ཟླ་བཞི་བའི་ཚེས་དྲུག་ཉིན། རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ཀྲང་ཏི་ཅང་གིས་པེ་ཅིན་མི་དམངས་ཚོགས་ཁང་ཆེན་མོའི་ནང་ཐེ་གོའི་ཀོང་ཇོ་ཧྲི་ལིན་ཐུང་ལ་མཇལ་འཕྲད་གནང་།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཀྲང་ཏི་ཅང་གིས་གསུངས་རྒྱུར། ཀྲུང་གོ་དང་ཐེ་གོ་གཉིས་ནི་ཁྱིམ་མཚེས་བཟང་བོ་དང་སྤུན་ཟླ་བཟང་བོ། གྲོགས་པོ་བཟང་བོ་བཅས་ཡིན་ལ། ཁྱབ་ཁོངས་སོ་སོའི་ཐད་ནས་བརྗེ་རེས་དང་མཉམ་ལས་དམ་པོ་བྱེད་ཀྱིན་ཡོད། ཀྲུང་གོ་ཕྱོགས་ཀྱིས་ཐེ་གོ་བར་གྱི་འབྲེལ་བ་འཕེལ་རྒྱས་སུ་གཏོང་རྒྱུར་ཧ་ཅང་མཐོང་ཆེན་བྱེད་ཀྱིན་ཡོད་ལ། ཐེ་གོ་རྒྱལ་བོ་ཚང་དང་རྒྱལ་ཁབ་གཉིས་ཀྱི་མགོ་ཁྲིད་པས་སེམས་ཁུར་དང་རྒྱབ་སྐྱོར་ཆེན་པོ་བྱས་འོག ཕྱོགས་གཉིས་ཀྱིས་མཉམ་དུ་འབད་བརྩོན་བྱས་པ་བརྒྱུད་དེ། རྒྱལ་ཁབ་གཉིས་ཀྱི་ཁྱོན་ཡོངས་ཀྱི་འཐབ་ཇུས་མཉམ་ལས་གྲོགས་པོའི་འབྲེལ་བར་རྒྱུན་ཆད་མེད་པར་གྲུབ་འབྲས་གཡུར་ཟ་བ་ཐོབ་པར་ང་ལ་ཡིད་ཆེས་ཡོད་ཟེར།
ཀོང་ཇོ་ཧྲི་ལིན་ཐུང་གིས་བཤད་རྒྱུར། ཐེ་གོ་ཕྱོགས་ཀྱིས་ཕྱོགས་གཉིས་ཀྱིས་སློབ་གསོ་དང་རིག་གནས། ལྕགས་ལམ་བཅས་ཁྱབ་ཁོངས་ནས་མཉམ་ལས་སྔར་ལས་བཟང་བོ་སྤེལ་བར་མུ་མཐུད་དུ་སྐུལ་འདེད་བཏང་སྟེ། ཐེ་གོ་དང་ཀྲུང་གོ་བར་གྱི་མཛའ་བཤེས་དང་རྒྱལ་ཁབ་གཉིས་ཀྱི་འབྲེལ་བ་འཕེལ་རྒྱས་སུ་གཏོང་བར་བྱས་རྗེས་སྔར་ལས་མང་པོ་འཇོག་འདོད་ཡོད་ཟེར།
