དབྱི་རན་དུ་ཏ་ཟིག་གི་ཡུལ་སྲོལ་གོམས་གཤིས་མྱོང་བ།

        དབྱི་རན་དབྱི་སི་ལམ་སྤྱི་མཐུན་རྒྱལ་ཁབ་ནི་ཨེ་ཤེ་ཡའི་ལྷོ་ནུབ་རྒྱུད་དུ་ཆགས་པ་དང་། བྱང་ངོས་སུ་ནང་ངོས་རྒྱ་མཚོ་དང་འབྲེལ་བ་དང་ལྷོ་ངོས་སུ་ཏ་ཟིག་མཚོ་ཁུག་དང་འབྲེལ་ཡོད། དབུས་ཤར་ས་ཁུལ་གྱི་མཚོ་ཐོག་འགྲིམ་འགྲུལ་འགག་གནད་ཧོའར་མུ་ཚི་མཚོ་འགག་བཟུང་བ་དང“རྒྱུད་གཅིག་ལམ་གཅིག”གི་འདུ་གནས་སུ་ཆགས་པར་གལ་འགངས་ཤིན་ཏུ་ཆེ་བའི་འཐབ་ཇུས་ས་ཁམས་གནས་བབ་ལྡན་ཡོད། རྒྱ་ཁྱོན་སྤྱི་ལེ་ངོས་གྲུ་ཁྲི་༡༦༤.༥ཟིན་པ་དང་། མི་འབོར་ཁྲི་༨༠༠༠ཙམ་ཟིན་པ། རྒྱལ་ས་ནི་ཐེ་ཧེ་རན་ཡིན་ཞིང་། ཏ་ཟིག་དང་། ཨ་ཟེར་བྷེ་ཇན། ཁུའར་ཏེ། ཨ་རབ། ཏུར་མེན་སོགས་མི་རིགས་མང་པོ་ཡོད་པའི་རྒྱལ་ཁབ་དེས་ཏ་ཟིག་སྐད་གཞུང་ཕྱོགས་སྐད་བརྡར་བྱས་པ་དང་། དབྱི་སི་ལམ་ཆོས་ལུགས་རྒྱལ་ཁབ་ཀྱི་ཆོས་ལུགས་སུ་བྱས་ཡོད། ལོ་ངོ་སྟོང་ཕྲག་མང་པོའི་ལོ་རྒྱུས་ལྡན་པའི་གནའ་བོའི་ཤེས་དཔལ་རྒྱལ་ཁབ་ཡིན་པའི་དབྱི་རན་གྱིས་རང་ཉིད་ཀྱི་འོད་སྟོང་འབར་བའི་རིག་གནས་བཏོད་ཡོད།