“མཚོ་བོད་ལྕགས་ལམ་ནི་ངའི་འབྱོར་འབྲིང་གི་ལམ་བུ་ཡིན”

        བོད་ལྗོངས་ལྷ་ས་གྲོང་ཁྱེར་འདམ་གཞུང་རྫོང་ཀོང་ཐང་ཤང་གྲོང་དཀར་གྲོང་ཚོའི་ཡུལ་མི་ཚེ་བརྟན་རྡོ་རྗེ་ནི་བོད་ལྗོངས་འཁྱགས་རོམ་གཏེར་ཆུ་ཚད་ཡོད་ཀུང་སིའི་ལས་བཟོ་དཀྱུས་མ་ཞིག་ཡིན། ཀུང་སི་དེ་འདམ་གཞུང་རྫོང་གི་མེ་འཁོར་བབས་ཚུགས་དང་བར་ཐག་སྤྱི་ལེ་བཅུ་ལྷག་ཙམ་ལས་མེད་པས་སྟབས་བདེ་བའི་ལྕགས་ལམ་ཟོག་འདྲེན་གྱིས་ཀུང་སིར་འཕེལ་རྒྱས་ཀྱི་སྒུལ་ཤུགས་བསྣན་ཡོད། ཚེ་བརྟན་རྡོ་རྗེ་ནི་ཁ་ལོ་བ་ཞིག་ཡིན་ལ་གཏེར་ཆུ་དབོར་འདྲེན་གྱི་བཟོ་པ་ཞིག་ཀྱང་ཡིན་པ་དང་། ཟླ་རེའི་གླ་ཆ་སྒོར་4000ལྷག་ཙམ་ཡོད་པ་དེ་གྲོང་ཁྱེར་དང་ཐག་རིང་བའི་གྲོང་ཚོ་དེའི་ནང་ནང་མི་ཡོངས་ཀྱི་འཚོ་བའི་འགྲོ་གྲོན་འདང་ངེས་ཤིག་ཡོད། མཚོ་བོད་ལྕགས་ལམ་གྱི་ཁྱབ་འགྱེད་ནུས་པར་བརྟེན་ནས་ཉེ་ཁུལ་གྱི་ཡུལ་མི་མང་པོ་ཚེ་བརྟན་རྡོ་རྗེ་ལྟར་འབྱོར་འབྲིང་གི་ལམ་བུར་བསྐྱོད་ཅིང་། འདི་ནི་ཟླ་5ཚེས་19ཉིན་བོད་ལྗོངས་འཁྱགས་རོམ་གཏེར་ཆུ་ཚད་ཡོད་ཀུང་སིའི་ལས་བཟོ་ཚེ་བརྟན་རྡོ་རྗེས་རླངས་འཁོར་ནང་གཏེར་ཆུ་དབོར་བའི་གནས་ཚུལ་ཡིན་པ།