ལྷོ་ཁོ་རེ་ཡས་སྐབས་ཉི་ཤུ་པའི་རྒྱལ་ཚོགས་ཀྱི་གྲོས་མིའི་འདེམས་བསྐོ་བྱས་པ།

        ཤིན་ཧྭ་གསར་འགྱུར་ཁང་ནས་གནས་ཚུལ་སྤེལ་གསལ། ལྷོ་ཁོ་རེ་ཡའི་སྐབས་20པའི་རྒྱལ་ཚོགས་ཀྱི་གྲོས་མིའི་འདེམས་བསྐོ་སྤྱི་ཚེས་13ཉིན་བྱས་ཡོད་པ་དང་། ལྷོ་ཁོ་རེ་ཡའི་སྲིད་ཏང་ཁག་གི་འོས་མི་སྟོང་ཕྲག་ཙམ་གྱིས་གདན་ཐོབ་300ལ་བརྩོན་ལེན་བྱ་རྒྱུ་དང་། སྔོན་དཔག་བྱས་ན་འདེམས་བསྐོའི་མཇུག་འབྲས་དེ་ཉིན་དེ་གའི་གོང་མོའམ་ཡང་ན་སྤྱི་ཚེས་14ཉིན་གྱི་ཐོ་རེངས་སུ་ཁྱབ་བསྒྲགས་བྱ་རྒྱུ་ཡིན་པ་རེད། ས་གནས་དེ་གའི་དུས་ཚོད་སྔ་དྲོའི་ཆུ་ཚོད་དྲུག་པ་ཙམ་ལ། ལྷོ་ཁོ་རེ་ཡའི་རྒྱལ་ཡོངས་ཀྱི་འཕེན་ཤོག་ས་ཚིགས་ཆིག་ཁྲི་གསུམ་སྟོང་ལྷག་ལ་དུས་གཅིག་ཏུ་འདེམས་ཤོག་འཕེན་འགོ་ཚུགས་པ་དང་ཉིན་དེ་གའི་ཆུ་ཚོད་18ཙམ་ལ་མཇུག་འགྲིལ་ཡོད།

        ལྷོ་ཁོ་རེ་ཡའི་རྒྱལ་ཡོངས་ཀྱི་ཐོ་འགོད་འདེམས་དམངས་བྱེ་བ་བཞི་དང་ས་ཡ་གཉིས་དང་ཆིག་འབུམ་ཙམ་ནས་རྒྱལ་ཚོགས་ཀྱི་གྲོས་མི་300བདམས་རྒྱུ་ཡིན་པ་རེད། སྐབས་གོང་མའི་ལྷོ་ཁོ་རེ་ཡའི་རྒྱལ་ཚོགས་ཀྱི་གྲོས་མིའི་འདེམས་བསྐོ་དང་མི་འདྲ་བར། ཐེངས་འདིའི་འདེམས་བསྐོའི་ཐོག སྲིད་དབང་འཛིན་མཁན་རྒྱལ་ཁབ་ཏང་གསར་པས་སྲིད་དབང་མི་འཛིན་མཁན་གྱི་ཐུན་མོང་དམངས་གཙོ་ཏང་དང་གོ་མིང་ཀྲི་ཏང་སོགས་སྲིད་དབང་མི་འཛིན་མཁན་ཏང་མང་པོ་དང་འགྲན་བསྡུར་བྱེད་པའི་རྣམ་པ་ཐོན་ཡོད་པ་རེད།