སྤྱི་ཚེས༡༢ཉིན་གྱི་སྔ་དྲོར་ཞིས་ཅིན་ཕིང་གིས་ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ལྷན་གྱི་སྐབས་བཅོ་བརྒྱད་པའི་ཚང་འཛོམས་གྲོས་ཚོགས་ཐེངས་དྲུག་པའི་ཐོག་གསུང་བཤད་གལ་ཆེན་གནང་ཞིང་། རུལ་རྒོལ་འཐབ་རྩོད་སྔར་བཞིན་ཛ་དྲག་ཡིན་ལ་རྙོག་འཛིང་ལྡན་པའི་གནས་སྟངས་ལ་དབྱེ་ཞིབ་གཏིང་ཟབ་བྱས་ཏེ། དེང་ཕྱིན་གྱི་དུས་སྐབས་ཤིག་ནང་གི་དམིགས་འབེན་དང་འོས་འགན་བཏོན་པ་རེད། དེར་ཆེད་མཁས་པས། གསུང་བཤད་ལས་རུལ་རྒོལ་གཙང་སྤེལ་གྱི་ལས་ཕྱི་མའི་གནད་ཆེ་གང་དག་ཡིན་པ་ཤེས་ཐུབ་ཟེར།
རུལ་རྒོལ་གཙང་སྤེལ་གྱི་འཐབ་རྩོད་ཀྱི་ཟིལ་གནོན་རང་བཞིན་གྱི་གནས་སྟངས་ཆགས་མོས་ཡིན།
ལོ་གསུམ་གྱི་རིང་ལ། ང་ཚོས་ཏང་དོ་དམ་དང་ཏང་བཅོས་སྐྱོང་བྱེད་ཐབས་ཡངས་ཤིང་ལྷོད་པའི་གནད་དོན་སྟོབས་ཀྱིས་ཐག་བཅད་དེ། རུལ་སུངས་ཀྱི་བྱེད་སྤྱོད་སྤེལ་བར་འཇིགས་པའི་ཟིལ་ཤུགས་གང་ལེགས་བཏོན་པས། རུལ་མི་རུང་བ་དང་། རུལ་མི་འདོད་པའི་བསམ་བློ་འདུ་ཤེས་རིམ་གྱིས་ཆགས་པས། རུལ་རྒོལ་འཐབ་རྩོད་ཀྱི་ཟིལ་གནོན་རང་བཞིན་གྱི་གནས་སྟངས་ཆགས་མུས་སུ་མཆིས་ཡོད་ཅེས་སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་གསུང་བཤད་ནང་ཏང་སྲིད་གཙང་སྐྱོང་དར་སྤེལ་དང་རུལ་རྒོལ་འཐབ་རྩོད་ཐད་ཕན་འབྲས་ལེགས་པོ་ཐོབ་ཡོད་ཕྱིར་དྲན་བྱས་ན་དེ་འདྲ་རེད།
ཀྲུང་གོའི་སྤྱི་ཚོགས་ཚན་རིག་གླིང་གི་ཏང་སྲིད་གཙང་སྐྱོང་ཞིབ་འཇུག་ལྟེ་གནས་ཀྱི་དྲུང་ཡིག་གཞོན་པ་ཀའོ་པའོ་ཡིས། ཞིས་ཅིན་ཕིང་གི་གསུང་བཤད་ཀྱིས་ཏང་གི་སྐབས་བཅོ་བརྒྱད་པའི་ཚོགས་ཆེན་ཚོགས་ཚུན་ལ། ཏང་ནན་སྐྱོང་དང་རུལ་རྒོལ་འཐབ་རྩོད་ཀྱི་ཇུས་ཆོད་བཀོད་སྒྲིག་རབ་དང་རིམ་པ་ལག་ལེན་བྱས་པའི་གྲུབ་འབྲས་ཤིག་དང་། རུལ་རྒོལ་གྲུབ་འབྲས་རྣམ་པ་ནས་ངོ་བོར་གྲུབ་བཞིན་ཡོད། ཏང་ཀྲུང་དབྱང་གིས་རུལ་རྒོལ་གྱི་ཆོད་སེམས་ནམ་ཡང་འགྱུར་མེད་ལ། རུལ་རྒོལ་སྣང་ཚུལ་ཇེ་དྲག་ཏུ་འགྲོ་བར་མཐའ་གཅིག་ཏུ་བཀག་འགོག་བྱེད་པའི་དམིགས་འབེན་ཡང་འགྱུར་བ་མེད་པ་གཞིར