ལྷ་སའི་ལག་རྩལ་གསར་སྤེལ་ཁུལ་གསར་བཏོད་འཕེལ་རྒྱས་ཀྱི་སྒུལ་ཤུགས་གསར་བར་གྱུར་བ།

པར་ནི་གསར་སྤེལ་ཁུལ་དུ་ཡོད་པའི་ལྷ་སའི་མཁན་པ་དཀར་པོ་འཕྲོད་རྟེན་ཡོ་བྱད་ཚད་ཡོད་ཀུང་སིའི་ཐོན་སྐྱེད་ལས་སྟེགས་རེད།

ཉེ་བའི་ལོ་འགའི་རིང་ལ་ལྷ་སའི་དཔལ་འབྱོར་ལག་རྩལ་གསར་བཏོད་ཁུལ་གྱིས་གསར་བཏོད་ཀྱི་སྒུལ་ཤུགས་དམ་པོར་བཟུང་ཞིང་། བཟོ་ལས་དཔལ་འབྱོར་རྟེན་གཞི་བྱས་ནས་ཐོན་ལས་རྟེན་གཞིས་སྣེ་ཁྲིད་ནུས་པ་འབུར་དུ་ཐོན་པ་དང་། ཁྱད་ལྡན་ཐོན་ལས་ཀྱིས་གསར་བཏོད་ལ་སྣེ་འཁྲིད་པ། ཚོགས་པའི་གཞི་རྒྱ་ཡི་ཕན་འབྲས་མངོན་པར་གསལ་བ། དཔལ་འབྱོར་བྱས་རྗེས་བརྟན་མོར་འཕར་བ་བཅས་ཀྱི་དངོས་གཉེར་ཁེ་ལས་ཀྱི་མཐོ་ས་ཞིག་བསྐྲུན་པས། ཀུན་གྱིས་ལས་བཏོད་དང་ཚང་མས་གསར་བཏོད་ཀྱི་མིག་དཔེའི་ཁུལ་དང་ལྗོངས་ཡོངས་ཀྱི་དཔལ་འབྱོར་རྣམ་པ་སྒྱུར་བ་དང་རིམ་པ་སྤར་བ། གསར་བཏོད་འཕེལ་རྒྱས་བཅས་ཀྱི་སྒུལ་ཤུགས་གསར་བ་ཞིག་ཆགས་ཡོད། སྤྱི་ལོ2015ལོར་རྒྱལ་དམངས་ཐོན་སྐྱེད་སྡོམ་འབོར་སྒོར་དུང་ཕྱུར56.75འགྲུབ་ཡོད་པ་དང་། ནོར་སྲིད་ཡོང་སྒོ་སྒོར་དུང་ཕྱུར18.66ཐོབ་ཡོད་ལ། བརྟན་འཇགས་རྒྱུ་ནོར་གྱི་མ་རྩ་གསར་བ་སྒོར་དུང་ཕྱུར23.25འཕར་སྣོན་བྱུང་ཡོད།