ཧོ་ལན་མཱ་སི་ཐུ་རེ་ཆིར་སློབ་ཆེན་གྱི་ལུས་ཁམས་སློབ་དཔོན་ཆེ་མོMark Postཡིས་ཟླ༡༨ཀྱི་སྔོན་དུ་མིས་བཟོས་ཤ་ཐོག་མ་བྱུང་པར་བདེན་དཔང་བྱས།
ཨོ་སི་ཁྲུ་ལི་ཡའི་ཏར་ཝུན་གྲོང་ཁྱེར་དུ་ཨོ་བྱང་ས་ཁུལ་འབྲོག་པའི་མཐུན་ཚོགས་ཀྱི་ལོ་འཁོར་ཚོགས་འདུའི་སྟེང་། དགེ་རྒན་ཆེ་མོPosཡིས་ལོ་ངོ་བཅུའི་གཡས་གཡོན་དུ་མིས་བཟོས་ཚགས་ཤས་སྲོལ་རྒྱུན་ཚགས་ཤར་འགྲན་རྩོད་ཀྱི་སྟོབས་ཤུགས་ལྡན་པར་འགྱུར་ངེས་ཞེས་ལུང་བསྟན།
ཤིན་ལང་ཚན་རྩལ་གྱིས་ཟླ༤པའི་ཚེས༢བཀོད་པའི་འཕྲིན་ལྟར་ན། ཡུལ་ཕྱིའི་གསར་ལམ་ཁག་ཏུ་བཀོད་དོན། ཧོ་ལན་མྰ་སི་ཐུ་རེ་ཆིར་སློབ་ཆེན་གྱི་ལུས་ཁམས་སློབ་དཔོན་ཆེ་མོMark Postཡིས། ལོ་ངོ་བཅུའི་ནང་དུ། མིས་བཟོས་ཚགས་ཤར་རང་བྱུང་ཚགས་ཤ་ལྟ་བུའི་རོ་བཅུད་ལྡན་པ་མ་ཟད། ཕྱོགས་གཞན་ནས་ཀྱང་རང་བྱུང་ཚགས་ཤ་ལས་མཆོག་ཏུ་གྱུར་ཞིང་། དེང་སྐབས་ཚགས་ཤ་ཐོན་སྐྱེད་ལས་ཐོན་པའི་ཁོར་ཡུག་དང་སྲོག་ཆགས་སྲུང་སྐྱོབ་ཀྱི་གནད་དོན་ཐག་གཅོད་བྱེད་ཐུབ་པར་འདོད། ཟླ༡༨གྱི་སྔོན་དུ། ཁོས་ཚགས་ཤའི་ཕྲ་ཕུང་སྐམ་པོས་བཟོས་པའི་མིས་བཟོས་ཤ་སྐམ་ཐོན་པར་དངོས་སུ་བདེན་དཔང་བྱས།
དགེ་རྒན་ཆེན་མོPostཡིས་ཚགས་ཤ་ཐོན་སྐྱེད་ཐད། འཕེལ་རྒྱས་འབྱུང་སྒང་གི་ཨེ་ཤ་ཡའི་མ་རྩ་འབྲིང་སོན་གྲལ་རིམ་ལྟ་བུར་ཇི་ལྟར་རྒྱུན་མཐུད་ཅིང་ཕན་ནུས་ཆེ་བའི་སྒོ་ནས་མིའི་རིགས་ཡོངས་ལ་མཁོ་འདོན་གནང་པ་སོགས་དཀའ་ངལ་མི་ཉུང་པ་འཕྲད་སྲིད་ཟེར། སྡོམ་རྩིས་ལྟར་ན། ༢༠༣༠ལོར་སླེབས་དུས། ཨེ་ཤ་ཡའི་མ་རྩ་འབྲིང་སོན་གྲལ་རིམ་གྱི་ཡོང་འབབ་སྒོར་དུང་ཕྱུར༣༢ལ་སླེབས་ཐུབ་པ་དང་། ༢༠༥༠ལོར་སླེབས་དུས། ཨེ་ཤ་ཡའི་ཤ་རིགས་འཛད་སྤྱོད་ཀྱང་ལྡབ་འགྱུར་གྱིས་ཡར་འཕར་རྒྱུ་རེད།
