ཟླ 4པའི་ཚེས11ཉིན། མཚོ་སྔོན་ཡུལ་སྐོར་མ་འཇོག་ཚོགས་པ་ཀུང་སི་ཟི་ལིང་དུ་བཙུགས། ཉིན་དེར་ཚོགས་པ་དེས་ཡུལ་སྐོར་མ་དངུལ་སྡུད་སྒྲིལ་ལས་གཞི་སྐོར་ཞིག་ལ་གན་རྒྱ་བཞག རང་མོས་སྒོས་དངུལ་བཏང་ཚད་སྒོར་དུང་ཕྱུར170ལ་སླེབས། ཧྲིན་ཀྲང་གཞོན་པ་ཧན་ཅན་ཧྭ་ཡིས་ཤིས་ཚིག་བསྐུར་ཞིང་། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་མཱ་ཀྲི་ཝེ་མཛད་སྒོར་ཞུགས།
མཚོ་སྔོན་ཡུལ་སྐོར་མ་འཇོག་ཚོགས་པ་ཚད་ཡོད་ཀུང་སི་ནི་མཚོ་སྔོན་ཞིང་ཆེན་སྲིད་གཞུང་གིས་ཆོག་མཆན་གནང་ཞིང་། མཚོ་སྔོན་ཞིང་ཆེན་ཡུལ་སྐོར་ཅུས་ཀྱིས་ལྟ་སྐུལ་དོ་དམ་གྱིས་འགན་འཁྲི་དང་དུ་བླངས་པ་དང་། དམངས་གཉེར་མ་རྩ་དང་མཉམ་འབྲེལ་གྱིས་བཙུགས་པའི་རྒྱལ་དབང་མ་རྐང་ཚོད་འཛིན་ཁེ་ལས་ཤིག་ཡིན། གཙོ་བོ་མཚོ་སྔོན་ཞིང་ཆེན་གྱི་ཡུལ་སྐོར་དང་འབྲེལ་ཡོད་ཐོན་ལས་ཀྱི་རྒྱལ་དབང་ཐོན་ཁུངས་བཀོད་སྒྲིག་ལེགས་པོ་བྱེད་པ་དང་། གསར་སྦོལ་རྒྱ་བསྐྱེད་པ། ཚོང་རྟགས་གྲགས་ཅན་བསྐྲུན་པ། ཚོང་རའི་འགྲེམ་ཚོང་སོགས་འགན་ནུས་འགན་དུ་ལེན་པ་རེད། ཤུགས་ཆེན་པོས་འགྲོ་འདུག་ཉལ་འཆག་དང་ཡུལ་སྐོར། ཉོ་ཚོང་། རོལ་རྩེད་སོགས་སྲོལ་རྒྱུན་རྒྱུ་ཆ་དང་། ཚོང་ལས་དང་ཁམས་གསོ། སློབ་སྦྱོང་སོགས་གསར་དར་རྒྱུ་ཆ་རྒྱ་བསྐྱེད་དེ། ཕྱོགས་ཡོངས་ནས་ལྗོངས་ཁུལ་དང་མགྲོན་ཁང་། འགྲིམ་འགྲུལ། གནས་སྐོར་ཁང་སོགས་ལས་གཉེར་གཞན་དག་ཁེབས་སུ་འཇུག་པ་རེད།
མཚོ་སྔོན་གྱི་ཡུལ་སྐོར་མ་འཇོག་ཚོགས་པ་དབུ་བརྙེས་རྗེས་། སྣོད་བཅུད་ལ་བརྟེན་ནས་ཞིང་ཆེན་སྐྱོང་བའི་འཐབ་ཇུས་དང་ཞབས་ཞུ་རྒྱུན་འཁྱོངས་བྱེད་པ་དང་།“མཛེས་སྡུག་ལྡན་པའི་མཚོ་སྔོན་བསྐྲུན་གང་ཐུབ་བྱས་ཐོག་ཡུལ་སྐོར་གྲགས་ཅན་ཞིང་ཆེན་འཛུགས་པའི”སྤྱིའི་དམིགས་ཚད་འགན་འཁྲིར་བརྩིས་ནས། ལྟེ་གནད་ལ་དམིགས་པ་དང་ཁྱོན་ཡོངས་ལ་ཞབས་ཞུ་བྱེད་པ་དང་།“སྐོར་གཅིག་ལམ་གསུམ་ཁྱམས་གསུམ་ལེབ་གསུམ”ཀྱི་འཕེལ་རྒྱས་རྣམ་པ་ལྟར། ཡུལ་སྐོར་ལ་བརྟེན་ནས་མཁོ་སྤྲོད་ཕྱོགས་ཀྱི་བཅོས་བསྒྱུར་སྲོག་ཤིང་དང་།“ཡུལ་སྐོར་དང་དངུལ་རྩ”འཕེལ་རྒྱས་ཀྱི་བགྲོད་ལམ་གསར་པ་འཚོལ་ཞིབ་བྱས་ཏེ། ཡུལ་སྐོར་གྱི་མ་རྩའི་འཁོར་སྐྱོད་ལ་སྐུལ་སྤེལ་གཏོང་བ་དང་། ཡུལ་སྐོར་མ་འཇོག་དང་མ་དངུལ་བསྡུ་སྒྲིལ་གྱི་གཞི་ཁྱོན་རྒྱ་བསྐྱེད་དེ། སྣོད་བཅུད་སྲུང་སྐྱོང་སྔོན་དུ་སྐྱོད་པའི་ལྗང་མདོག་འཕེལ་རྒྱས་ཅན་གྱི་ཁེ་ལས་ཤིག་ཏུ་གཏོང་བ་དང་། མི་རིགས་མཐུན་སྒྲིལ་ཡར་ཐོན་ཡོང་བ་དང་གནད་འཁེལ་དབུལ་སྐྱོར་ལག་ཏུ་བསྟར་བའི་ཡུལ་སྐོར་དམངས་འཚོ་ཅན་གྱི་ཁེ་ལས་སུ་སྐུལ་སྤེལ་གཏོང་བ། འཁོར་སྐྱོད་དཔལ་འབྱོར་དཔེ་སྟོན་ཁུལ་འཛུགས་སྐྲུན་གྱི་ཞིབ་ལས་ཅན་གྱི་ཁེ་ལས་སུ་སྐུལ་འདེད་གཏོང་བ། གྲོང་རྡལ་ཅན་གསར་པ་འཛུགས་སྐྲུན་དང་། ཡུལ་སྐོར་གྱི་ཁྱད་ལྡན་མཛེས་ལྗོངས་ཀྱི་གྲགས་ཅན་གྲོང་རྡལ་གྱི་ཚོང་རྟགས་ཕན་འབྲས་ཅན་གྱི་ཁེ་ལས་འཛུགས་པར་སྐུལ་འདེད་གཏོང་དགོས།
མཚོ་སྔོན་མ་འཇོག་ཚོགས་པས་མཚོ་སྔོན་ཞིང་ཆེན་གྱི་ཡུལ་སྐོར་ཐོན་ཁུངས་བསྡུ་སྒྲིལ་སྐྱེད་སྲིང་སྟེགས་བུ་ཤིག་བསྐྲུན་པ་དང་། སྲིད་གཞུང་དང་ཚོང་ར། རྒྱལ་གཉེར་ཁེ་ལས་དང་སྒེར་གཉེར་ཁེ་ལས། རང་ས་ཆ་དང་ས་ཆ་གཞན་གྱི་བར་དུ་འབྲེལ་མཐུད་སྤེལ་རེས་དང་། མ་རྐང་གི་དབང་ཆ་བརྗེ་འཚོང་། ཟླ་སྒྲིལ་བཏང་ནས་འཛུགས་པ་སོགས་ཀྱི་བྱ་ཐབས་སྣ་ཚོགས་སྤྱད་དེ་ཡུལ་སྐོར་གྱི་ཐོན་ཁུངས་སྐྱེད་སྲིང་དང་སྒྲིལ་སྤྱོད་བྱེད་པ། མ་དངུལ་བསྡུ་སྒྲིལ་གྱི་སྟེགས་བུ་བསྐྲུན་པ་དང་། ཡུལ་སྐོར་འདྲེན་རྟེན་ཡིན་པའི་ཐོན་ལས་མཉམ་འགུལ་འཕེལ་རྒྱས་ཀྱི་ནང་རྐྱེན་བཙུགས་ཏེ། ཐོན་ཁུངས་རྒྱུ་ནོར་དུ་བསྒྱུར་པ་དང་། རྒྱུ་