ཟླ3པའི་ཚེས27ཉིན། གསར་འགོད་པས་ཞིང་ཆེན་རྩོམ་རིག་སྒྱུ་རྩལ་ལྷན་ཚོགས་ནས་རྒྱུས་ལོན་བྱུང་བ་ལྟར་ན། ད་ལོར་རང་ཞིང་གིས་རིག་རྩལ་མིང་རྟགས་བསྐྲུན་རྒྱུ་ཡིན་པ་དང་། དེ་ལ་གླིང་སྒྲུང་རྒྱ་འགྱུར་མ་ཡི་དཔེ་དེབ་གསུམ་དང་།༼2016ལོར་ཀྲུང་གོའི་མཚོ་སྔོན་རྨ་ལྷོའི་རྒྱལ་སྤྱིའི་སྙན་ངག་པའི་གུར་ནང་གི་གྲལ་སྒོར་ཚོགས་འདུ༽འཚོགས་གྲབས་ཡོད་པ་སོགས་ཡིན།
ད་ལོར་རང་ཞིང་གིས་རི་མོ་དང་། ཡིག་གཟུགས་འབྲི་རྩལ། བརྙན་ལེན། རོལ་དབྱངས། ཟློས་གར། སྲོལ་རྒྱུན་སྡེ་བར་ཡིག་ཚགས་བཟོ་བའི་བརྟག་དཔྱད་དང་། གྲངས་ཉུང་མི་རིགས་རྩོམ་རིག་བརྩམས་ཆོས་གསར་རྩོམ་སོགས་ཀྱི་ཁྱབ་ཁོངས་སུ་རིག་རྩལ་བརྩམས་ཆོས་མིང་རྟགས་བསྐྲུན་རྒྱུ་ཡིན་པ་དང་། དེ་ལས་སྙན་ངག་ཁྱབ་ཁོངས་སུ༼2016ལོར་ཀྲུང་གོའི་མཚོ་སྔོན་རྨ་ལྷོའི་རྒྱལ་སྤྱིའི་སྙན་ངག་པའི་གུར་ནང་གི་གྲལ་སྒོར་ཚོགས་འདུ༽འཚོགས་གྲབས་ཡོད་པ་དང་། རྩོམ་རིག་ཁྱབ་ཁོངས་སུ་རྩོམ་སྒྲིག་དང་པར་སྐྲུན་བྱེད་པར་མཚོ་སྔོན་ཞིང་ཆེན་གྱི་དེང་རབས་རོལ་མོ་བའི་བརྩམས་ཆོས་སྐོར་གྱི་དཔྱད་རྩོམ་དཔེ་ཚོགས༼ལྡོང་གི་མ་ཡིག་ལུང་བསྟན༽ ༼འཁྲུངས་རབ་མེ་ཏོག་ཕྲེང་མཛེས༽༼རྟ་རྒྱུག་རྒྱལ་འཇོག༽གསུམ་གྱི་༼གླིང་སྒྲུང༽དཔེ་དེབ་འདི་པར་སྐྲུན་བྱེད་རྒྱུ་ཡིན་པ་དང་།
སྒྱུ་རྩལ་གསར་རྩོམ་གྱི་ཕྱོགས་ནས་རིག་རྩལ་གསར་རྩོམ་དང་དོན་དངོས་གསར་རྩོམ་གྱི་བརྗོད་དོན་ལ་མཐོང་ཆེན་བྱས་ཏེ། མཚོ་སྔོན་གྱི་མི་དཔེ་ལེགས་ཅན་དང་། དུས་རབས་ཀྱི་མིག་དཔེ། ཕུལ་བྱུང་མི་སྣ་སོགས་སྔོན་ཐོན་མ་དཔེ་གཞིར་བཞག་གིས་སྔར་ལས་ལྷག་པའི་འཚོ་བའི་ཁྲོད་ཀྱི་སྒྱུ་རྩལ་གསར་རྩོམ་གནང་དགོས། དེ་དང་དུས་མཚུངས་སུ་དམངས་ཁྲོད་རིག་གནས་དར་སྤེལ་དང་རྒྱུན་འཛིན་གཏོང་བར། ས་གནས་ཀྱི་ཁྱད་ཆོས་ལྡན་པའི་ཟློས་གར་སློབ་གླིང་དང་ཚོགས་པ་འཕེལ་རྒྱས་ལ་རྒྱབ་སྐྱོར་ཤུགས་ཆེ་རུ་བཏང་ནས༼རྨ་ལྷོའི་བོད་ཀྱི་ཟློས་གར༽སོགས་ལ་ཟློས་གར་མིང་རྟགས་བསྐྲུན་རྒྱུ་རེད།
