དམངས་ཡོངས་ཀྱི་ལུས་སྦྱོང་སྟེ་ས་མཐོའི་སྤོ་ལོའི་ལུས་རྩལ།

ཟླ3པའི་ཚེས12ཉིན་བོད་རང་སྐྱོང་ལྗོངས་ཕིང་ཕང་སྤོ་ལོ་མཐུན་ཚོགས་ཀྱི་ཚོགས་མི། དགུང་གྲངས73སོན་པའི་བགྲེས་པོ་བཀྲ་ཤིས་ཀྱིས་སྤོ་ལོ་རྒྱག་བཞིན་པ།

ཉེ་དུས། བོད་རང་སྐྱོང་ལྗོངས་ཕིང་ཕང་སྤོ་ལོ་མཐུན་ཚོགས་ཀྱིས་ཚོགས་མི་རྩ་འཛུགས་བྱས་ཏེ་དུས་རྒྱུན་སྦྱོང་བརྡར་བྱེད་སྒོ་སྤེལ་བ་རེད། མཐུན་ཚོགས་དེ་ནི2010ལོའི་ཟླ་5བར་བཙུགས་པ་ཡིན་ལ། བཙུགས་མ་ཐག་ཏུ་རང་སྐྱོང་ལྗོངས་ཀྱི་འབྲེལ་ཡོད་སྡེ་ཚན་གྱི་ཚད་མཐོའི་མཐོང་ཆེན་དང་རྒྱབ་སྐྱོར་ཤུགས་ཆེན་གནང་ཡོད་ཅིང་། མིག་སྔར་དེ་ཉིད་ནི་མཐོ་སྒང་དུ་ཆེས་དགའ་བསུ་ཐོབ་པའི་ལུས་སྦྱོང་ལུས་རྩལ་རྣམ་གྲངས་ཀྱི་གྲས་ཤིག་ཏུ་ཆགས་ཡོད་པ་རེད།