སྲོག་ཆགས་སྲུང་སྐྱོབ་བྱེད་པ་དེ"སྲོག་ཆགས་སྲུང་སྐྱོབ་ཀྱི་འཇིགས་སྐུལ་རིང་ལུགས"སུ་བསྐྱོད་པའི་རྒྱུ་མཚན།

          དྲག་སྤྱོད་ཀྱི་ལམ་ནས་སྲོག་ཆགས་བཅིང་འགྲོལ་ལས་འགུལ་སྤེལ་བར་རྙོག་དྲ་ཆེན་པོ་བྱུང་པ་སྨྲོས་མ་དགོས་པ་ཞིག་རེད་མོད།  དེང་སང་ནུབ་ཕྱོགས་སུ་སྲོག་ཆགས་ཀྱི་ཁེ་དབང་སྲུང་སྐྱོབ་ཐད་ཀུན་གྱིས་དོ་སྣང་དང་བགྲོ་གླེང་བྱེད་བཞིན་ཡོད་དེ།  ་དྲག་སྤྱོད་པ་ཉུང་ཤས་ཀྱི་ངོ་རྒོལ་ཙམ་ལ་སྤྱི་ཚོགས་ཀྱིས་ཁས་ལེན་ཐོབ་མི་སྲིད་པས་ལུགས་མཐུན་གྱི་བགྲོ་གླེང་བྱེད་རྒྱུ་གལ་ཆེན་པོ་རེད།Henry Stephens Salt ནི་སྲོག་ཆགས་ཁེ་དབང་སྐོར་གྱི་གཞུང་ལུགས་ཐོག་མ་རྩོམ་མཁན་ཏེ། ཁོས་ནུབ་ཕྱོགས་ཀྱི་སྲོལ་རྒྱུན་མཚན་ཉིད་རིག་པ་དང་ཆོས་ལུགས་ཀྱི་ངོས་ནས་འཇིག་རྟེན་གྱི་བྱ་དངོས་ཡོད་དོ་ཅོག་ལ་རྣམ་ཤེས་ཡོད་པར་སྨྲ་བའི་ལྟ་བར་མཐའ་གཅིག་ཏུ་ངོ་རྒོལ་བྱེད་ཀྱི་ཡོད་པ་དང་།  ཏར་ཝུན་གྱི་འཕེལ་འགྱུར་སྨྲ་བ་ལྟར་ན་མི་དང་སྲོག་ཆགས་ཐད་དངོས་འབྲེལ་གྱི་ཁྱད་པར་གང་ཡང་མེད་པར་གཞིགས་ནས།    བཅའ་ཁྲིམས་སྨྲ་བ་དང་སྲིད་གཞུང་མེད་པར་སྨྲ་མཁནClara Wichmannགྱིས《གཅེས་ཟོག་གི་ཁྲིམས་ལུགས་གོ་གནས》ཞེས་པའི་ཁྲོད་དུ་ཡོར་ཧན་རྨིར་ནང་བཞིན་སྲོག་ཆགས་ཀྱི་བྲན་གཤིས་དང་བྲན་གཡོག་རིང་ལུགས་གཉིས་གཤིབ་བསྡུར་བྱས་འདུག       དེང་རབས་སྲོག་ཆགས་གི་ཁེ་དབང་སྨྲ་བའི་གཞུང་ལུགས་ཀྱི་རྨང་གཞི་ནི་དབྱིན་ཇིའི་རིག་པ་སྨྲ་བPeter Singer་ཡིན་ལ།  ཁོས ༡༩༧༥ ལོར《སྲོག་ཆགས་ཀྱི་བཅིངས་འགྲོལ》ཞེས་པའི་རྩོམ་དུ་འགྲོ་བ་མིའི་ཐོབ་ཐང་གི་རྨང་གཞི་ནི་མི་རྣམས་ལ་རང་སྒེར་གྱི་འདུ་ཤེས་དང་།  རང་དབང་གི་འདོད་བློ།  རྗེས་དཔག་གི་བསམ་གཞིགས་སོགས་ཀྱི་ནུས་པ་ལྡན་པའི་ལྟ་བ་བཏོན་ཡོད་མོད།  བྱིས་པ་དང་།   བསམ་བློའི་ནད་རིགས་ཅན་དག་ལ་ནུས་པ་འདི་འདྲ་ཡོད་མི་སྲིད་པས།  ཁོ་ཚོ་བྲན་དུ་འཁོལ་བའམ་མནར་གཅོད་མི་གཏོང་མི་ཆོག་པ་བཞིན་།   སྲོག་ཆགས་ཀྱི་ཁེ་དབང་ཡང་བཙན་འཕྲོག་བྱེད་མི་ཆོག་པ་རེད།

