ཟླ་6ཚེས་8ཉིན་ཧྲང་ཧའེ་གྲོང་ཁྱེར་གྱི་ཡིག་ཚགས་ཁང་གིས་“དྲན་ཤེས་དམར་པོ་”ལྡན་པའི་ཡིག་ཚགས་རྩ་ཆེན་བརྒྱ་ཡོངས་བསྒྲགས་བྱས་པ་མ་ཟད། དེའི་ནང་ནས་ཡིག་ཚགས་50དྲག་འདེམས་བྱས་ཏེ་ཝའེ་ཐན་ཡིག་ཚགས་ཁང་གསར་པར་མང་ཚོགས་ལ་རིན་པ་མི་དགོས་པའི་འགྲེམས་སྟོན་བྱས་ལ། དེ་ཚོའི་ཁྲོད་ཀྱི་ཡིག་ཚགས་ཧ་ལམ་20ལྷག་ནི་ཡོངས་བསྒྲགས་ཐེངས་དང་པོ་བྱས་པ་རེད། ཡིག་ཚགས་དམར་པོ་རྩ་ཆེན་ཁག་འདི་ནི་“བློ་སྒོ་འབྱེད་པ་”དང་། “དམར་པོའི་འགོ་འཛུགས་ས།” “གསར་བརྗེའི་རྗེས་ཤུལ།” “གླེང་ཕྱོགས་དྲིལ་བསྒྲགས་”བཅས་ཁག་བཞི་རུ་ཕྱེ་ཡོད་ཅིང་། དེ་དག་ནང་ལྔ་བཞི་ལས་འགུལ་དུས་སྐབས་ཀྱི་མར་ཁེ་སི་རིང་ལུགས་ཀྱི་རིགས་པའི་གཞུང་ལུགས་ཀྱི་གསུང་རྩོམ་དང་ཡར་ཐོན་དུས་དེབ་དང་། ཀྲུང་གུང་གི་འཐུས་མི་ཚོགས་ཆེན་ཐེངས་དང་པོའི་ཚོགས་ཡུལ་བདེན་དཔང་ར་སྤྲོད་བྱས་པའི་ཡིག་ཚགས་ཡིག་ཆ། དུས་ཐོག་མའི་ཀྲུང་གོའི་གུང་ཁྲན་ཏང་གི་དབུ་ཁྲིད་འོག་གི་གསར་བརྗེའི་དཔེ་དེབ་དང་དུས་དེབ་སོགས་ཚུད་ཡོད་པ་རེད།