ནོར་མ་རྩར་བསྒྱུར་པ། མ་རྩ་ལག་དངུལ་དུ་བསྒྱུར་པ་མངོན་འགྱུར་བྱ་དགོས། ཡུལ་སྐོར་ལ་ཐོན་ལས་ལ་བརྟེན་ནས་ཐེབས་རྩ་འཛུགས་པ་དང་། ཡུལ་སྐོར་རྒྱུ་ནོར་དངུལ་འཛིན་ཅན་དུ་སྒྱུར་པ་བརྒྱུད། BOTདངPPPམ་དངུལ་བསྡུ་སྒྲིལ། ཚོང་རར་འདོན་རྒྱུའི་མ་དངུལ་གྲབས་གསོག་སོགས་ཀྱི་བྱ་ཐབས་སྤྱད་དེ། ཡུལ་སྐོར་གྱི་མ་རྩ་སྤེལ་བའི་ལས་སྟེགས་བསྐྲུན་དགོས།
ཉིན་དེར། མཚོ་སྔོན་གྱི་ཡུལ་སྐོར་མ་འཇོག་ཚོགས་པ་ཀུང་སིས་སོ་སོར་ཀྲུང་གོ་ལྕགས་ལམ་ཅུས་བཅུ་བདུན་པའི་ཚོགས་པ་ཚད་ཡོད་ཀུང་སི། ཧེ་ཡན་རྫོང་སྲིད་གཞུང་། མཚོ་སྔོན་ཝན་ཡོན་ས་ཁང་གསར་སྤེལ་ཚད་ཡོད་ཀུང་སི། ཁྲི་ཀ་རྫོང་ཡུལ་སྐོར་གསར་སྤེལ་དོ་དམ་ཨུ་ཡོན་ལྷན་ཁང་། མཚོ་སྔོན་ཐན་ཏེ་རིན་ཡོན་རིག་གནས་ཡུལ་སྐོར་འཕེལ་རྒྱས་ཚད་ཡོད་ཀུང་སི། ཞོན་ཧྭ་རྫོང་སྲིད་གཞུང་། ཞོན་ཧྭ་རྫོང་ཐན་ཡུས་ཡུལ་སྐོར་གསར་སྤེལ་ཚད་ཡོད་ཀུང་སི་བཅས་དང་གསར་སྤེལ་རྣམ་གྲངས་གྲོས་མཐུན་ལ་མིང་རྟགས་བཀོད་ཅིང་། རྒྱལ་ཁབ་གསར་སྤེལ་མཚོ་སྔོན་ཞིང་ཆེན་ཡན་ལག་དངུལ་ཁང་དང་ཀྲུང་གོ་བཟོ་ཚོང་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་། ཀྲུང་གོ་ཞིང་ལས་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་། ཀྲུང་གོ་དངུལ་ཁང་མཚོ་སྔོན་ཞིང་ཆེན་ཡན་ལག་དངུལ་ཁང་། ཀོང་ཏཱ་དངུལ་འཛིན་མ་རྐང་ཚད་ཡོད་ཀུང་སི་སོགས་དངུལ་རྩའི་སྒྲིག་གཞི11བར་འཐབ་ཇུས་མཉམ་ལས་ཀྱི་གྲོས་མཐུན་བཞག་ནས་མ་འཇོག་དང་མ་དངུལ་མཉམ་བསྲེས་དང་འདོད་འདུན་ཡོད་པའི་མ་དངུལ་སྒོར་དུང་ཕྱུར170སྤྲད། གཙོ་བོ་མཚོ་སྔོན་ཞིང་ཆེན་གསེར་དངུལ་ཐང་གི་རྡུལ་ཕྲན་གྲོང་དང་། ཁྲི་ཀའི་ཆུ་འཁོལ་ནང་གྲོང་རྡལ་ཆུང་བ། སྟོང་རི་གཡུ་མཚོ་སོགས་གཙོ་གནད་ཡུལ་སྐོར་རྣམ་གྲངས་གསར་སྤེལ་བྱེད་པར་སྤྱོད་དགོས།
