ཀུ་ཤུ་སྤྱི་གཉེར་ཁང་ནས་བཙུགས་པའི་རྔ་བའི་ཁྱུང་མཆུའི་གློག་འདོན་ས་ཚིགས།
༢༠༡༤ལོའི་སྤྱི་ཟླ་༩བར། ཨ་རིའི་ཀུ་ཤུ་སྤྱི་གཉེར་ཁང་གིས་སི་ཁྲོན་རྔ་བའི་ཁྱུང་མཆུ་དང་མཛོད་དགེ་གཉིས་སུ་ཉི་ནུས་གློག་འདོན་ས་ཚིགས་གཉིས་འཛུགས་མགོ་བརྩམས་པ་དེ་ད་ཆ་ཡོངས་སུ་གྲུབ་ནས་གློག་འདོན་བཞིན་ཡོད་ཅིང་། གློག་འདོན་ས་ཚིགས་རེ་རེའི་གློག་འདོན་ཤུགས་ནི་སྟོང་ཝ་ས་ཡ་བརྒྱད་ཡིན་པ་སྟེ་དུད་ཁྱིམ་ཁྲི་དྲུག་དང་སྟོང་གཅིག་ལྷག་ཙམ་གྱི་ལོ་གཅིག་རིང་གི་གློག་མཁོ་འདོན་བྱེད་ཐུབ།
རྔ་བའི་ཁྱུང་མཆུ་རྫོང་གི་ཀུ་ཤུའི་གློག་འདོན་ས་ཚིགས་སུ་བོད་རིགས་ཤིག་ལ་འབྲེལ་ཡོད་ལག་རྩལ་སློབ་བཞིན་པའི་རྣམ་པ་སྟེ་གློག་འདོན་ས་ཚིགས་དེས་ས་གནས་དེ་གའི་མི་སེར་ལ་ལས་ཞུགས་གོ་སྐབས་ཀྱང་བསྐྲུན་ཡོད།
གློག་འདོན་ས་ཚིགས་དེ་གཉིས་ནི་ཀུ་ཤུ་སྤྱི་གཉེར་ཁང་ནས་ཨ་རི་ཕུད་པའི་ཕྱིའི་རྒྱལ་ཁབ་ལ་བཙུགས་པའི་ཁོར་སྲུང་གློག་འདོན་ས་ཚིགས་ཐོག་མ་ཡིན་ཞིང་། དེ་འཛུགས་པའི་དམིགས་ཡུལ་ནི་ཐོན་ཁུངས་ལ་གྲོན་ཆུང་དང་ཁོར་ཡུག་ལ་གནོད་སྐྱོན་ཅི་ཡང་མེད་པའི་སྒོ་ནས་ཀུ་ཤུའི་ཚོང་ཁང་ཁག་གིས་བེད་སྤྱོད་གཏོང་བཞིན་པའི་གློག་གིས་སའི་གོ་ལའི་ཐོན་ཁུངས་ཅི་རིགས་ཤིག་ཟད་གྲོན་བྱས་པའི་སྐྱིན་ཚབ་འཇལ་ཆེད་ཡིན་ལ། སྤྱི་གཉེར་ཁང་དེས་རང་གིས་ཟད་གྲོན་བྱས་པའི་ཐོན་ཁུངས་རྣམས་རང་གིས་གསབ་ཅི་ཐུབ་བྱེད་པའི་ཁོར་ཡུག་སྲུང་སྐྱོབ་བྱ་གཞག་ཀྱང་སྤེལ་བཞིན་ཡོད།
རྔ་བའི་མཛོད་དགེ་རྫོང་གྲོ་སྐོར་གྲོང་སྡེ་རུ་ཀུ་ཤུའི་གློག་འདོན་ས་ཚིགས་ཀྱི་བཟོ་བས་ཉི་ནུས་གློག་འདོན་ས་ཚིགས་ཀྱི་སྒྲིག་ཆས་སྒྲིག་བཞིན་པ།