་བཞག་ཏང་ཡོངས་ཀྱི་བློ་མཐུན་རྣམས་ཀྱིས་ཏང་ཀྲུང་དབྱང་གིས་རུལ་རྒོལ་འཐབ་རྩོད་བྱ་བའི་ཆོད་སེམས་དང་། རུལ་རྒོལ་འཐབ་རྩོད་ཀྱིས་དྲང་ནུས་འདོན་སྤེལ། རུལ་རྒོལ་འཐབ་རྩོད་ཀྱི་འོད་སྣང་བཀྲ་བའི་མདུན་ལྗོངས་བཅས་ཡིད་ཆེས་དང་རེ་བའི་བརྟས་ཡོད། ཞིས་ཅིན་ཕིང་གིས་གསུང་བཤད་ཁྲོད་འགྱུར་མེད་གཉིས་དང་ཡིད་ཆེས་ཀྱིས་བརྟས་དགོས་པ་བཞི་ཡི་ཞིམ་མེད་མདུན་སྐྱོད་གྱི་སྙིང་སྟོབས་བཏོན་ནས་རུལ་རྒོལ་འཐབ་རྩོད་ལ་གྲུབ་འབྲས་གསར་བ་ལོན་པར་རེ་སྒུག་གིས་ཁེངས་སུ་བཅུག་འདུག
ཀའོ་པའོ་ཡིས། ཏང་ཀྲུང་དབྱང་གིས་འབད་པ་ལྷོད་མེད་ཀྱིས་ཏང་ནན་སྐྱོང་ལ་སྐུལ་འདེད་བྱས་ཏེ། སྟོབས་ཤུགས་དགོས་ན་རང་ལུས་བརྟན་དགོས་པའི་དམ་བཅའ་རླབས་ཆེན་འགྲུབ་ཅིང་། ལེགས་འགྲུབ་བྱུང་བའི་ལག་ལེན་རབ་དང་རིམ་པས་མི་དམངས་མང་ཚོགས་ཀྱིས་ཏང་ལ་གཏད་པའི་ཡིད་ཆེས་དང་རྒྱབ་སྐྱོར་ཇེ་ཆེར་ཕྱིན་ཡོད་ཟེར།
ཕྱོགས་ཡོངས་ནས་ཏང་ནན་སྐྱོང་གཞི་རིམ་དུ་སྤེལ་བར་ཡར་སྐུལ་བྱས་ཡོད།
སྤྱི་ཁྱབ་ཧྲུའུ་ཅི་ཞིས་ཅིན་ཕིང་གིས་ད་ལོའི་ལས་དོན་ལེགས་པོར་བསྒྲུབ་པ་ལ་ཕྱོགས་ལྔ་དམ་འཛིན་བྱེད་དགོས་པ་སྟེ། ཏང་གི་སྲོལ་ཡིག་ལ་གོང་བཀུར་བྱས་ཏེ། རྩ་དོན་དང་སྲོལ་ཡིག་ལག་བསྟར་ནན་མོ་བྱེད་དགོས། རྒྱུན་སྐྱོང་ཡང་ཡང་གིས་སྤྱོད་བཟང་ལས་སྒྲུབ་དར་སྤེལ་མཐའ་འཁྱོལ་བ་བྱེད་དགོས། རུལ་སུངས་བྱེད་མི་ཐུབ་པ་དང་། རུལ་སུངས་ཀྱི་སྣང་ཚུལ་བྱུང་འཕེལ་ལ་མཐའ་གཅིག་ཏུ་བཀག་འགོག་བྱེད་དགོས། ཕྱོགས་ཡོངས་ནས་ཏང་ནན་སྐྱོང་དེ་གཞི་རིམ་དུ་སྤེལ་བར་སྐུལ་འདེད་གཏོང་དགོས་པ། རྩ་ལག་མཉམ་བཅོས་ཀྱིས་ཆབ་སྲིད་ཀྱི་འབྱུང་ཁམས་དག་ཐེར་བྱེད་དགོས་པ་བཅས་རེད། ཀྲུང་དབྱང་ཏང་གི་སློབ་གྲྭའི་དགེ་རྒན་ཆེན་མོ་ཤིན་མེན་ལྟར་ན། གནས་བབ་སྔར་ལས་ཛ་དྲག་ཅིང་རྙོག་འཛིང་ལྡན་པའི་དུས་ལ་རུལ་རྒོལ་གཙང་སྐྱོང་དེ་ལྷག་ཏུ་མ་ལག་ལས་གཞི་ཞིག་ཏུ་བརྩིས་ཏེ་དམ་འཛིན་བྱེད་དགོས་པ་སྟེ། ཏང་གི་སྲོལ་ཡིག་དང་ཏང་གི་སྒྲིག་ཁྲིམས་སྒྲིག་སྲོལ་བཅས་བརྩི་སྲུང་བྱེད་པ་རྩ་བར་འཛིན་པའི་ཞོར་ལ་ལས་སྒྲུབ་སྤྱོད་བཟང་དར་སྤེལ་གྱི་སེམས་ཤུགས་བརྟན་པོ་དམ་འཛིན་དགོས་པ་དང་། རུལ་སུངས་མི་ཐུབ་པ་དང་། རུལ་སུངས་ཀྱི་སེམས་བྱུང་དམ་དུ་གཅོད་དགོས་པ། ཏང་ནན་སྐྱོང་གཞི་རིམ་དུ་ཁྱབ་པ་དང་ཆབས་ཅིག ཆབ་སྲིད་ཐོག་དྭངས་གཙང་དྲི་བྲལ་གྱི་ཁ་དབུགས་ཤིག་བསྐྲུན་དགོས་པ་བཅས་ནན་གྱིས་བསྟན་ཡོད་ཟེར།
ཆེད་མཁས་པ་རྣམས་ཀྱིས། དུས་རིམ་སྔོན་མར་ལེགས་འགྲུབ་བྱུང་བའི་ལག་ལེན་གྱི་རྨང་གཞིའི་ཐོག ཕྱོགས་འདི་ལྔའི་བླང་བྱར་རྒྱུད་འཛིན་དང་རྒྱ་བསྐྱེད། སྲ་བརྟན་དང་གཏིང་ཟབ་ཀྱི་ཁྱད་ཆོས་ལྡན་ཟེར། བླང་བྱ་དེ་དག་གིས་ཏང་གི་སྐབས་བཅོ་བརྒྱད་པའི་ཚོགས་ཆེན་འཚོགས་ཚུན་ལ་ཕྱོགས་ཡོངས་ནས་ཏང་ནན་སྐྱོང་གི་རིག་ལམ་ཧྲིལ་བོ་མཚོན་ཡོད་པ་མ་ཟད། ད་ལྟའི་གནས་བབ་ཀྱི་དམིགས་འབེན་རང་བཞིན་ཡང་ཇེ་དྲག་ཏུ་བཏང་ཡོད། མདོར་བསྡུས་ན་ལེགས་འགྲུབ་བྱུང་ཟིན་པའི་གྲུབ་འབྲས་ངེས་པར་དུ་རྒྱུན་འཁྱོངས་བྱས་ཏེ་ས་ཆ་སོར་གང་ཡང་མི་གློད་པ་བྱ་རྒྱུ་སྟེ། སྔར་ཡོད་ཀྱི་ལམ་ལུགས་གསར་གཏོད་བྱས་པའི་གྲུབ་འབྲས་ལ་ངེས་པར་དུ་མགྱོགས་པོར་དོན་འཁྱོལ་དང་། གསལ་འབེབས་བྱས་ཟིན་པའི་འོས་འགན་གལ་ཆེན་ལ་ངེས་པར་ཤུགས་བསྣན་ནས་དོན་ཐོག་ཏུ་འཁྱོལ་དགོས་པ་དེ་རེད་ཅེས་ཀོ་པའོ་ནས་བརྗོད་བྱུང་།
སྒྲིག་ལམ་འཛུགས་སྐྲུན་དེ་གོ་གནས་མངོན་གསལ་དུ་འཇོག་དགོས་པ།
ཕྱོགས་ཡོངས་ནས་ཏང་ནན་སྐྱོང་བྱ་བ་ནམ་ཡང་རྒྱུན་མི་ཆད། སྤྱི་ཁྱབ་ཧྲུའུ་ཅི་ཞིས་ཅིན་ཕིང་གིས་གསུང་བཤད་ནང་སྒྲིག་ལམ་འཛུགས་སྐྲུན་དེ་མངོན་པར་གསལ་བའི་གོ་གནས་སུ་འཇོག་དགོས་ཞེས་བསྟན། དེར་ཆེད་མཁས་པས། སྒྲིག་ལམ་འཛུགས་པ་རྩ་བཅོས་ཐབས་ཇུས་ཏུ་བཟུང་སྟེ། ཏང་ཡོངས་ཀྱི་སྒྲིག་ལམ་འདུ་ཤེས་མུ་མཐུད་ཇེ་དྲག་ཏུ་གཏོང་བ་དེ་ཕྱོགས་ཡོངས་ནས་ཏང་ནན་སྐྱོང་གི་བརྗོད་གཞི་མངོན་གསལ་ཞིག་ཏུ་གྱུར་ཡོད་པས། ཀྲུང་གོ་གུང་ཁྲན་ཏང་མིས་ཕྱོགས་ཡོངས་ནས་ཏང་ནན་སྐྱོང་བྱེད་པའི་ཆོས་ཉིད་ལ་ངེས་ཤེས་སྔར་བས་གཏིང་ཟབ་བསྐྱེད་པ་མཚོན་ཡོད།