གཟའ་འཁོར་སྔོན་མའི་གཟའ་པ་སངས་ཉིན་ཨོ་སི་ཁྲུ་ལི་ཡའི་ཏར་ཝུན་གྲོང་ཁྱེར་དུ། ཨོ་སི་ཁྲུ་ལི་ཡའི་ཨོ་བྱང་ས་ཁུལ་གྱི་འབྲོག་པའི་མཐུན་ཚོགས་ཀྱི་ལོ་འཁོར་ཚོགས་འདུའི་ཆེད་ཞུའི་མགྲིན་ཚབ་པ་ཡིན་པའི་ཆ་ནས། དགེ་རྒན་ཆེ་མོPostཡིས་གསར་འགོད་པར།“ཚགས་ཤ་ཐོན་སྐྱེད་མཁན་གྱིས་ཀྱང་གནད་དོན་འདི་དག་ལ་ངོས་ཟིན་བྱུང་ཡོད་པ་མ་ཟད། ཁོ་ཚོས་གཞན་སུ་ལས་ཀྱང་གནད་དོན་འདིར་ངོས་འཛིན་ལེགས་པོ་བྱུང་ཡོད་ཅིང་། དེར་ཐག་གཅོད་བྱེད་ཐབས་གཞན་ཡོད་སྲིད་པའང་ཤེས་ཡོད་པ་རེད། དེ་ལྟར་ནའང་། འཛད་སྤྱོད་མཁན་ནི་མིས་བཟོས་ཚགས་ཤའི་ཐག་གཅོད་རང་བཞིན་གྱི་ཐོན་སྤེལ་སྟོབས་ཤུགས་ཡིན་པས། ཚགས་ཤ་ཐོན་སྐྱེད་མཁན་གྱི་གཞོགས་འདེགས་ཀྱིས་ནུས་པ་ཐོན་པ་ཙམ་རེད”ཟེར།
དགེ་རྒན་ཆེ་མོPostཡིས། ཚོང་ར་བཀྲམས་མ་ཐག་ཏུ། མིས་བཟོས་ཚགས་ཤ་ནི་མཐོ་རིམ་ཤ་རིགས་སུ་གྱུར་སྲིད་ལ། དེས་ཁོར་ཡུག་དང་རི་དྭགས་སྲུང་སྐྱོབ་མཁན་དག་གི་ཡིད་ཀྱི་དྭངས་བ་འདྲེན་ནུས་ཞེས་ཁས་ལེན་གནང་བྱུང་། ཁོས། “ཤ་རིགས་འཛད་སྤྱོད་ཀྱི་ལོ་རྒྱུས་དེ་ལས་རིང་པ་དང་། དེ་ལས་ཕུན་སུམ་ཚོགས་པ། དེ་ལས་གཞོན་ཤ་དོད་པའི་འཛད་སྤྱོད་པ་མཁན་ཡོད་པས། རྒྱ་གར་པ་དང་ཀྲུང་གོ་པས་གཞན་སུ་ལས་ཀྱང་མགྱོགས་པའི་ངང་མིས་བཟོས་ཤ་རིགས་དང་ལེན་བྱེད་སྲིད་དེ། རྒྱ་གར་དང་ཀྲུང་གོའི་དཔལ་འབྱོར་ཉེ་བའི་ལོ་བཅུ་ཕྲག་རིང་འཕེལ་རྒྱས་བྱུང་པ་ཡིན་པས། ཤ་རིགས་མང་པོ་འཛད་སྤྱོད་བྱས་པའི་ལོ་རྒྱུས་རིང་པོ་མེད་ལ། ཁོ་ཚོས་རིན་གང་ཤིན་ཏུ་བདེ་བའི་སྲོལ་རྒྱུན་ཤ་རིགས་ཉོ་བར་དགའ”ཞེས་འདོད།
ཚོང་རར་བཀྲམས་མ་ཐག་ཏུ། མིས་བཟོས་ཚགས་ཤ་ནི་མཐོ་རིམ་ཤ་རིགས་སུ་གྱུར་སྲིད་ལ། དེས་ཁོར་ཡུག་དང་རི་དྭགས་སྲུང་སྐྱོབ་མཁན་དག་གི་ཡིད་ཀྱི་དྭངས་བ་འདྲེན་ནུས།
