ཀྲུང་གོའི་བོད་ལྗོངས་དྲ་བ།>གསར་འགྱུར།

པཎ་ཆེན་ཨེར་ཏི་ནི་ཆོས་ཀྱི་རྒྱལ་པོས་གནོད་ཐེབས་ས་ཁུལ་ལ་གསོལ་འདེབས་ཞུས།

2015-04-27

པཎ་ཆེན་ཨེར་ཏི་ནི་ཆོས་ཀྱི་རྒྱལ་པོ།

ཀྲུང་གོའི་བོད་ལྗོངས་དྲ་བའི་འཕྲིན། པཎ་ཆེན་ཨེར་ཏི་ནི་ཆོས་ཀྱི་རྒྱལ་པོས་བལ་བོ་རུ་འགུལ་ཚད་རིམ་པ ༨.༡ གི་ས་འགུལ་དྲག་པོ་བྱུང་ཏེ་མི་མང་པོར་ཤི་རྨས་ཐེབས་པ་དང་། བལ་བོ་དང་ཐག་ཉེ་བའི་བོད་ལྗོངས་གཞིས་རྩེ་རུའང་ས་འགུལ་གྱི་གནོད་འཚེ་ཆེན་པོ་ཐེབས་པ་ཐོས་པས། ཐུགས་སེམས་རབ་ཏུ་སྐྱོ་བ་དང་། ཚེས ༢༦ ཉིན་པཎ་ཆེན་རིན་པོ་ཆེས་ཆེད་དུ་འདས་བོ་རྣམས་བདེ་འགྲོར་སྐྱེས་ཤིང་གསོན་པོ་རྣམས་སྡུག་བསྔལ་དང་བྲལ་བའི་སྨོན་ལམ་བརྒྱབ།

པཎ་ཆེན་རིན་པོ་ཆེའི་གསོལ་འདེབས།

བལ་བོ་དང་བོད་ལྗོངས་གཞིས་རྩེ་རུ་ས་འགུལ་ཆེན་པོའི་གནོད་འཚེ་ཐེབས་ཏེ། མི་མང་པོའི་ཚེ་སྲོག་དང་ཁྱིམ་གཞིས་བརླགས་པ་ཐོས་པས། ཐུགས་སེམས་རབ་ཏུ་སྐྱོ་བྱུང་། འདས་པོ་རྣམས་བདེ་འགྲོར་སྐྱེས་ཤིང་གསོན་པོ་རྣམས་སྡུག་བསྔལ་དང་བྲལ་བར་སྨོན། དཀོན་མཆོག་གསུམ་གྱིས་གནོད་ཐེབས་ས་ཁུལ་གྱི་འགྲོ་བ་སེམས་ཅན་ཐམས་ཅད་སྐྱབས་འོག་ནས་མི་འདོར་བར་མྱུར་དུ་གནོད་འཚེའི་གྲིབ་མ་ལས་ཐར་ཅིང་། ནང་སེམས་དང་ཕྱིའི་ཁྱིམ་གཞིས་སླར་གསོ་ཡོང་བའི་སྨོན་ལམ་འདེབས། ཨོཾ་མ་ཎི་པདྨེ་ཧཱུཾ།    

པཎ་ཆེན་ཨེར་ཏི་ནི་ཆོས་ཀྱི་རྒྱལ་པོ།  

༢༠༡༥ ལོའི་ཟླ ༤ བའི་ཚེས ༡༦ ཉིན།  

 

འབྲེལ་ཡོད་རྩོམ་ཡིག