ཞིང་ཆེན་རིག་གནས་ཐིང་། ད་རུང་ནང་སོག་དང་མཚོ་སྔོན། བོད་ལྗོངས་ལྷ་ས་གྲོང་ཁྱེར། ཡུན་ནན་ཞིང་ཆེན་བཅས་ཀྱི་རོལ་མོ་བའི་ལྷན་ཚོགས། མི་རིགས་སྒྲ་བརྙན་དཔེ་སྐྲུན་ཁང་། ཀྲུང་གོའི་མངོན་མིན་རིག་གནས་ཤུལ་བཞག་སྤྱི་ཁྱབ་པུའི་ཧྲང་ཧེ་འཛམ་གླིང་རིག་གནས་གླིང་དོ་དམ་ཨུ་ལྷན་བཅས་ཀྱིས་མཉམ་འབྲེལ་ཐོག་རྒྱབ་སྐྱོར་གནང་ཡོད་པ་རེད།
གླུ་བ་ལུ་གུ་རྒྱལ་དང་རིན་ཁོ། དབྱངས་ཅན་གུ་རུ་བཅས་ཀྱིས་གླུ་ལེན་བཞིན་པ།
ནང་སོག་གི་གླུ་མ་ཝུ་དབྱིན་ཀ།
ཚོགས་ཐོག་ཏུ་བོད་ཀྱི་གླུ་བ་གྲགས་ཅན་ལུ་གུ་རྒྱལ་དང་རིན་ཁོ། གླུ་མ་གྲགས་ཅན་ཚེ་བརྟན་སྒྲོལ་མ་བཅས་ཕེབས་ཡོད་པ་མ་ཟད། ལུ་གུ་རྒྱལ་དང་རིན་ཁོས་ཚོགས་ཞུགས་སྐུ་མགྲོན་ཡོངས་ལ་དམངས་གླུ་སྙན་མོ་ཞིག་ཀྱང་ཕུལ་སོང་། གཞན་ནང་སོག་དང་ཞིང་ཆེན་གཞན་པའི་སྒྱུ་རྩལ་བ་གྲགས་ཅན་ཁ་ཤས་ཀྱང་དབུ་ཚུགས་མཛད་སྒོའི་ཐོག་ཕེབས་ཡོད་པའོ།།
ཚོགས་ཞུགས་སྐུ་མགྲོན་ཡོངས་ཀྱི་མཉམ་པར།