སྤྱིར་བཏང་མིས་བཟོས་ཚགས་ཤའི་བག་ལེབ་ཐོག་མར་ཨོ་སྒོར་ཁྲི༢༥(དམངས་སྒོར་ཁྲི༡༧༠)ཡི་འགྲོ་སོང་ཆེན་པོ་བཏང་ནའང་། ལོ་ངོ་བཅུའི་ནང་དུ། མིས་བཟོས་ཚགས་ཤའི་མ་རྩའི་ཐད་རང་བྱུང་ཚགས་ཤ་དང་འགྲན་རྩོད་འབྱུང་སྲིད་དེ། ཐོག་མར། རང་བྱུང་ཚགས་ཤའི་རིན་གོང་བསྟུད་མར་ཡར་འཕར་སྲིད་པ་དང་། གཉིས་ནས་ཚགས་ཤའི་ཕྲ་ཕུང་སྐམ་པོ་གཅིག་གིས་ཚགས་ཤ་ཏུན༡༠ཐོན་སྐྱེད་བྱེད་ཐུབ་ཅིང་། མིས་བཟོས་ཚགས་ཤ་ཐོན་སྐྱེད་ལ་དགེ་མཚན་ཆེན་པོ་ལྡན་པ། གསུམ་ནས་ཞིང་པས་ཀྱང་ད་སྔའི་ཚགས་ཤ་ཐོན་སྐྱེད་མ་ལག་ལ་བཅོས་སྒྱུར་བྱས་ནས་མིས་བཟོས་ཚགས་ཤ་ཐོན་སྐྱེད་བྱས་ཚེ། མིས་བཟོས་ཚགས་ཤར་ཡང་དེ་སྔ་ཡོད་པའི་ཐོན་ཁུངས་དང་། དངོས་ཟོང་དྲ་བ་སོགས་ཀྱི་བེད་སྤྱོད་བྱེད་ཐུབ།
མིས་བཟོས་ཚགས་ཤས་རང་བྱུང་ཚགས་ཤའི་ཆ་མང་པོ་བེད་སྤྱོད་ཐུབ་ནའང། དགེ་རྒན་ཆེ་མོPostཡིས།“ཐོན་སྐྱེད་བྱེད་སྟངས་མི་འདྲ་བ་གཉིས་དོན་དང་མཐུན་པའི་མཉམ་དུ་གནས་མི་ཐུབ་པར། ཐ་མར་དེ་ལས་གཅིག་རྒྱལ་སྲིད། དེའི་རྒྱུ་མཚན་ནི་གལ་ཏེ་ཚན་རྩལ་གསར་པས་ཐོན་ཁུངས་དང་རི་དྭགས་སྲུང་སྐྱོབ་ཀྱི་རྩོད་རྙོག་དེ་ལས་ཉུང་པ་སྤྱད་ནས་དེ་མཚུངས་ཀྱི་ཐོན་རྫས་ཐོན་སྐྱེད་བྱེད་ཐུབ་ཚེ། འཛད་སྤྱད་པས་ཀྱང་ཐ་མའི་རྒྱལ་ཁ་ལོན་མཁན་དེ་བེད་སྤྱོད་བྱེད་ངེས”ཞེས་འདོད།
མིས་བཟོས་ཚགས་ཤའི་མདུན་ལྗོངས་ཧ་ཅང་ལེགས་པོར་སྣང་ནའང། མིག་སྔར་མིས་བཟོས་ཚགས་ཤར་རོ་བཅུད་ཐད་ཀྱི་གནད་དོན་ཆེན་པོ་འཕྲད་ཡོད་རེད། མིག་སྔའི་ཆ་ནས། མིས་བཟོས་ཚགས་ཤའི་རོ་བཅུད་བློར་འབབ་ཙམ་ལས་བཅུད་ལྡན་ཞེས་པར་ཤིན་ཏུ་ཐག་རིང་། དེ་ལྟར་ནའང་། ཕྱིས་འབྱུང་གི་ཐོན་སྐྱེད་ཁྲོད། ཚན་རིག་པས་མིས་བཟོས་ཚགས་ཤར་ཚིལ་བསྣན་ནས་རོ་བཅུད་ཇེ་མངར་དུ་གཏོང་ངེས་ལ། ཁོ་ཚོས་ཀྱང་ཤ་རིགས་དེ་གཉིས་ངོ་བོའི་སྟེང་གྲུབ་ཚུལ་གཅིག་འདྲ་ཡིན་པས་རོ་བཅུད་ལའང་ཁྱད་པར་ཆེན་པོ་མེད་པར་འདོད་ངེས།(རྩོམ་འགན་པ། རྟ་མགྲིན)
