ཀུ་ཤུ་སྤྱི་གཉེར་ཁང་(Apple Inc., AAPL)གི་གཞུང་ཕྱོགས་དྲ་བར་སྤེལ་བའི་གནས་ཚུལ་ལྟར་ན། ཨ་རིའི་དུས་ཚོད་ཀྱི་སྤྱི་ཟླ་༣ཚེས་༢༢ཉིན། སྤྱི་གཉེར་ཁང་དེས་ཀུ་ཤུ་ཁ་པར་གསར་པ་iPhone SEཞེས་པ་ཞིག་གསར་དུ་བཏོད་ཡོད་ཅིང་། ཁ་པར་དེའི་བརྙན་ཤེལ་དང་པར་ཆས་སོགས་ཀྱི་རྒྱུ་སྤུས་སྔར་ཡོད་ཁ་པར་རྙིང་པ་དག་ལས་ཇེ་བཟང་དུ་བཏང་ཡོད་ན་ཡང་། རིན་གོང་ནི་དེ་ལས་ལྡོག་སྟེ་ཀུ་ཤུའི་ད་ཡོད་ཁ་པར་ཡོངས་ལས་གོང་ཁེ་པོ་དེར་གྱུར་ཡོད་པ་སྟེ། ཁ་པར་དེའི་ཤོང་ཚད་16GBཅན་གྱི་རིན་གོང་ཨ་རིའི་སྒྲོ་ལོ་༣༩༩ཡིན་པ་དེ་ད་ཆའི་ཀུ་ཤུའི་ཁ་པར་ཁེ་ཤོས་ཏེ་རིན་གོང་ཨ་རིའི་སྒྲོ་ལོ་༤༥༠ཅན་གྱི་iPhone 5Sལས་སྒྲོ་ལོ་༥༠ཙམ་གྱིས་ཁེ་པོ་ཡོད་པ་རེད།
ཀུ་ཤུ་ཁ་པར་གསར་རྙིང་ཁག
iPad Pro
ཀུ་ཤུ་སྤྱི་གཉེར་ཁང་གིས་ཉིན་དེར་ཁ་པར་དེ་ཕུད། ད་དུང་iPad Proཞེས་པའི་ཐོན་རྫས་གསར་པ་ཞིག་ཀྱང་གསར་དུ་བཏོད་ཡོད་ལ། དེ་མིན་ཀུ་ཤུའི་རིག་ནུས་ཆུ་ཚོད་Apple Watchརིན་གོང་སྒྲོ་ལོ་༣༤༩ནས་༢༩༩བར་རིན་གཅོག་བྱེད་རྒྱུ་ཡིན་པའི་སྐོར་ཡང་ཁྱབ་བསྒྲགས་བྱས་འདུག
Apple Watch
