སྨི ༢༠༦ ཡོད་པའི་བོད་ཡིག་ཡིག་གཟུགས་ཤོག་དྲིལ་རིང་མོ་ཕོ་བྲང་པོ་ཏ་ལ་རུ་བཀྲམས།

　　ཟླ ༡༢ པའི་ཚེས ༢༤ ཉིན། ལས་བྱེད་མི་སྣས་ཤོག་དྲིལ་རིང་མོ་འགྲེམ་བཞིན་པ།

　　ཟླ ༡༢ པའི་ཚེས ༢༤ ཉིན། རིང་ཚད་ལ་སྨི ༢༠༦ དང་མཐོ་ཚད་ལ་སྨི ༠.༨ ཡོད་པའི་བོད་ཡིག་ཡིག་གཟུགས་ཤོག་དྲིལ་རིང་མོ་དེ་ཕོ་བྲང་པོ་ཏ་ལ་རུ་བཀྲམ་ཞིང་། དེ་ནི་བོད་ལྗོངས་ཀྱི་ཡིག་མཁན་ཉན་ཤུལ་རྡོ་རྗེ་དོན་གྲུབ་དང་དགེ་མིང་འཇམ་དཔལ་གཉིས་ཀྱིས་ལོ་བཞིའི་རིང་ལ་བརྩམས། དེའི་ཁྲོད་ཞང་ཞུང་ཡི་གེ་དང་། དབུ་ཅན། དབུ་མེད་སོགས་བོད་ཡིག་ཡིག་གཟུགས་རིགས ༡༡༧ བྲིས་པར་བརྒྱུད་ནས་བོད་ཡིག་ཡིག་གཟུགས་ཀྱི་འཕེལ་རིམ་སོགས་བཀོད་པ་དང་། དེ་ལས་གཞན་བོད་ལྗོངས་ཀྱི་ལྷ་རིས་པ་གྲགས་ཅན་དང་ཀརྨ་སྒར་བྲིས་ཀྱི་རྒྱུད་འཛིན་པ་བསྟན་དགའ་ལགས་ཀྱིས་བྲིས་པའི་བོད་ཀྱི་ཡིག་མཁན ༣༢ ཀྱི་སྐུ་བརྙན་ཡང་བཀྲམ་པ་རེད།(རྩོམ་འགན་པ། རྟ་མགྲིན)