          ནུབ་ཕྱོགས་ཀྱི་རིག་སྨྲ་བ་དག་གིསSingerཀྱི་རྨང་གཞིའི་སྟེང་སྲོག་ཆགས་ཀྱི་ཁེ་དབང་ཐད་ཀྱི་གཞུང་ལུགས་ཅི་རིགས་བརྩམས་ཡོད་དེ། ཧ་ཝར་ཌི་སློབ་ཆེན་གྱི་ཁྲིམས་ལུགས་དགེ་རྒན་ཆེན་པོ།  དེང་རབས་སྲོག་ཆགས་ཁེ་དབང་ལས་འགུལ་གྱི་གདོང་ལེན་པ་ལྟ་བུSteven M. Wiseཡིས།  སྐྱེ་དངོས་ཡོད་དོ་ཅོག་ལ་ལག་ལེན་ལྟ་བུའི་ཆེས་གཞི་རྩའི་རང་དབང་ནི་ངེས་པར་དུ་ཡོད་དགོས་ཤིང་།   ཁོ་ཚོར་དམིགས་བྱ་ལྡན་པའི་ངང་རང་གི་འདོད་བློ་ཚིམ་པར་བྱས་ན་ད་གཟོད་རང་ཉིད་ལ་གང་ཞིག་ཐོབ་པར་འདོད་པའམ་རང་ཉིད་འཇིག་རྟེན་དུ་འཚོ་སྡོད་བྱས་ཡོད་པ་གསལ་བོར་རྟོགས་ཐུབ་པ་རེད་ཟེར།

          གཞུང་ལུགས་དེ་དག་ལ་མོས་མཐུན་མེད་མཁན་ཡང་མི་ཉུང་པ་ཡོད་དེ།   ཁྲིམས་དཔོན་ཆེན་མོ་པོ་ན་སི་ནི་དེའི་ཁྲོད་ཀྱི་གཅིག་ཡིན་ཏེ།  ཁོས་ནི་སྤྱིར་བཏང་གི་མི་ཆོས་རིང་ལུགས་ཀྱི་ངོས་ཐད་ནས་སྲོག་ཆགས་བྱམས་བརྩེས་བསྐྱངས་ན་འགྲིག་འདུག་འདོད།

          ཅི་ནས་བཤད་ཀྱང་།  སྲོག་ཆགས་ཀྱི་ཁེ་དབང་ཐད་ལྟ་བ་མི་མཐུན་པ་མང་པོ་ཡོད་སྲིད་ནའང་།  ནུབ་ཕྱོགས་སྤྱི་ཚོགས་སུ་སྤྱི་དམངས་མང་ཤོས་ཀྱིས་གདངས་གཅིག་ཏུ་སྲོག་ཆགས་ལ་གནོད་འཚེ་གཏོང་མི་རུང་བ་ངོས་འཛིན་ཆགས་ཡོད་པ་དང་།  མི་མང་གིས་བཟོ་ལས་ཅན་འཛུགས་བསྐྲུན་གྱིས་སྲོག་ཆགས་གསོ་རར་འཇུག་པ་སོགས་རང་དབང་ལ་བཀག་སྡོམ་བྱེད་པར་ངོ་རྒོལ་བྱེད་ཀྱི་ཡོད་པ་མ་ཟད་ངོས་འཛིན་དེ་དག་ལ་ཁྲིམས་ལུགས་ཀྱི་རྒྱབ་སྐྱོར་ཡང་ཡོད་དེ །  ༢༠༠༢ ལོར།  འཇར་མན་གྱིས་གཞི་རྩའི་བཅའ་ཁྲིམས་དང་པོར་འདེམས་ཤོག་འཕེན་དུས"རྒྱལ་ཁབ་ཀྱིས་མིའི་རིགས་ཀྱི་ལ་རྒྱར་བརྩི་འཇོག་བྱེད་དགོས"ཞེས་པ་དེ"རྒྱལ་ཁབ་ཀྱིས་མི་དང་སྲོག་ཆགས་ཀྱི་ལ་རྒྱར་བརྩི་འཇོག་དང་སྲུང་སྐྱོབ་བྱེད་དགོས"ཞེས་བཅོས་འདུག གཞན་ཨ་རིའི་ཡུལ་ལུང་མང་པོར་སྲོག་ཆགས་ལ་གནོད་འཚེ་བྱེད་མི་རུང་པའི་ཁྲིམས་ལུགས་ཀྱི་གཏན་འཁེལ་ཡོད་པ་རེད།