པོ་ལི་ཝེ་ཡ་རྒྱལ་ཁབ་ཀྱི་རྫིང་བུ་ཨང་གཉིས་པ་དེ་ནི་པོ་ལི་ཝེ་ཡ་མཐོ་སྒང་གི་འོ་ལོ་ལོ་ཞིང་ཆེན་གྱི་ཤར་རྒྱུད་དུ་ཡོད་ཅིང་། རྒྱ་མཚོའི་ངོས་ལས་རྨིད ༣༦༩༠ ཡི་སར་ཡོད། རིང་ཚད་ལ་སྤྱི་ལེ་ ༣༦༩༠ ཡོད་ཅིང་ཞེང་ཚད་ལ་སྤྱི་ལེ་གྲུ་བཞི་མ་ ༢༨༠༠ ཡོད། གཏིང་ཟབ་ཚད་ལ་རྨིད་ ༢.༤ ནས ༣ གྱི་བར་ཡོད་ཅིང་ཚྭ་ཡི་འདུས་ཚད་ཅུང་མང་བའི་ནང་བཞུར་ཆུ་བོའི་ཁོངས་སུ་གཏོགས་པ་རེད། ཆར་དུས་སུ་ལ་ཁ་ཧ་བེ་ཆུ་བོར་བརྟེན་ནས་རྒྱས་ཤིང་རྫིང་བུའི་ནང་ཏུ་ཕན་ས་གླིང་ཕྲན་དང་ཧྲིན་ཧྥས་ལོ་མུས་ན་གླིང་ཕྲན་གཉིས་ཆགས་ཡོད། པོ་པོ་རྫིང་བུ་དེ་ད་ལྟའི་ཆར་ཡོངས་སུ་སྐམ་ཡོད་ལ་སྲོག་ཆགས་མང་ཆེ་བ་ཤི་བར་མ་ཟད་ས་དེ་གའི་མི་རྣམས་ཀྱི་འཚོ་རྟེན་གྱི་ཁོར་ཡུག་ཡང་མེད་པར་གྱུར་བས་གཅིག་རྗེས་གཉིས་མཐུད་དུ་གནས་སྤོར་བྱེད་བཞིན་ཡོད་པ་རེད།
པོ་ལི་ཝེ་ཡ་རྒྱལ་ཁབ་གྱི་རྫིང་བུ་ཨང་གཉིས་པར་གྲགས་ཡོད་པའི་པོ་པོ་རྫིང་བུ (Lake Poopo) དེ་ནམ་ཟླའི་འགྱུར་བ་དང་གཏེར་ཁ་སྔོག་འདོན་བྱས་པ་ཚད་ལས་བརྒལ་བ་། འི་འར་ནོ་སྣང་ཚུལ་རྒྱུན་ཆད་མེད་པར་ཇེ་དྲག་ཏུ་སོང་བ་སོགས་ལ་རྐྱེན་བྱས་ཏེ་མིག་སྔར་ཡོངས་སུ་སྐམ་ཡོད་པ་རེད། པོ་པོ་རྫིང་བུ་ཡི་རྒྱ་མཚོའི་ངོས་ལས་མཐོ་ཚད་དང་ཆུ་ཁ་མཐོ་དམན་གྱི་ཚད་སོགས་དུས་ཡུན་རིང་པོའི་ནང་དུ་མཐའ་འཁོར་གྱི་གཞོངས་སའི་ཆར་ཆུའི་འབབ་ཚད་ལ་འགྱུར་བ་བྱུང་བའི་དབང་གིས་པོ་པོ་རྫིང་བུའི་ཆུ་ཚད་ལ་ཤུགས་རྐྱེན་ཐེབས། ༢༠༠༥ ལོའི་ཟླ ༡༡ པའི་ནང་རྒྱལ་སྤྱིའི་སྟོང་ཁམས་ས་ཚིགས་ནས་ཐུར་ལྟ་བྱས་ལ་སྐབས་དེ་དུས་ནས་པོ་པོ་རྫིང་བུའི་ཆུ་ཚད་མར་འགྲིབ་འགོ་བརྩམས་ཡོད་པ་རེད་། རྫིང་བུའི་མཐའ་སྐོར་ཏུ་ཁྱེར་བསགས་བྱེ་འདམ་དང་ཚྭ་ལུད་སོགས་སྤུངས་ཡོད་པ་མཐོང་། ཆར་ཆུའི་འབབ་ཚད་ལ་འབྲེལ་བ་ཆེན་པོ་ཡོད་པའི་པོ་པོ་རྫིང་བུ་སྐམ་པ་དེས་འཛམ་གླིང་གི་ནམ་ཟླ་ཇེ་དྲོར་འགྲོ་བཞིན་པའི་དངོས་ཡོད་གནས་ཚུལ་དེ་མི་རྣམས་ཀྱི་མིག་ལམ་དུ་བསྟར་བ་རེད།
ང་ཚོར་རྫིང་བུ་མེད་སོང་བ་རེད། ཉིན་ ༤༠ སྔོནཏུ་ད་དུང་གནས་འདི་རུ་ཆུ་ཡོད་པར་མ་ཟད་བྱ་ཧོ་ལེ་ཉོ་ཡང་མཐོང་ཐུབ་པ་རེད་མོད་ད་ལྟ་ཆུ་ཐིགས་གཅིག་ཀྱང་མེད་པའི་སྐམ་ས་རང་ཏུ་གྱུར་ཡོད་པ་རེད། པོ་པོ་རྫིང་བུ་ཡོངས་སུ་སྐམ་པ་དེ་ནི་ང་ཚོའི་ཡིད་ལའང་མ་དྲན་པ་ཞིག་ག་ལ་ཡིན། པོ་པོ་རྫིང་བུའི་འགྲམ་ཏུ་འཚོ་བའི་ཉ་བ་ Valerio Calle Rojas ཚོས་བཤད་རྒྱུར། ཉ་བ་ཞིག་གིས་སྐམ་ཐག་ཆོད་པའི་རྫིང་བུའི་ཤུལ་ཏུ་ཉ་རུས་སྐམ་པོ་ཞིག་འཐུ་བཞིན་ཡོད་ཟེར།
ཉ་རུས་སྐམ་པོ་ཞིག་འཐུ་བཞིན་པའི་རྣམ་པ།
པོ་པོ་རྫིང་བུ་ནི་པོ་ལི་ཝེ་ཡ་རྒྱལ་ཁབ་གྱི་རྫིང་བུ་ཨང་གཉིས་པ་དེ་ཡིན་ལ། པོ་ལི་ཝི་ཡ་རྒྱལ་ཁབ་ལྷོ་རྒྱུད་ཀྱི་འ་འར་ཏིས་ཕོའུ་ལ་ནོ་རྩ་ཐང་ཏུ་ཡོད་པ་རེད། པོ་པོ་རྫིང་བུ་ནི་མཐོ་སྒང་གི་རྫིང་བུ་ཞིག་ཡིན་ལ་རྒྱ་མཚོའི་ངོས་ལས་རྨིད ༣༧༠༠ ཡི་སར་ཡོད་།
ཉ་མོ་ཞིག་གི་ཀེང་རུས་གྲམ་པ་སྐམ་པོའི་ནང་འབྱར་ཡོད་པ།
པོ་པོ་རྫིང་བུའི་གྲམ་པ་སྐམ་པོ་རུ་བསྡད་ཡོད་པའི་ཉ་གྲུ
ཆུ་འཐུང་རྒྱུ་མེད་པས་སྲོག་ཆགས་སྟོང་ཕྲག་མང་བོ་སྐོམ་པས་ཤི་ལ་ས་དེ་གའི་མི་རྣམས་ཀྱི་འཚོ་རྟེན་ཡང་ཆད་པས་གནས་སྤོར་མི་བྱེད་ཐབས་མེད་དུ་གྱུར་བ་རེད། དེ་རིང་གི་པོ་པོ་རྫིང་བུ་ནི་བྱ་རིགས་ཀྱི་རོ་ཡིས་བཀང་བའི་དུར་ས་ཆུང་ཆུང་ཞིག་ཏུ་གྱུར་ཡོད།
