ཉེ་ལམ་ལོ་ཤས་རིང་རང་ལྗོངས་ཀྱིས་བོད་ལུགས་གསོ་རིག་དང་བོད་སྨན་བྱ་གཞག་རྒྱུན་མཐུད་སྐྱོན་བྲལ་ངང་འཕེལ་རྒྱས་འགྲོ་རྒྱུར་སྤྱི་ཡོངས་ནས་སྐུལ་འདེད་བཏང་བས་གཞི་ཁྱོན་ལྡན་པའི་བོད་ལུགས་གསོ་རིག་དང་བོད་སྨན་གྱི་ཁེ་ལས་ཁག་གཅིག་ཆགས་ཡོད་པ་རེད།
བོད་ལུགས་གསོ་རིག་དང་བོད་སྨན་གྱི་སྲོལ་རྒྱུན་སྦྱོར་རྟས་བཅོས་དཀའ་བའི་ནད་གཞི་ཁག་གཅིག་བཅོས་རྒྱུར་ཕན་འབྲས་ནུས་ལྡན་ཐོན་ནས་རྒྱ་ཆེའི་ནད་པ་ཚོའི་དགའ་བསུ་ཆེན་པོ་ཐོབ་ཡོད་པ་རེད། 2015ལོར་བོད་ཀྱི་བོད་ལུགས་གསོ་རིག་དང་བོད་སྨན་གྱི་ཐོན་རྫས་རིན་ཐང་བསྡོམས་འབོར་སྒོར་དུང་ཕྱུར་13ལྷག་ཙམ་ཟིན་ནས་བོད་ལུགས་གསོ་རིག་དང་བོད་སྨན་ཐོན་ལས་ཀྱི་མ་ལག་ཅིག་སྤྱིར་ན་ཆགས་ཡོད་ཅིང་། འདི་ནི་ཆབ་མདོ་གྲོང་ཁྱེར་སྨན་རྩིས་ཁང་གི་སྨན་བཟོ་གྲྭའི་ནང་ལས་དོན་མི་སྣས་བཟོ་བཞིན་པའི་བོད་སྨན་ལ་ཞིབ་དཔྱད་བྱེད་པའི་གནས་ཚུལ་ཡིན་པ།
