ཕོ་བྲང་པོ་ཏ་ལའི་དབྱར་དུས་ཀྱི་མེ་འགོག་ཞིབ་བཤེར་སྤེལ།

        འདི་ནི་ཟླ5པའི་ཚེས24ཉིན་ཕོ་བྲང་པོ་ཏ་ལའི་མེ་གསོད་རུ་ཁག་གིས་མཚན་མོའི་ཞིབ་བཤེར་བྱ་འགུལ་སྤེལ་བའི་ཚུལ།

        ཟླ5པའི་ཚེས24ཉིན།  བོད་ལྗོངས་ཕོ་བྲང་པོ་ཏ་ལའི་དོ་དམ་ཁྲུའུ་ཡིས་ཕོ་བྲང་པོ་ཏ་ལའི་མེ་གསོད་རུ་ཁག་དང་མཉམ་འབྲེལ་བྱས་ཏེ་ཕོ་བྲང་པོ་ཏ་ལ་རུ་མཉམ་འབྲེལ་ཞིབ་བཤེར་གྱི་བྱ་འགུལ་རྒྱ་ཆེར་སྤེལ། ངོ་སྤྲོད་བྱས་པ་ལྟར་ན། ལོ་རེའི་བོད་ལྗོངས་ཀྱི་ཡུལ་སྐོར་བྲིན་དུས་ནི་གློག་དང་མེ་བཀོལ་བ་ཆེས་མང་བའི་དུས་སྐབས་ཡིན་ལ།   དུས་སྐབས་འདིར་མེ་འགོག་ཞིབ་བཤེར་གྱི་བྱ་བ་སྣ་ཚོགས་སྤེལ་རྒྱུ་ནི་རྒྱུན་ལྡན་གྱི་རྣམ་པ་ཞིག་ཏུ་གྱུར་ཡོད།  ཤེས་གསལ་བྱུང་བ་ལྟར་ན། ཕོ་བྲང་པོ་ཏ་ལའི་དོ་དམ་ཁྲུའུ་ཡིས་གཟའ་འཁོར་རེར་ཕོ་བྲང་པོ་ཏ་ལའི་མེ་གསོད་རུ་ཁག་དང་མཉམ་འབྲེལ་བྱས་ཏེ་ཕོ་བྲང་པོ་ཏ་ལའི་འདུ་ཁང་སོ་སོ་དང་། གཞུང་སྒྲུབ་བཀོལ་ཁང་སོགས་སུ་གློག་དང་མེ་བཀོལ་བ་ལྟོས་བཅོས་ཀྱིས་མང་བའི་གནས་སུ་ཞིབ་བཤེར་ཐེངས་གསུམ་ནས་བཞི་སྤེལ་ཏེ། འཛམ་གླིང་ཤུལ་བཞག་རིག་གནས་སྟེ་ཕོ་བྲང་པོ་ཏ་ལའི་མེ་འགོག་བདེ་འཇགས་ལ་ཁག་ཐེག་བྱས། །