ཀོ་པའོ་ནས་ཀྲུང་དབྱང་གིས་སྒྲིག་ལམ་དང་པོར་བཟུང་ནས་ནན་གྱིས་བསྟན་དོན་ནི་སྒྲིག་ལམ་གྱི་སྲུང་སྐྱོང་གི་ཚད་ཐིག་བཟོ་ཕྱིར་ཡིན། དེ་ལྟར་བྱས་ན་ད་གཟོད་སྔ་མོ་དང་ཆུང་ངུ་ནས་དམ་འཛིན་གྱིས་རུལ་སུངས་ཇེ་མང་དུ་འགྲོ་བར་བཀག་འགོག་བྱེད་ཐུབ་ཟེར།
ཤིན་མེན་གྱིས། སྒྲིག་ལམ་ཇེ་དམ་དུ་བཏང་བ་ནི་ཕྱོགས་ཡོངས་ནས་ཏང་ནན་སྐྱོང་གི་རྨང་གཞིའི་ལས་ཀ་ཡིན་ཞིང་། སྒྲིག་ལམ་དང་པོར་བཞག་པ་ནི་སྒྲིག་ལམ་ལ་བརྟེན་ནས་གནད་དོན་བྱུང་འཕེལ་ཐག་གཅོད་བྱ་ཆེད་ཡིན་པ་སྟེ། གནད་དོན་མ་བྱུང་གོང་རྩད་ལ་ཐག་བཅད་དེ། རུལ་རྒོལ་ལས་ཀའི་གནོན་ཤུགས་ཇེ་ཡངས་དང་། ཕྱོགས་ཡོངས་ནས་ཏང་ནན་སྐྱོང་གི་བྱ་བ་དེ་རྒྱུན་ལྡན་དུ་འགྱུར་ཐུབ་ཟེར།
དབང་འཛིན་དང་པོར་ལྟ་སྐུལ་བྱེད་པའི་དཀའ་གནད་ཐག་གཅོད་པ།
ལྟ་སྐུལ་ལམ་ལུགས་འཐུས་ཚང་དང་། ལྟ་སྐུལ་མ་ལག་གི་ཚད་མཐོའི་ཇུས་འགོད་ལེགས་པོ་བསྒྲུབ་པ། སྐོར་ཞིབ་ལྟ་སྐུལ་ཇེ་དྲག་བཏང་སྟེ་སྐོར་ཞིབ་གཏིང་ཟབ་བྱེད་པར་ཡར་སྐུལ་བྱེད་པ། ཡོ་བསྲང་དང་རང་རྟོགས་ཡོ་བསྲང་གི་ཐབས་མཆོག་ལེགས་པར་སྤྱོད་པ། གནད་ཆེ་གྲངས་ཉུང་དམ་འཛིན་བྱེད་པ། དབང་འཛིན་དང་པོར་ལྟ་སྐུལ་བྱེད་པའི་དཀའ་གནད་སེལ་ཐབས་ལ་སོགས་ཏང་ནང་ཁུལ་གྱི་ལྟ་སྐུལ་དོན་ཐོག་ཏུ་འཁྱོལ་བ་དང་། ཕན་འབྲས་ཐོབ་པར་ཁག་ཐེག་དགོས་པ་ཞིས་ཅིན་ཕིང་ནས་ནན་གྱིས་བསྟན་བྱུང་། དེར་ཆེད་མཁས་པས། བླང་བྱ་དང་བྱེད་ཐབས་དེ་དག་ནི་ཏང་ཀྲུང་དབྱང་གིས་ད་ལྟའི་ཏང་ནང་ཁུལ་གྱི་ལྟ་སྐུལ་ཉམས་ཆུང་བའི་གནས་དོན་ལ་དམིགས་ནས་བྱེད་ཐབས་བཏོན་པ་ཞིག་རེད། ཀོ་པའོ་ནས། དབང་འཛིན་དང་པོར་ལྟ་སྐུལ་མ་ཐུབ་ཚེ་གནད་དོན་ཆེན་པོ་གཟེངས་སུ་མངོན་ཡོང་བ་མ་ཟད། ཏང་ནང་ཁུལ་གྱི་ལྟ་སྐུལ་ལ་འགལ་བ་ཆེན་པོ་ཡོད་པ་ངང་ངམ་ཤུགས་ཀྱིས་མངོན་ཡོང་བ་རེད་ཟེར།
ཀྲུང་དབྱང་སྒྲིག་བཤེར་ཨུ་ལྷན་གྱི་དྲ་བས་འབྲེལ་ཡོད་གཞི་གྲངས་དག་སྒྲིག་བྱས་པའི་ནང་དུ། ༢༠༡༥ལོར་རྩད་ཞིབ་ཐག་གཅོད་བྱས་པའི་ཁྲོད་དུ་འབྲིང་རིམ་དོ་དམ་ལས་བྱེད་པའི་ཁྲོད་དབང་འཛིན་དང་པོས་བསྡུར་ཚད་ངེས་ཅན་ཟིན་ཡོད་པ་རེད།
