མཚོ་སྔོན་ཞིང་ཆེན་གྱི་འདུར་རྒྱུག་ལུས་རྩལ་པ་ཆོས་སྐྱིད་སྒྲོལ་མ།
མཚོ་སྔོན་ཞིང་ཆེན་གྱི་འདུར་རྒྱུག་ལུས་རྩལ་པ་ཆོས་སྐྱིད་སྒྲོལ་མ།
ལོ་བཅུ་བདུན་ཅན་གྱི་ཆོས་སྐྱིད་སྒྲོལ་མ་ནི་མགོ་ལོག་བོད་རིགས་རང་སྐྱོང་ཁུལ་རྨ་ཆེན་རྫོང་རྟ་བོ་གྲོང་རྡལ་གྱི་ཡིན་ཞིང་། ༢༠༡༣ལོའི་སྤྱི་ཟླ་དགུ་བར་མཚོ་སྔོན་ཞིང་ཆེན་ལུས་རྩལ་ལས་རིགས་ལག་རྩལ་སློབ་གྲྭ་རུ་དགེ་རྒན་ཡུའུ་ཧུ་ཕིང་གི་འདུར་རྒྱུག་རུ་ཁག་ཏུ་ཞུགས། ཁོ་མོའི་ལྷན་སྐྱེས་ཀྱི་ནུས་རྩལ་དང་ཞུམ་མེད་ཀྱི་ལུས་རྩལ་སྦྱོང་བརྡར་ལ་བརྟེན་ནས་དུས་ཡུན་ཐུང་ངུའི་ནང་རུ་ཁག་ཡོངས་ལས་རྩེར་སོན་པས། ཞིང་ཆེན་ཕྱི་ནང་གི་འདུར་རྒྱུག་འགྲན་སྡུར་དུ་མའི་ཁྲོད་གྲུབ་འབྲས་བཟང་པོ་བླངས།
ད་ལོའི་སྤྱི་ཟླ༢པ་ནས་རྒྱལ་ཁབ་ལུས་རྩལ་སྤྱི་ཁྱབ་ཅུས་མཆོང་རྒྱུག་ལྟེ་གནས་ན་གཞོན་པུའུ་ནས་ཆེད་མངགས་ཀྱིས༢༠༡༥ལོའི་སྤྱི་ཟླ༥བར་ཁ་ཐར་ཏེ་ཧ་ནས་བསྡུས་པའི་ཡ་གླིང་གི་ན་གཞོན་མཆོང་རྒྱུག་སྐྱེས་འབུལ་འགྲན་སྡུར་གྱི་འགྲན་ཞུགས་པར་བདམས།
མིག་སྔར། ཆོས་སྐྱིད་སྒྲོལ་མ་པེ་ཅིན་ཀྲུང་གོའི་དབང་བོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་སྦྱོང་བརྡར་རྟེན་གཞི་རུ། རྒྱལ་ཡོངས་ཀྱི་ཕྱོགས་ཡོང་འགྲན་ཞུགས་པ་དྲུག་ཅུ་ལྷག་དང་མཉམ་དུ་ཉིན་བཅོ་ལྔའི་རིང་ལ་སྦྱོང་བརྡར་བྱས་རྗེས། སྤྱི་ཟླ༥བའི་ཚེས༦ཉིན་ཀྲུང་གོའི་འཐུས་མིའི་ཚབ་བྱས་ཏེ་ཁ་ཐར་ཏེ་ཧའི་ཡ་གླིང་ན་གཞོན་མཆོང་རྒྱུག་སྐྱེས་འབུལ་འགྲན་སྡུར་ལ་ཞུགས་རྒྱུ་རེད།
